تۇرعىندار ورتاسىن جاقسارتىپ، كوركەم كۇنەس قۇرۋعا كۇش سالدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-10-13 10:39:00


    قالينۇر بەلدەنبەك ۇلى حابارلايدى. كۇنەس اۋدانى 2017- جىلى كونە قالا رايونىنا قارجى قوسىلىنمىن ارتتىرىپ، قالا رايونىنىڭ نەگىزگى قۇرىلعى قۇرلىسىن وزگەرتىپ، كونە قالا رايونىنداعى حالىق بۇقاراسىن كەمەلدى، ساپالى نەگىزدىك قۇرىلعىلاردان يگىلىكتەندىردى.


    بيىل كۇنەس اۋدانى 384 ميلليون يۋان قارجى قوسىپ، اۋدان قالاشىعى رايونىنداعى ۇزاق جىلدار بويى جوندەلمەگەن نۇرلى جول، قۇرلىس كوشەسى قاتارلى 11 نەگىزگى جولدىڭ 12.5 كيلومەتىرلىك بولەگىن وزگەرتىپ جاساپ، جاياۋلار جولىن، جاسىلداندىرۋ بەلدەۋى، كوشە شىراعى، سۋ، ەلەكتىر، جىلۋ قۇبىرى قۇرىلعىلارىن جاڭالاپ، قالا رايونىنداعى 160 كوشەنى اسپاليتتاندىرىپ، جاسىلداندىردى. قازىرگە دەيىن 11 نىسان قۇرلىس باستاپ، 3 نىسان قۇرلىسىن اياقتادى، جوسپارمەن قازان ايىنىڭ سوڭىندا 9 نىسان قۇرلىسى اياقتاپ، ەكى نىسان كەلەسى جىلى سالىنىپ بولادى ەكەن.


    كۇنەس اۋدانىنداعى كوپ ءبولىم تۇرعىندار كونە قالا رايونىندا ، جان سانى، كولىك كوپ، تۇرعىنداردىڭ جۇرىپ – تۇرۋ جانە تۇرمىسى قۇرلىستىڭ ىقپالىنا ۇشىراماۋىنا كەپىلدىك ەتۋ ءۇشىن، قالا قۇرلىس تاراۋلارى قاتىستى شارالاردان پايدالانىپ، بولەكتەرگە ءبولىپ قۇرلىس جۇرگىزىپ، قارقىندى تەزدەتىپ، ۋاعىندا قالپىنا كەلتىرۋگە كۇش سالدى، قاتىناس، سۋمەن قامداۋ قۇبىر تورابى جىلۋمەن قامداۋ تورابىنا ىقپال جەتكىزبەۋ نەگىزىندە، قۇرلىس جۇرگىزىپ، ونىڭ ۇستىنە كونە قالا رايونىنىڭ ساۋدا كوشەسىن وزگەرتۋ جاعىندا، حالىق بۇقاراسىنىڭ تىلەگى بويىنشا، ساۋدا رايونىن ۇيلەسىمدى جوبالادى، قازىر جاڭادان سالىنعان جول ، جاڭا جاسالعان قۇبىر تورابى ىركىلىسسىزدەندى.


    قالاشىق تۇرعىنى ابدىراسىل: بۇرىن بۇل جەر كونە بازار بولاتىن، جاڭبىر، قار جاۋعاندا جەر استى قۇبىرىنان ساسىق يىس مۇڭكىپ، توتەنشە لاس بولاتىن. بيىل ۇكىمەت قارجى قوسقاننان كەيىن، قايتا جاسادى،قۇرىلعىلارى كەمەلدى، ساۋدامىزدا جاقساردى،بۇل كوپشىلىككە تيىمدى بولدى- دەدى.


    اۋداندىق تۇرعىن ءۇي جانە قۇرلىس مەكەمەسى قالا قۇرلىس كەڭسەسىنىڭ ينجەنەرى لي ۋي: كۇنەس اۋدانى 2017- جىلى تەحنيكالىق قۇرلىسقا جالپى 190 ميلليون يۋان قارجى قوسىپ، نۇرلى جول، جاستار كوشەسىنىڭ شىعىس باتىس بولەگى، قۇرلىس كوشەسى قاتارلى جولداردى وزگەرتىپ جاسادى. سونىمەن بىرگە جولدارداعى قوسىمشا قۇرىلعى سۋمەن قامداۋ، سۋ ىعىستىرۋ قۇبىر تورابى، جىلۋمەن قامداۋ تورابى، جاياۋلار كوشەسى، جاسىلداندىرۋ بەلدەۋىن قايتادان جاسادى، بيىل مەجەمەن %80 نىسان اقىرلاسىپ پايدالانۋعا بەرىلەدى. نىساننىڭ اتقارىلۋى اۋدانىمىزدىڭ تەحنيكالىك قۇرىلعى، قۇرلىس ورەسىن جوعارلاتتى، حالىقتىڭ قاتىناس شارت جاعدايىن كورنەكتى جاقسارتتى- دەدى.


    باۋ باقشالى اۋدان قالا، سيفىرلى باسقارۋ نىساناسىن توڭىرەكتەگەن كۇنەس اۋدانى 2018- جىلى اتقاراتىن نىساننىڭ باستاپقى مەزگىلدىك قىزمەتىن جاقسى ىستەپ، جوسپارمەن 166 ميلليون يۋان قارجى قوسپاقشى، قۇرلىس مازمۇنى نەگىزىنەن جول ينجەنەرياسى، شاقپى وزەنى سۋ جۇيەسىن وڭاۋ، اۋدان قالا جاياۋلار جولىن وزگەرتىپ جاساۋ، جاسىلداندىرۋ، جارىقتاندىرۋ ينجەنەرياسىن قامتيدى.

    
    كۇنەس اۋداندىق راديو-تەلەۆيزيا مەكەمەسى