اۋىل-قىستاق سەنىمدى امانات قارىز كوپەراتيۆى ورتا شاعىن كاسىپورىندار مەن شارۋالاردىڭ اۋقاتتانۋىن پارمەندى جەبەي تۇستى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-02-13 17:34:00

 

    ىرسالى سىلاميا ۇلى حابارلايدى. جاقىنعى جىلداردان تەكەس اۋداندىق اۋىل-قىستاق سەنىمدى امانات قارىز بىرلەسپە كوپەراتيۆى ءۇش اۋىل-شارۋاشىلىعىن تۇيىن ەتىپ، تومەن ءونىمدى قارىزبەن قامداۋ تەبىنىن ارتتىرىپ، كاسىپتىك ديقان وتباسىلار مەن ورتا-شاعىن كاسىپورىندارعا قارجى قوسىۋدى نەگىزگى تۇلعا ەتىپ، سەنىمدى امانات-قارىز اقشا ارقىلى تاڭداۋلى اۋىل-شارۋاشىلىق ونىمدەرىن جاراتىپ، اۋىل شارۋاشىلىق كاسىبىنىڭ دامۋ اياق الىسىن بار كۇشپەن جەدەلدەتىپ قالماي سەنىمدى امانات قارىز اقشانى شارۋالاردى يقۋاتتاندىرۋداعى تىرەكتى كۇش رەتىندە مىقتى يگەرىپ، تۇتاس اۋدانداعى ديقان وتباسىلاردىڭ يگىلىك جاراتىپ، كىرىستى ارتتىرۋىنا ۇزدىكسىز كومەكتەسىپ، امانات قارىز كوپەراتيۆىنىڭ رولىن تولىق ساۋلەلەندىرىپ، تۇتاس اۋدانداعى قالىڭ ءار ۇلت شارۋالارىنىڭ قىزۋ العىسىنا يە بولدى.


    تەكەس اۋداندىق ليانشياڭ بال ءونىمدەرى كاسىبى شارۋالار سەلبەستىك كوپتەتيۆى وسى اۋدانداعى بال ونىمدەرىن نەگىزگى تۇلعا ەتكەن، ءوندىرىس كاسىبى ايتارلىقتاي جاندانا تۇسكەن اۋدانداعى تىرەكتى كاسىپورىنداردىڭ ءبىرى. وسى كاسىپورىن قۇرىلعان 8 جىلدان بەرى كوپەراتيۆ مۇشەسى العاشقى 6 وتباسىدان بۇگىنگە كەلگەندە جيىنى 103 وتباسىعا جەتىپ، بۇقارانى يگىلىككە كەنەلدىردى. بىلتىرعى جىلى وسى شارۋالار سەلبەستىك كوپەراتيۆى اۋداندىق اۋىل-قىستاق امانات قارىز كوپەراتيۆىنەن 10 ميلليون يۋان تومەن ءوسىمدى قارىز اقشا الىپ، ونى ءوندىرىستى دامتىۋعا ىستەتۋ مەن بىرگە ءوندىرستىڭ كولەمىن اۋماقتاندىرىپ دامىتىپ، ءبىر جىل ىشىندە 284 توننادان استام بال ءونىمىن بازارعا شىعارىپ، وسىدان ەنگىزگەن جالپى بال ءونىم كىرىسىن 200 ميلليون يۋانعا جەتكىزدى. بۇل جونىندە كاسىپورىن جاۋاپتىسى كۇڭ ليڭيۇن تىلشىگە: ءبىز وسى بال ونىمدەرى سەلبەستىك كوپەراتيۆىنىڭ تەز قارقىنمەن دامۋىن ونان ارى جەبەي تۇسىۋ ءۇشىن، بارلىق قارجى كۇشىن كاسىپ وندىرىسىن دامتىۋعا ويىستىرۋ مەن بىرگە ۇستەگى جىلدىڭ وزىندە بانكەدەن مولشەرمەن 50 ميلليون يۋان تومەن ءوسىمدى قارىز اقشا الىپ، كاسىپورىن كولەمىن بارىنشا كەڭەيتتىك. وسى ارقىلى سەلبەستىك كوپەراتيۆتىڭ وسىزاماندانعان تەحنيكامەن وندىرگەن جەرلىك ەركشىلىككە يە بال ونىمدەرىن شينجياڭنىڭ ءىشى-سىرتىنا يمپورت ەتىپ، كاسىپورىن مەن كوپەراتيۆ مۇشەلەرىن تىڭ يگىلىككە كەنەلدىردىك.


    بۇل كۇنى ليانشياڭ بال ونىمدەرى كاسىبى شارۋالار كاسىپتىك سەلبەستىك كوپتەراتيۆى ءوندىرىستى تىپتى دە جانداندىرىپ، بازاردىڭ ىرىقتى ورنىن يەلەۋ ءۇشىن، ارناۋلى ساتىپ شىعارۋ سەرىكتىگىن قۇرىپ، رايونىمىزدىڭ ءىشى-سىرتىنان بولىمشە ساتۋ بازارىن اشىپ قانا قالماستان وسىنىڭ ناتيجەسىندە قازىر وسى كاسىپورىن ىلە اڭعارىنداعى بال ونىمدەرى كاسىپورىندارىنىڭ ىشىندەگى باستاماشى ايگىلى كاسىورىنعا اينالپىتى.


    قازىر تەكەس اۋدانىندا ليانشياڭ شارۋالار سەلبەستىك كاسىپورنى سياقتى ءوندىرىستى كۇش سالا دامىتىپ، اعالاپ العا شىققان باستاماشى كاسىپورىندار كوبەيە تۇستى. اۋداندىق سۋتىكى شينجياڭ قوڭىر سيىر باعىمشىلىعى شارۋالار سەلبەستىك كاسىپىورنى دا ۇكىمەتتىڭ تۇرلى ساياساتتىق تيىمدىلىكتەر مەن قارجى تيىمدىلىگىنەن يكەمدى پايدالانىپ، باعىمشىلىق كاسىبىن عىلىمي دامىتىپ، تۇيىندى اسىل تۇقىمدى بازالارىن قالىپتاستىرىپ، تىڭ يگىلىككە كەنەلە تۇستى. بۇل جونىندە اۋداندىق سۋتكى شينجياڭ قوڭىر سيىرى باعىمشىلىق شارۋالار كاسىپتىك سەلبەستىك كوپەراتيۆىنىڭ باس القاسى مۋساجان تىلىشگە: مەن بيىل اۋداندىق اۋىل-قىستاق سەنىمدى امانات قارىز كوپەراتيۆىنەن 1ميلليون يۋاننان استام قارىز اقشا الىپ، وسى اقشاعا 120 باس اسىل تۇقىمدى شينجياڭ قوڭىر سيىرىن ساتىپ الدىم. ساپالى سيىر سانىن بۇرىنعىسىنان دا ەداۋىر ارتتىرا تۇستىم. قازىر مەنىڭ قورامدا جالپى 570باس اسىل تۇقىمدى سيىر بار. مۇنان سىرت ءبىز ءبىر جىل ىشىندە 1500باستان ارتىق سيىردى بازارعا شىعارىپ، كاسىپورىننىڭ ەكونوميكالىق كىرىسىن بارىنشا ارتتىرىپ وتىرمىز. ەندى ءبىر جاقتان اۋداندىق اۋىل-قىستاق امانات قارىز كوپەراتيۆى دە بىزگە قارجى جاقتان زور قولداۋ كورسەتىپ، كاسىپورىنمىزدىڭ دامۋ اياق الىسى تەزدەي تۇستى دەدى بەكەم سەنىممەن.


    ۇستەگى جىلى تەكەس اۋداندىق اۋىل-قىستاق سەنىمدى امانات قارىز كوپەراتيۆى ‹‹ءۇش اۋىل شارۋاشىلعىن دامتىۋعا قارجى جاقتان قولداۋ كورسەتۋ تەبىنىن ۇزدىكسىز ارتتىرۋ مەن بىرگە قارىز اقشا تاراتۋ قۇرىلىمىنا تىڭ رەتتەۋ جۇرگىزىپ، سەنىمدى قىستاق پەن سەنىمدى وتباسىلاردى ءبىر تۇلعا ەتكەن جاڭاشا ءوندىرس ءتاسىلىن جولعا قويىپ، وسى ارقىلى سەنىمدى امانات-قارىز كوپەراتيۆىنىڭ رولىن تولىق ساۋلەلەندىرىپ قانا قالماي ديقان وتباسىلار مەن ورتا شاعىن كاسىپورىنداردىڭ قارجىعا بولعان سۇرانىسىن ويداعىداي قاناعاتتاندىرىپ، ولاردىڭ كاسىپتە جاڭالىق جاراتىپ، تەز الۋەتتەنۋىن پارمەندى جەبەي تۇسكەن.


    بۇل جونىندە تەكەس اۋداندىق اۋىل-قىستاق كوپەراتيۆى سەنىمدى قارىز اقشا تاراتۋ ءبولىمنىڭ مەڭگەرۋشىسى ماجينجۇڭ تىلشىگە: كەزەكتە امانات قارىز كوپەراتيۆىمىز قالىڭ ءار ۇلت شارۋالارى، جەكە تيجاراتشى سونداي-اق ورتا شاعىن كاسىپورىنداردى نەگىز ەتىپ، ولاردى قارجى جاقتان قولداپ كەلەدى. 2017–جىلى بانكەمىز تۇتاس اۋدان بويىنشا 800ميلليون استام قارىز اقشا تاراتتى. ءارى وسى ءبىر نەشە جىلدان بەرى جاڭا قۇرىلعان كاسىپورىن، شارۋالار سەلبەستىك كوپەراتيۆى، وتباسى اۋلا شارۋاشىلعى، شارۋالار شاتتىعى ساياجايى، ولشەمدى باعىمشىلىق كاسىبى، شوعىرلى باعىمشىلىق بازاسى سياقتىلاردى قارجى جاقتان دەمەۋ مەن بىرگە تۇيىندى ساۋدا ساتىق ورىندارىن دا زور مولشەردە قولداپ كەلدىك. مۇنان سىرت ءبىر نەشە تۇرلى جاڭا ءوندىرىس تاسىلدەرى مەن شارالارىن ىسكە قوسىپ، سەنىمدى قارىز اقشانىڭ تاراتىلۋ كولەمىن كەڭەيتۋ مەن بىرگە شارۋالاردان قۇرام تاپقان بىرلەسپە سەلبەستىك كوپەراتيۆتەردىڭ دامۋىنا قوزعاۋشىلىق ەتىپ، وسى ارقىلى شارۋالاردىڭ دامۋىنا ساپالى قىزمەت وتەپ، تۇتاس اۋداننىڭ ءار سالا كاسىبىنىڭ دامۋى مەن ەكونوميكاسىنىڭ اقاۋسىز دامۋىنا تاماشا شارت جاعداي جاراتىپ بەردىك دەدى بەكەم سەنىممەن.


تەكەس اۋداندىق راديو–تەلەۆيزيا مەكەمەسى