كوكتەمگى مال ىندەتىنىڭ الدىن الۋ قىزمەتى ٴجۇرىلدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-03-13 13:27:00

 

    گۇلنار ٴاۋساي قىزى حابارلايدى. جازعىتۇرىم ٴارتۇردەگى مال ىندەتى تارايتىن مەزگىل. كوز الدا شىڭگىل اۋدانى مال ىندەتىنىڭ الدىن الۋ قىزمەتىن جالپى بەتتىك قانات جايدىرىپ، قوي، سيىر، ٴۇي قۇستارىن مەرزىمگە ٴبولىپ، ىندەتتىك الدىن الۋ ۆاكسيناسىن قۇيىپ، مال ىندەتى تاراۋىنىڭ الدىن الدى.


    12-ناۋرىزدا ارالتوبە قالاشىعىنىڭ كومىركەن قىستاعىنىڭ تۇرعىنى مۇقامادەننىڭ قوراسىندا مال شارۋاشىلىعى مال شيپاگەرلىك پونكىتىنىڭ قىزمەتكەرلەرى مالدارعا ۆاكسينا قۇيۋ قىزمەتىن جۇرگىزىپ، ۆاكسينا قۇيىلعان مالداردىڭ قۇلاعىنا بەلگى تاعىپ، قاتىستى گراپپالاردى تولتىردى.


    ارالتوبە قالاشىعى كومىركەن قىستاعىنىڭ تۇرعىنى مۇقامادەن تىلشىگە: «قولىمىزداعى مالداردىڭ اقاۋسىزدىعىن تەكسەرۋ، ۆاكسينا قويۋ قىزمەتى تەگىن ٴجۇرىلدى. بۇل ٴبىزگە وتە ٴتيىمدى بولدى»،-دەدى.
كوز الدا شىڭگىل اۋداندىق مال شارۋاشىلىعى مال شيپاگەرلىك مەكەمەسىنەن 30 مال شيپاگەرى ٴارقايسى اۋىل قىستاقتارداعى ٴاربىر وتباسىنداعى، ٴار باس (تۇياق) مالعا ۆاكسينا قويىپ، مال ىندەتى تۋىلماۋىن كەپىلدەندىرىپ، مال شارۋاشىلىعىنىڭ اقاۋسىز دامۋىن ىلگەرلەتتى.


     اۋداندىق مال شارۋاشىلىعى مال شيپاگەرلىك پونكىتىنىڭ شيپاگەرى داۋلەت تىلشىگە: «2-ايدىڭ 25ىنەن باستاپ مال ىندەتىنىڭ الدىن الۋ قىزمەتىن جۇرگىزدىك، باستى ماقساتىمىز ٴتۇرلى مال ىندەتىن الاستاپ، ادام مەن مالدىڭ حاۋىپسىزدىگىن كەپىلدەندىرۋ. مامىر ايىنىڭ سوڭىنا دەيىن كوكتەمگى مال ىندەتىنىڭ الدىن الۋ قىزمەتىن جالپى بەتتىك ورىنداپ بولامىز»،-دەدى.

شىڭگىل اۋداندىق راديو-تەلەۆيزيا مەكەمەسى