ون جىلعى قيىنشىلىقتى ءبىر كۇنگىدەي وتكىزگەن قايسار ايەل
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-05-16 15:37:00

سۋرەت: گاۋ جۋلان كۇيەۋىن كۇتىمدەۋدە


 جەڭىسحان اسقار ۇلى، اۋاحان تۇراپ قىزى حابارلايدى. گاۋ جۋلان ساۋان اۋدانى سىداۋحىزى قالاشىعى سانداۋپيڭ قىستاعىنىڭ ءبىر قاراپايىم اۋىل-قىستاق ايەلى، ءبىر قاراپايىم شارۋا وتباسىنىڭ كەلىنى، ول اتا-ەنەسىن، ەندى ءبىر جاعىنان سال بولىپ جاتىپ قالعان كۇيەۋى مەن بالالارىنا قارايلاسىپ كەلگەن قايسار ايەل. كوپ جىلداردان بەرگى، بۇل ىزگى ءىسى توڭىرەگىندەگى كورشىلەرىن اسەرلەندىرىپ، بۇكىل قالاشىققا اڭىز بولىپ تارالدى.


  ول وتباسىنىڭ جاقسى كەلىنى


  1982-جىلى 25 جاستاعى گاۋ جۋلان باسقالاردىڭ تانىستىرۋىمەن ساۋان اۋدانى سىداۋحىزى قالاشىعى سانداۋپيڭ قىستاعىنىڭ تۇرعىنى ليۇ يۇڭچياڭمەن ۇيلەنەدى، اتا-ەنەسى شارۋا بولىپ، وتباسى جاعدايى ناشار، كۇيەۋى وتباسىنىڭ ءۇشىنشى بالاسى بولىپ، ودان كەيىن ازامات جاسىنا تولماعان ءۇش قايىن ءسىڭىلىسى بار. ەڭ كىشكەنەسى 8 جاستا ەدى. 1983-جىلى 11-ايدا ولاردىڭ تۇڭعىش ايەل بالاسى دۇنيەگە كەلىپ كوپ وتپەي، ىلە-شالا ءبىر ەر بالالى بولادى.


  1987-جىلى ويلاماعان جەردەن ەنەسى توسىن مي قان تامىر توسىلۋ ناۋقاسىنا شالدىعىپ، تۋىس-تۋعان، دوس جاراندارىنان قارىز اقشا الىپ ەمدەتەدى، قاريا جارىم دەنەسى سالدانىپ، جاتىپ قالادى. سول كۇننەن باستاپ، ول سالدانىپ جاتىپ قالعان ەنەسى، جاسى ۇلعايعان اتاسى، تاعى ورتالاۋ مەكتەپ وقىپ جاتقان ەكى قايىن ءسىڭىلىسى، ءوزىنىڭ ءبىر ۇل ءبىر قىزىنا قارايدى. وسىدان باستاپ گاۋ جۋلاننىڭ موينىنا بۇل وتباسىنىڭ بارلىق اۋىرتپالىعى تۇسەدى. ول تاڭ سارىدەن ورنىنان تۇرىپ، تاماقتى ىستەپ اتا-ەنەسىنىڭ الدىنا قويىپ، ونان سوڭ ءوزى اتىزعا ەڭبەك ىستەۋگە كەتەدى، كەشتە تاعى بالالارىنا قاراپ، وتباسىنىڭ شارۋاسىن تىندىرادى. ءار كۇنى ەنەسىنە ءۇش ۋاقىت قالاقتاپ تاماق ىشكىزەدى، ەكى ساعاتتا ءبىر اۋناتىپ، دەنەسىن ءسۇرتىپ تازالاپ، جايالىعىن اۋىستىرىپ تۇرادى. گاۋ جۋلان ەنەسىنىڭ سوڭعى ومىرىنە دەيىن جاقسى كۇتەدى. بۇعان قىستاقتاعىلاردىڭ بارلىعى كۋا ەدى.


  ول كۇيەۋىنىڭ جاقسى ايەلى


  2000-جىلى گاۋ جۋلانىڭ كۇيەۋى ءوزى ۆەلوسيپەد جوندەۋدى ۇيرەنىپ، پالون جاماپ، تەمىرشىلىك ىستەپ، ءۇش دوڭگەلەكتى اربا ساتىپ الىپ، قىستاقتاردى ارالاپ ريمونتشىلىق ىستەپ ازىن-اۋلاق اقشا تابادى، وتباسىنىڭ جاعدايى كۇننەن-كۇنگە جاقسارا تۇسەدى. 2003-جىلى ول قالاشىقتان ءبىر ساۋدا ءۇيىن مايعا الىپ، دۇكەن اشادى. سونىمەن ەگىستىك جەردىڭ جۇمىسى جۇبايى مەن ەر بالاسىنڭ ۇستىندە قالادى، ونىڭ ۇستىندە جەتپىستەن اسقان اتاسىنا قارايدى.


  2006-جىلى، كۇزگى جيىن-تەرىن جۇمىسى اقىرلاسىپ، كەلىن الۋ دايىندىعىنداعى گاۋ جۋلانعا، قالاشىقتان «كۇيەۋى ميىنا قان قۇيىلىپ، جىعىلدى»،- دەگەن حابار كەلەدى، كۇيەۋىنە مي قان تامىرى توسىلعان دەگەن دەگنوز قويىلىپ، ول شيپاگەرلەردىڭ داۋلاۋىنا سايكەسىپ، دەن قويا كۇيەۋىن كۇتىمدەپ، شيپاگەرلەردىڭ كەڭەسىمەن اقشانى ۇنەمدەپ قالۋ ءۇشىن، شيپاگەردىڭ جەتەكشىلىگىندە ۇيرەنىپ، ءار كۇنى 4-5 رەت كۇيەۋىنە ۋقالاپ داۋالاۋ الىپ بارادى. وسىلاي جالىقپاي قاراۋىنىڭ ارقاسىندا ءبىر جىلدان كەيىن كۇيەۋىنىڭ اياعىنا جان كىرىپ، ۋقالاۋدى سەزىنە باستايدى، كەيىن كۇيەۋى اقىرى ورنىنان تۇرىپ، توسەكتەن ءتۇسىپ اقىرىن جۇرە باستايدى.


  وسىلايشا ارادا بىرنەشە جىل وتىپ، گاۋ جۋلاندا ءبىر ىسكەر كەلىن ءتۇسىرىپ، نەمەرەلى بولادى. الايدا، ول ويلاماعان جەردەن جانەدە قيىنشىلىققا ۇشىرايدى. 2014-جىلى گاۋ جۋلاننىڭ كۇيەۋىنىڭ اۋرۋى قايتادان اۋىرلاسىپ، بۇكىل دەنەسى سالدانىپ قالادى. شيپاگەر وعان كەڭەس بەرىپ ۇيىنە اپارىپ قاراۋدى ەسكەرتەدى. سونىمەن ۇيىنە قايتىپ كەلىپ ءار كۇنى كۇيەۋىن زەر سالا كۇتىمدەپ، كۇيەۋىن جاقسى قاراۋ ءۇشىن، تەك قانا جەرگە سۇيەنىپ تۇرمىس كەشىرەدى. ەگىستىك جەرگە نە ەكسە سوعان سۇيەندى، كوپ جىلداردان بەرى ول باسقالاردان قالعان كيىمدى كيىپ، سونشا جىلداردان بەرى ءبىر رەت تە جاڭا كيىم الىپ، ءبىر رەت تە ۇيىنەن ۇزاپ شىعىپ كورگەن ەمەس. ول وزىنە سەنەدى، ول ۇزدىكسىز تىرىسسا، كۇندەردىڭ بىرىندە ءوزىنىڭ تۇرمىسىنىڭ جاقسارتىندىعىنا سەنەدى. گاۋ جۋلاندى كورگەن كورشىلەرى قاتتى اسەرلەندى، ول وسى وتباسى ءۇشىن ۇزدىكسىز ەڭبەكتەنىپ كەلەدى.


  ول بالاسىنىڭ جاقسى اناسى


  اتا-انا بالانىڭ تۇڭعىش مۇعالىمى، اتا-انانىڭ ءسوزى مەن ارەكەتى بالالارعا ىقپال جاسايدى، ول قىستاقتاعى قاراپايىم ءبىر ايەل، وقىماعان بولسادا، اتا-انانىڭ بالاعا تۇڭعىش مۇعالىمى ەكەندىگىن، اتا-انانىڭ ءسوزى مەن ارەكەتى بالالارعا تىكەلەي ىقپال جاسايتىندىعىن بىلەدى. ونىڭ ۇلى اناسىنىڭ ناقتىلى ءىس ارەكەتىن كورىپ ءوستى. سونىڭ اسەرىنەن اتا-اناسىنا وپالى بولدى.


  ول ءبىر قاراپايىم اۋىل-قىستاق ايەلى بولا تۇرسادا، ونى كورگەن اۋىل-قىستاق ادامدارى قۇرمەتتەيدى، ول جاقسى كەلىن، ءبىلىمدى ايەل، قورمال انا. ول ءوزىنىڭ ناقتىلى ءىس ارەكەتى ارقىلى جۇڭحۋا ۇلتىنىڭ ءداستۇرلى سالتىنا مۇراگەرلىك ەتتى. گاۋ جۋلان باسقالاردىڭ ماداقتاۋىنا : «مەن تەك ءبىر كەلىننىڭ، جۇبايدىڭ، انانىڭ وتەۋگە ءتيىستى جاۋاپكەرشىلىگىن وتەدىم»،-دەدى.


  ول ءوزىنىڭ ءىس جۇزىندىك ارەكەتتەرى ارقىلى باسقالارعا شىنايى ماحاباتتى سەزىندىردى.

ساۋان اۋدانى مادەنيەت دەنە-تاربيە مەكەمەسى