شاپچال اۋدانى «اۋىل-قىستاق ەلەكتروندى ساۋداسى مەن كەدەيلىكتەن قۇتىلدىرۋ قوسىلعان» ۇلگىنى باتىلدىقپەن قولدانىپ تاماشا ناتيجەگە قول جەتكىزدى
كەلۋقاينارى: |جاۋاپتى رەداكتور: | جاڭالانعان ۋاقىت:2018-03-13 16:58:00


    2017- جىلى، شاپچال سىبە اۆتونوميالى اۋدانى مەملەكەتتىك ارناۋلى باعالاۋ، تەكسەرۋدەن ءساتتى ءوتىپ، كەدەي اۋدان دەگەن اتتان قۇتىلدى. كەدەيلىكتەن قۇتىلۋ ناتيجەلەرىن قالاي بەكەمدەپ جوعارلاتىپ، قيىنشىلىعى بار بۇقارانىڭ ىشكى ومىرشەڭدىك قۋاتىن جۇمىلدىرعان ءجون؟ جەرگىلىكتى ورىن «اۋىل-قىستاق ەلەكتروندى ساۋداسى مەن كەدەيلىكتەن قۇتىلدىرۋ قوسىلعان» ۇلگىنى باتىلدىقپەن قولدانىپ تاماشا ناتيجەگە قول جەتكىزدى.


    بىرنەشە كۇننەن بەرى، اۋىل-قسىتاقتىڭ ەلەكتروندى ساۋداگەرى جۇن چاۋجۇن مەرەكەلىك زاتتاردى ۇنحات دۇكەنىنىڭ ءبىرىنشى بەتىنە شىعاردى، شاپشالدىڭ كۇرىشى، سۇرلەنگەن قازىسى سياقتى تاۋارلاردى تانىستىرۋ سۋرەتىنە «باقىت» دەگەن حانزۋ ءارىبىن ادەمىلەپ جازىپ، شاعان بوساعالىعىن قوستى. ول ءوزىن « توراپ ساۋداسى» مەرەكەلىك زاتىن ساتۋشى ەتىپ تانىستىردى. ول تىلشىگە: شاعان مەرەكەسى كەزىندە ورتاشا ءتيجارات سومام 2 مىڭ يۋان مولشەرىندە بولادى. ءبىر جىلدا 4 تە 5 ميلليون يۋان تابىس تابام،- دەدى.


    شاپچالدا جۇن چاۋجۇن سياقتى توراپ ساۋداگەرىنەن 2 مىڭنان استامى بار. ول تىلشىگە: شاپشالدىڭ اۋىل شارۋاشىلىق ونىمدەرى «جاندانعان توراپ ساۋداسى» مەرەكەلىك زاتىنا اينالدى. ەشقاشان ايالاقتىق ىستەپ، قايتا-قايتا ۇگىتتەي بەرمەيدى، تەك جاسىل ورگانيكالى ءونىم ساپاسىنا سۇيەنەدى. كۇرىشتىڭ ساپاسىن ءونىمدى باقىلاپ مەڭگەرۋ ءۇشىن جەرگىلىكتى ورىن شاپشال كۇرىش قوعامىن قۇرىپ، 23 كاسىپورىن مەن كووپەراتيۆتى وسى قوعامعا قاتىناستىردى، ءارى مامان ۇسىنىس ەتىپ 3- جاقتى باقىلاپ باسقارۋ قيمىلىن ورىستەتتى، شاپچال كۇرىشىنىڭ جەرگىلىكتى ولشەمىن بەلگىلەپ، تۋ باستان مەڭگەرۋ جانە بارىسىن باسقارۋ مىندەتىن ورىنداپ، كۇرىشتىڭ جالپى بارىسىن زەرتتەۋ جۇيەسىن جۇزەگە اسىردى-،دەدى.


    شاپچال اۋدانىنداعى كۇرىش ەگۋ كوپەراتيۆىندە جۇمىسشىلار اۆتوماتتى ءوندىرىس شەبىن مەڭگەرىپ، ءبىر تۇتاس ولشەم بويىنشا كۇرىشتى جىنتىكتەي قوراپتادى. ساتۋ مەڭگەرۋشىسى فۋ چيڭچۇن تىلشىگە بىلاي دەدى: قازىر، جاقسى كۇرىش تە تاماشا ۇگىتتەۋدى قاجەت ەتەدى، اۋاسىزداندىرىپ قوراپتاپ، جالعاننان ساقتانۋ ورگانيكالى بەلگىسىن جاپسىرىپ، قاعاز قوراپقا سالىنعاندىقتان دا شاپشال كۇرىشى ءوزىنىڭ ساپاسىمەن بىردەي باعادا ساتىلادى. جۇڭگونىڭ ورگانيكالى ازىق-تۇلىكتەرىن جارىققا شىعارۋ ءۇشىن ءبىز 6 جىل كۇرەسۋدىڭ ارقاسىندا بۇگىنگى ورگانيكالى ونىمدەر جارىققا شىقتى.


    جوعارى ساپالى ءونىم، ادەمى قوراپ جانە توراپتاعى ساتىلۋ ۇلگىسى قوسىلىپ، 5 كيلوگرامدىق قوراپتالعان شاپشال كۇرىشى 150 يۋانعا ساتىلادى. ساپالى استىق ەكسەڭ جوعارى باعدا ساتىلادى دا، ايلانىپ كەلىپ ديقاندار يگىلىگىن كورەدى. جەتىسۋمۇل اۋىلىنداعى ورگانيكالى كۇرىش كووپەراتيۆىنىڭ ديقانى ابىلەت سىدىق اۋىل ۇيىمداستىرعان كۇرىش ەگۋ كۋرسىنا قاتىناستى. ورگانيكالى كۇرىشكە سۇيەنىپ كەدەيلىكتەن قۇتىلىپ اۋقاتتانعان ابىلەت سىدىق كۇرىش ەككەن سايىن كوپتەگەن ساۋاتتارعا يە بولعانىن ايتا كەلىپ: ءبىر جىلدا 3 كەزەك كۋرس اشىلادى، قازىر ءونىم مولشەرى جاقسى، بۇرىن ءبىر مۋدان 500 دە 600 كيلوگرام كۇرىش الاتىنمىن، قازىر 700 دە 750 كيلوگرام كۇرىش الامىن، بيىلعى كىرىسىم 40 مىڭ يۋاننان اسادى،- دەدى.


    شاپچال كۇرىشىنىڭ جەبەۋىندە، جەرگىلىكتى تاۋىق جۇمىرتقاسى، كوك بۇرشاق سياقتى ديقاندار وتباسىنداعى ەسكەرۋسىز جەرگىلىكتى ەرەكشە ونىمدەر دە توراپتا مولىنان ساتىلىپ، كەدەي بۇقارانىڭ كىرىسىن ارتتىرۋ جولىن كەڭەيتتى.

    
    قازىر، شاپچال اۋدانىندا قىستاق دارەجەلى ەلەكتروندى ساۋدا ۋنيۆەرسال قىزمەت وتەۋ پۋنكتى جاپپاي جالپىلاسىپ، كاسىپ سالالانعان توراپ ساۋداسى قوسىنى قالىپتاستى. شاپچال اۋداندىق ەلەكتروندى ساۋدا كاسىپ باقشاسىنىڭ قىزمەتكەرى يۇي شياۋپيڭ: قازىر، ەلەكتروندى ساۋدا كۋرسى اشىلۋدا، نەگىزىنەن اۋىل-قالاشىقتاعى كەدەي وتباسىلارى، كاسىپ كۇتىپ وتىرعان جاستار، اۋىلىنا ورالعان ستۋدەنتتەر، ايەلدەر سياقتىلارعا باعىتتالعان، ەلەكتروندى ساۋدا تەكشەسىنەن پايدالانىپ كەدەي جان سانىنىڭ كاسىپ كوزىن اشۋىنا كومەكتەسەمىز، وسى تەكشە ارقىلى جەرگىلىكتى ەرەكشە اۋىل شارۋاشىلىق ونىمدەرىن جەر-جەرگە تانىستىرامىز-، دەدى.


    حاباردى جازعان: بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)