اۋدانىمىز ءۇستىرتتى ەكولوگيالى قالا-قالاشىق قۇرۋدى جەدەلدەتتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-09-14 10:56:00

 

    تولقىن ايتان قىزى حابارلايدى. جۋىقتاعى جىلدان بەرى، مۇڭعۇلكۇرە اۋدانى وبلىستىق پارتكومنىڭ « قالانىڭ كەرەگەسىن كەڭەيتىپ، ەرەكشەلىگىن ايگىلەپ، سيپاتىن ايشىقتاپ، رۋحىن اسقاقتاتۋ» جونىندەگى كوزقاراسى بويىنشا، جوعارى دەڭگەيدەگى ەكولوگيالى قالا قۇرۋدى جەبەدى.


    مۇڭعۇلكۇرە اۋدانى جوسپاردى باستى ورىنعا قويۋ، مەملەكەتتىڭ ءىشى-سىرتىنداعى وزىق تاجيربيەلەردەن پايدالانىپ، جوعارى ولشەمدە، جوعارى دەڭگەيدە «مۇڭعۇلكۇرە اۋدانىنىڭ (2010-جىلدان 2030-جىلعا دەيىنگى) جالپى تۇلعالىق جوسپارىن» جاساپ ءارى سۋمەن قامداۋ، سۋدى ىعىستىرۋ، جىلۋمەن قامداۋ، جەر سىلكىنىسنەن ساقتانۋ، تاس جول قاتارلى ارناۋلى جوسپاردى دا جاساپ بولدى؛ قالا مەن اۋىلدى دامىتۋدىڭ «ۇلى جوسپار» كوزقاراسىن ورناتىپ، ءوڭىرلىك ساياحات، جاسىل ونەركاسىپ، جىلقى شارۋاشىلىعى قاتارلى سالالاردى توڭىرەكتەي وتىرىپ ءوندىرستى شوعىرلاندىرىپ، قالا، ءوندىرىس، ەكولوگيا جانە ساياحات قاتىناسىن جاپپاي جوسپارلاپ، نەگىزدىك قۇرىلعى، الەۋمەتتىك قىزمەت وتەۋ، قالا قۇرلىمى، ەكولوگيالىق قۇرلىس جانە ءوندىرىستى جاپپاي جوسپارلاپ جانە ورنالاستىرۋ جاساپ، ءوندىرىسپەن بىرلەسكەن، نەگىزگى قۇرىلعىنى ورتاق قۇرۋ، الەۋمەتتىك قۇرىلعىنى ورتاق پايدالانۋداي تىڭ اۋقىم قالىپتاستىردى.


    «تازا، ىركىلىسسىز، ءتارتىپتى، تىنش بولۋدى» ولشەم ەتىپ، مۇڭعۇلكۇرە اۋدانىنىڭ ءوزىندىك ەرەكشەلىگى مەن جاعىراپيالىق ورتاسىنا قاراي، مۇڭعۇلكۇرەنىڭ مادەنيەت بەلگىسىن قالا جاعىدايىمەن توعىستىرىپ، ساۋدا بازارىمەن بىرىكتىرىلگەن كوپ قاباتتى عيمارات سالماۋعا تاباندى بولىپ، قالا قۇرلىس رەڭىن سىرتقى كورنىسىن قاتاڭ مەڭگەرىپ، قالا- قالاشىق قۇرلىسى مەن ءوڭىرلىك ساياحاتتى ءوزارا توعىستىرىپ، مۇڭعۇلكۇرەلىك ەرەكشەلىككە يە قالا وبىرازىن جاراتتى. ءزىندىك ەرەكشەلىككە يە شتى شاعىن قالاشىعى، اقدالا كۇتىمدەنۋ شاعىن قالاشىعى، قاشاجار جانە سارقوبى ۇلتتىق سالت-سانا شاعىن قالاشىعى سىندى 4 شاعىن قالاشىق قۇرۋدى اتتانىسقا كەلتىردى. قازىر، 140 ميليون يۋان قارجى قوسىپ، ەكىنشى جىلۋ جەتكىزۋ زاۆودى سالنىپ بولدى. لاشىق ۇيلەردەگى 3900 وتباسىنى قايتا وڭاپ، 3700 وتباسىن وتىراقتاندىرىپ، اۋقاتتاندىرۋ قۇرلىسىن سالىپ، الەۋمەتتىڭ مايعا بەرىلەتىن ۇيدەن 1499ىن سالىپ، ءار ۇلت بۇقاراسىنىڭ تۇرعىن ءۇي شارت-جاعدايىن كورنەكتى وڭادى. 30 ميليون يۋان قارجى قوسىپ، سۋمەن قامداۋ ەكىنشى كەزەڭ قۇرلىس نىسانىن رەسىمي ىسكە قوستى. 46 ميليون يۋان قارجى قوسىپ، اۋدان قالاسى ىشىندەگى تۇرمىستىق قوقىر-قوقسىقتاردى ءبىر جاقتىلى ەتۋ زاۆودى جانە لاس سۋدى ءبىر جاقىتلى ەتۋ زاۆودىن پايدالانۋعا بەردى.


    قالانى باسقارۋ بارسىندا، مۇڭعۇلكۇرە اۋدانى ۇلتتىق سالت-سانا مەن وسىزاماندى كورنەكتىلەندىرىپ، ەكولوگيا مەن ءوندىرىس ءوزارا توعىسقان ءوزىندىك ەرەكشەلىكتى ساۋلەلەندىرىپ، وسىزامان قىزمەت وتەۋ تيجارات كوزقاراسىن سىڭدىرىپ، قالا مەن اۋىلدى باسقارۋ مەحانيزىمىن كەمەلدەندىرىپ، قالا-قالاشىق قۇرىلىسىن سالۋ، باسقارۋ جانە قىزمەت وتەۋ قۇرلىمى جونىندە ىزدەنىس جاساپ، قالا مەن اۋىل جوسپار قۇرلىسىنىڭ ارناۋلى كاسىپتىڭ دارىندىلار قوسىنىن جەتىلدىردى جانە قۇردى. قالا-قالاشىق تۇرعىندارىن قالا مەن اۋىلدى باسقارۋ ىسىنە ات سالىسۋعا باۋراپ، الەۋمەتتىك وڭاۋ جۇرگىزدى. كوشە، جولدارىن، قالا مەن اۋىلدى ۋنيۆەرسال وڭاۋدى تۇيندى كۇشەيتىپ، تاماشا ورتا قالىپتاستىرىپ، وركەنيەتتى ادەپ-عۇرىپتى دارىپتەپ، كوركەم اتا-مەكەن قۇردى. جوعارى دەڭگەيدەگى قالا-قالاشىق باسقارۋ قۇرلىمىن ورناتۋ ارقىلى، قالا الەۋمەتتىك قۇرىلعى يقۋاتى تولىق ساۋلەلەنىپ، قالا-قالاشىق ءتارتىبى رەتكە تۇسىپ، تىڭ بەينە جاراتىلىپ، ءار ۇلت بۇقاراسىنىڭ باقىت كورسەتكىشى بىرتىندەپ ارتتى.


مۇڭعۇلكۇرە اۋداندىق راديو-كينو-تەلەۆيزيا احپارات تاراتۋ ورتالىعى