كۇنەس اۋدانى كاسىپ جاراتۋشى جاستاردىڭ كاسىپ جاراتۋ ارمانىن ورىنداۋىنا بارىنشا كومەكتەستى
كەلۋقاينارى: |جاۋاپتى رەداكتور: | جاڭالانعان ۋاقىت:2018-03-13 18:06:00


    ايقىن ورىنبەك ۇلى حابارلايدى. پارتيا 19-قۇرىلتايىنان بەرى كۇنەس اۋدانى، «كەڭ كولەمدە كاسىپتىك تەحنيكا كۋرسىسىن ورىستەتۋ، قۇرىلىمدىق كاسىپتەنۋ قايشىلعىن شەشۋگە كوڭىل بولۋ، كاسىپ جاراتۋ ارقىلى كاسىپتەندىرۋدى جەبەۋ» باعىتىنا تاباندى بولىپ، بۇكىل اۋداننىڭ قوعامدىق ەكونوميكاسىنىڭ قارىشتاپ دامۋىنا ورنىقتى قادام تاستاپ، كاسىپتەنۋ قۇرىلىمى مەن كاسىپتەنۋ تاسىلىنە زور وزگەرىس ەنگىزىپ، دەربەس كاسىپ جاراتۋ، دەربەس كاسىپتەنۋ، يكەمدى كاسىپتەنۋ جوعارى مەكتەپ وقۋشىلارىن كاسىپتەنۋگە جەبەگەندىكتەن كاسىپتەنۋشىلەردىڭ ءورىسى اناعۇرلىم ۇلعايىپ، كاسىپتەنۋ بولاشاعى اناعۇرلىم كوركەيدى. 

    تيان جىچاۋ 1990-جىلداردان كەيىن دەربەس كاسىپ جاراتقان جوعارى مەكتەپ وقۋشىسى،ول تىلشىگە : مەن 2015-جىلى جوعارى مەكتەپ بىتىرگەننەن كەيىن، بىرنەشە ورىندا قىزمەتكە قاتىناستىم، الايدا جانەدە ءوزىمە ءبىرشاما ۇيلەسەتىن كاسىپ جاراتۋعا بەكىدىم، وسىلايشا 2015-جىلى كۇنەس اۋدانى اشقان كاسىپ جاراتۋ قيمىلى كۋرسى كىلاسىنا قاتىناستىم. كۇرسىدان زور شابىت الدىم دا! سونىمەن مەملەكەتتىڭ كاسىپ جاراتۋ قارىز اقشاسىنا ءوتىنىش تاپسىردىم، ودان سوڭ ۇرىمجىگە بارىپ تەكسەرۋ جۇرگىزىپ، ۇيرەك ەتىننەن جاسالاتىن جەلىلەس تاعامدارى شاعىن اسحاناسنىڭ كۇنەس اۋدانىنا ۇيلەسەتىنىن بايقاپ، ساۋداعا بەلشەشە كىرىستىم، قازىر كىرىسىم جامان ەمەس، ءاركۇنگى تيجاراتىم مىڭ يۋان شاماسىندا. مەملەكەتتىڭ ساياساتىنا العىس ايتامىن-دەدى. 

    سوڭعى جىلداردان بەرى، جوعارى مەكتەپ وقۋشىلارىنىڭ كاسىپ جاراتۋىن قولداۋ ءۇشىن، مەملەكەت جانە ءاردارەجەلى ۇكمەت كوپتەگەن ءتيىمدى ساياساتتار شىعاردى، بۇل ءوسىمسىز قارىز اقشا، كاسىپ جاراتۋ كۋرسىسى، كاسىپ جاراتۋعا جەتەكشىلىك ەتۋ قاتارلىلاردى قامتىدى. جاڭ ليجۋان دا سول تىيىمدىلىكتەردەن يگىلىكتەنگەندەردىڭ ءبىرى، ءىنجۋ –مارجان ساراپتاۋ كاسبىن بىتىرگەن ول، وزىنىڭ ارتىقشىلعىنان پايدالانىپ، ءوسىمسىز قارىز اقشا ارقىلى قاس تاسى دۇكەنىن اشتى. جاڭ ليجۋان تىلشىگە كىشكەنتايىنان قاس تاسىنا ەرەكشە قىزىعاتىنىن، ونىڭ ارمانى ءوزىنە ءتان قاس تاسى ورنىن قۇرۋ ەكەنىن، قاس تاسىنا قىزىعاتىن ادامداردىڭ تۇگەلدەي ونىڭ جانىنا كەلىپ ءتۇرلى كوركەم قاس تاستارىنان لازاتتانۋىن ۇمىت ەتەتىدىگىن ايتا كەلىپ: مەن كىشكەنە كەزىمنەن باستاپ حوتان قاس تاسىنا ەرەكشە قىزىقتىم، كەيىن جوعارى مەكتەپكە ىنجۋ-مارجان ساراپتاۋ كاسبىنە ەمتيحان بەردىم، جوعارى مەكتەپ مەزگىلىندە، مەن وسى مەكتەپتىڭ كاسىپ جاراتۋ كۋرسىسىنا قاتىناستىم، جوعارى مەكتەپ بىتىرگەننەن كەيىن، وسى جاقتا جوعارى مەكتەپ وقۋشىلارىنىڭ كاسىپ جاراتۋعا تىيىمدىلىك جاراتۋعا ارناۋلى بوساتىلعان 100 مىڭ يۋاندىق قارىز اقشاسىنا وتىنىش بەرىپ وسى دۇكەندى اشتىم، ساۋدام جامان ەمەس، بۇدان كەيىن، دۇكەنىمدى ۇلعايتىپ، وزىمە ءتان ساقتاعان تۋىندى كورمەسىن وتكىزىپ، قاريدارلارعا كوركەم قاس تاستارىنىڭ سىيقىرلى باۋراعىشتىعىن سەزىندىرەمىن، بۇل تەك ساتۋ مەن ساتىپ الۋ بايلانىسى بولماستان، جۇڭگونىڭ ءداستۇرلى قاس تاسى مادەنيەتىن جاڭعىرتۋعا سەپتىگىن تيگىزەدى-دەدى. 

    كۇنەس اۋدانى سوڭعى جىلدارى كاسىپتەندىرۋ ارقىلى حالققا تيىمدىلىك جاساۋ ساياساتىن بەلسەنە اتقارىپ، كاسىپتەندىرۋ، كاسىپ جاراتۋ قىزمەتىن حالىق تۇرمىسىنىڭ ءتۇيىنى ەتۋگە تاباندى بولدى ءارى كاسىپ جاراتۋدى جەبەۋ، كاسىپتەندىرۋگە جەتەكشىلىك ەتۋ، كاسىپتەندىرۋ، كاسىپ جاراتۋدى تاربيەلەۋ قاتارلى جاقتارعا بارىنشا كۇش سالىپ، 2017-جىلى اۋدان بويىنشا جاڭادان كاسىپ جاراتقانداردى 571 ادامعا جەتكىزىپ، كاسىپ جاراتۋدى جەبەۋ ارقىلى 1703 ادامنىڭ كاسىپتەنۋىن قولدادى، 500 دەن استام كاسىپ جاراتۋشىعا كاسىپ جاراتۋ كەپىل قارىز اقشاسىنان 37 ميلليون 887 مىڭ يۋان تاراتىپ بەرىپ، ەڭ جوعارى دەڭگەيدە كاسىپ جاراتۋ ارقىلى كاسىپتەندىرۋدى جەبەۋدىڭ ماڭىزدى رولىن بارىنشا ساۋلەلەندىرىپ، كاسىپ جاراتۋشىلاردىڭ كاسىپ جاراتۋ ارمانىن ورىنداۋىنا كومەكتەستى.



كۇنەس اۋداندىق مادەنيەت–دەنەتاربيە راديو–تەلەۆيزور مەكەمەسى