نارات كورىنىس رايونى ساياحاتشىلارعا تيىمدىلىك ساياساتىن شىعارىپ، ساياحاتشىلاردى باۋرادى
كەلۋقاينارى: |جاۋاپتى رەداكتور: | جاڭالانعان ۋاقىت:2018-04-16 18:24:00

قالينۇر بەلدەنبەك ۇلى حابارلايدى. ءساۋىر ايى كەلگەننەن بەرى، كۇن بىرتىندەپ جىلىنىپ، ادامدار سەيىلگە شىعىپ، كوكتەم شۋاعىنا شومدى. جۋىردا، نارات كورىنىس رايونى كوپ ءتۇرلى ساياحاتقا تيىمدىلىك جاساۋ شاراسىن شىعارىپ، جەر-جەردەن كەلگەن ساياحاتشىلاردى قارسى الدى.


ءتىلشى نارات كورىنىس رايونىنان، ءبىر سىپىرا ساياحاتشىلاردىڭ الدىن الا كوكتەم شۋاعىنا شومىپ، وسىندا گۇلدەردى تاماشالاپ، سۋرەتكە تۇسىپ جۇرگەنىن كوردى.


بيجيڭدىك ساياحاتشى ۋاڭ يۇيپىڭ:مەن بيجيڭنەن ءبىرىنشى رەت ناراتقا كەلۋىم، مەنشە بۇل جاق وتە كەڭ، ونان سوڭ، قارلى تاۋ، ساقارا،ونىڭ ۇستىنە گۇلدەر شەشەك اتىپتى، مەنشە بۇل ناراتتىڭ ەڭ كوركەم مەزگىلى، مەن تۇتاس ەلىمىزدەگى اناعۇرلىم كوپتەگەن ساياحاتشىنىڭ وسىندا ساياحاتتاي كەلىپ، شينجياڭنىڭ اسەم كورىنىسىن تاماشالاۋىن ۇمىت ەتەمىن-دەدى.


ىشكى موڭعۇلدان كەلگەن ساياحاتشى سۇڭ شين:مەن ءبىرىنشى رەت نارات كورىنىس رايونىنا كەلىپ، اق وزەن ساقاراسىن كوردىم، اتى زاتىنا ساي ەكەن. مەنشە بۇل جەردىڭ تاۋى جاسىل، سۋى تۇنىق. ادامدارى دا سونداي قوناعۋار ەكەن، مەن ەرەكشە قۋانشتامىن-دەدى.


ياڭجوۋلىق ساياحاتشى جاۋ يوۋبيڭ:بۇندا قالىڭ قار جاڭادان ەرىپ جاتقاندا گۇل اشىلىپتى، بۇل جابايى ءلالا گۇلى، ارى مۇندا قازاق ۇلتىنىڭ ءدامدى اس-تاعامدارىنان ءدام تاتتىق، كاۋاپ، شەلپەك ەرەكشە ءدامدى ەكەن، ءبىز ىشكى ولكەدەگى اعايىنداردىڭ ۇنەمى شينجياڭعا ساياحاتتاي كەلۋىن ۇمىت ەتەمىز-دەدى.


اناعۇرلىم كوپ ساياحاتشىنى باۋراۋ ءۇشىن، نارات كورىنىس رايونى، ساياحاتتىڭ سايابىر، قاۋرت مەزگىلى سىندى ۇقساماعان مەزگىلگە قاراتا ۇقساماعان ەسىك بەلەتى ساياساتىن اتقاردى. سايابىر مەزگىلدە ەسىك بەلەت باعاسى ادام باسىنا 75 يۋان، قاۋرت مەزگىلدە ەسىك بەلەت باعاسى ادام باسىنا 95 يۋان. كورىنىس رايونى قىزمەتكەرلەرى دە ساياحاتتىڭ قاۋرت مەزگىلى كەلۋدەن بۇرىن بارلىعى قىزمەتكە شىعادى ءارى سايكەستى قىزمەت وتەۋ قۇرىلعىلارىنا تەكسەرۋ جۇرگىزەدى.


نارات ساياحات كورىنىس رايونى تيجارات ورتالعىنىڭ قىزمەتكەرى چىن جيڭ:كوكتەم ماۋسىمى ساياحات بازارىن جانداندىرۋ ءۇشىن، كورىنىس رايونىمىز ارنايى جەكە-جەكە سايابىر، قاۋرت مەزگىل ساياساتىن شىعاردى، سايابىر مەزگىلدە كورىنىس رايونىمىز ارنايى «شينجياڭدىقتاردىڭ شينجياڭدى ساياحاتتاۋى» ساياساتىن جولعا قويدى، ونان سوڭ رايونىمىز ىشىندەگى ساياحاتشىلارعا قاراتا، ءبىز دە كورىنىس ەسىك بەلەتى سونداي اق كورىنىس ارالعى اۆتوكولىگىنە تۇتاستاي جارىم بەلەت باعاسىندا تيىمدىلىك ساياساتىن اتقاردىق، ونان سوڭ وسى شينجياڭدا اسكەري مىندەت وتەگەن جاۋىنگەر سونداي اق ساقشىلارعا، ءبىز تۇتاستاي ەسىك بەلەتى جانە كورىنىس رايونى اۆتوكولىك بەلەتىن تەگىن بەرەمىز، ءوز اۆتوكولىگىمەن ساياحاتتاۋشىلارعا قاراتا، ءبىز جانەدە جەكە-جەكە ءبىر 200 يۋان ءبىر ادام رەتتىك تيىمدىلىك ساياساتىن جولعا قويدىق-دەدى.


ۇعىسۋعا قاراعاندا، ءساۋىردىڭ 1-كۇنىنەن باستاپ، كورىنىس رايونى ىركەس-تىركەس جەر-جەردەن كەلگەن ساياحاتشىلاردى قارسى العان، ءساۋىردىڭ 10-كۇنىنە دەيىن، نارات كورىنىس رايونىنىڭ قابىلداعان ساياحاتشى مولشەرى وتكەن جىلعى ۇقساس مەزگىلدەن % 573 ارتىپ، ساياحات كىرىسى ءبىر ميلليون 365 مىڭ يۋان بولىپ، ۇقساس مەزگىلدەن% 520 ارتتى، مۇندا توپتىق ساياحاتشى جانە بولشەك ساياحاتشى قارايلاس بولىپ، رايونىمىز ىشىنەن كەلگەن ساياحاتشى% 60 يەلەپ، نەگىزىنەن ۇرىمجى، قۇلجا، قارامايلى قاتارلى ورىنداردان كەلدى؛ رايونىمىز سىرتىنداعى ساياحاتشىلار %40 يەلەپ، نەگىزىنەن بيجيڭ، گۋاڭدۇڭ، نانجيڭ، جىجياڭ قاتارلى جەرلەردەن كەلگەن.


كۇنەس اۋداندىق راديو-تەلەۆيزيا مەكەمەسى