«ءۇش ءونىم ءبىر بەلگى» قويۋ اتقارىلعاننان بەرى چاپشال اۋدانى ساپالى اۋىل شارۋاشىلىق ونىمدەرىنىڭ سىرتقا شىعۋ قادامىن ىلگەرلەتتى
كەلۋقاينارى: |جاۋاپتى رەداكتور: | جاڭالانعان ۋاقىت:2018-04-16 18:20:00


ساپا ارقىلى اۋىل شارۋاشىلىعىن گۇلدەندىرۋ، جاسىل دامۋ ارقىلى اۋىل شارۋاشىلىعىن گۇلدەندىرۋدى توڭىرەكتەي وتىرىپ، رايونىمىز اۋىل شارۋاشىلىعىنداعى ءىرى اۋدان چاپشال سىبە اۆتونوميالى اۋدانى كۇرىش وندىرۋدەن قامال الۋدى ءتۇيىن رەتىندە مىقتى ۇستاپ اۋىل شارۋاشىلىق ونىمدەرىنىڭ ماركا وبىرازىن بىرتىندەپ سومدادى. ساپاسىن جاقسارتىپ، ءونىمىن ارتتىرۋمەن بىرگە، ساپالى اۋىل شارۋاشىلىق ونىمدەرىن ۇزدىكسىز سىرتقا شىعارىپ، جوعارى باعادا ساتپاق.


ىلە اڭعارىنداعى چاپشال سىبە اۆتونوميالى اۋدانىنىڭ سۋ، توپىراق، كۇن نۇرى بايلىعى جەتكىلىكتى، شينجياڭداعى ءۇش ءىرى كۇرىش ءوندىرىسى بازاسىنىڭ ءبىرى. بۇرىن جەرگىلىكتى ورىنداعى اۋىل شارۋاشىلىق ونىمدەرىن مانەرلەۋ كاسىپورىندارى باس - باسىنا بازار ىزدەپ، ءبىر تۇتاس ماركا ابزالدىلىعىن قالىپتاستىرا الماعان ەدى، چاپشال كۇرىشىنىڭ اتاعى «ارزان كۇرىش» دەگەن عانا اتىمەن ەلگە تانىس بولاتىن. 2017 - جىلى رايونىمىز تۇڭعىش رەت «ءۇش ءونىم ءبىر بەلگى» قويۋ قوسىمشا قاراجات بەرۋ ساياساتى (ياعني زالالسىز ونىمدەر، جاسىل ازىق- تۇلىكتەر، ورگانيكالى ونىمدەر مەن اۋىل شارۋاشىلىق ونىمدەرىنىڭ جاعىراپيالىق بەلگىسى) اتقارىلعاننان كەيىن، چاپشال سىبە اۆتونوميالى اۋدانى كۇرىش وندىرىسىمەن اينالىساتىن كاسىبورىندارعا ولشەممەن ەنگىزۋ، ءبىر تۇتاس ولشەمدى بەلگى بولۋ، اۋىل شارۋاشىلىعىنىڭ دامۋىن ساندىق جاقتاعى دامۋدان ساپا جاقتاعى دامىتۋعا بۇرىلىس جاساۋ تالابىن قويدى.


شينجياڭ ي مەيشياڭ كۇرىش كاسىبى شەكتى سەرىكتەستىگىندە جۇمىسشىلار ورگانيكالى كۇرىشتى جىنتىكتەي مانەرلەدى. كاسىپورىن جاۋاپتىسى ۋاڭ بو تىلشىگە:ۇقساماعان الارماندار شوعىرىنا قاراي، سەرىكتەستىگىمىز كۇرىش شاي قاتارلى جەلىلەس ونىمدەر ءوندىرىپ، بەيجيىڭ، شاڭحاي سياقتى جەرلەردىڭ ورتاشا، جوعارى ساتىداعى بازارىنا شىعاردىق، بازارداعىلاردىڭ اڭىسى جامان ەمەس ،- دەدى.


قازىر، جەرگىلىكتى ورىنداعى 19 كۇرىش مانەرلەۋ كاسىپورنى چاپشالدىڭ كۇرىشى جاعىراپيالىق بەلگى ماركاسىنان پايدالاندى، ماركامىزدى پايدالانعان بۇل كاسىپورىندار سەلبەستىك كوپەراتيۆتەرىمەن بىرلەسىپ جەرگىلىكتى ورىنداعى ديحانداردىڭ كىرىسىن ارتتىردى. كاسىپورندار ەرەكشە سورتتاعى كۇرىشتەردى مۋ سانىنا قاراپ ساتىپ الادى. بۇرىنعىمەن سالىستىرعاندا ديحاندار ءبىر مۋ جەردەن 300 دە 500 يۋان كىرسى كىرگىزە الادى.


چاپشال سىبە اۆتونوميالى اۋدانى اۋىل شارۋاشىلىق مەكەمەسى پارتگرۋپپاسىنىڭ شۋجيى يۋان جۇن بىلايشا تانىستىردى: جەرگىلىكتى ۇكىمەت 3 - جاقتاعى قۇرىلىمدى ۇسىنس ەتىپ باقىلاپ، باسقارادى، ماركامىزدى جاپسىرعان كۇرىشتىڭ ساپا حاۋىپسىزدىگىن كۇشەيتەدى. وسىلاي بولعاندا چاپشالدىڭ كۇرىشى ماركانى باسقارۋ ولشەمى بويىنشا باسقارىلادى دا كۇرىش ماركاسىنىڭ تانىمالىعىن ارتتىرۋعا مۇنىڭ پايداسى زور، ءارى ءوز بوگەنايىن ويداعىداي ساقتاپ، تۇرلەندىرىپ، جوعارى ساپالى تۇتىنۋ قاجەتىن دە قاناعاتتاندىرادى.


جۋىق جىلدارى، ساپالى اۋىل شارۋاشىلىق ونىمدەرى ماركاسىن ايگىلەۋ تۇتاس شينجياڭدا جوعارى ورلەۋگە كوتەرىلدى. بىلتىر «جىڭنىڭ الاقاتى» ساۋدا ميينسترلىگى جاريالاعان تۇڭعىش توپتاعى جۇڭگو، ەۆروپا جاعىراپيالىق بەلگىسىن ءوزارا تانيتىن ونىمگە اينالدى، ءارى ەۆروپا بازارىنا ەندى. شينجياڭداعى تۇڭعىش مەمىلەكەتتىك ورگانيكالى اۋىل شارۋاشىلىعىنان ( قاراشار اۋدانىنداعى 30 مىڭ مۋ اراق اشىتاتىن ٴءجۇزىم) ۇلگى كورسەتەتىن بازا ۆيسكا استى.


2017 - جىلعا دەيىن، شينجياڭداعى كۇشكە يە مەرزىم ىشىندەگى «ءۇش ءونىم ءبىر بەلگى» قويىلعان ونىمدەردىڭ سانى 1300 گە جەتتى. بيىل شينجاڭنىڭ «ءۇش ءونىم، ءبىر بەلگى» قويىلعان ەكولوگيالىق باقىلاۋ تەكسەرۋ كولەمىنە ەنگەن ازىق ورنىندا پايدالاناتىن اۋىل شارۋاشىلىق ونىمدەرىنىڭ كولەمى %40 تەن استى.


حاباردى جولداعان: بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)