سالماقتى ناۋقاستاردى قۇتقارۋ قاراجاتى، شارۋالارعا پارتيانىڭ قامقورلىعىن سەزىندىردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-05-16 15:52:00


    جەڭىسحان اسقار ۇلى، اۋاحان تۇراپ قىزى حابارلايدى. 5-ايدىڭ 7-دۇيسەنى تۋ شىعارۋ كۇنى، ساۋان اۋدانى شيگوبي قالاشىعى ۋداگۋ قىستاعى كوكتەم مەزگىلىندەگى تۇڭعىش رەتكى قاردى قارسى الدى، بۇل رەتكى جاۋعان قار قازىرگى مەزگىلدەگى اۋىل شارۋاشىلىق وندىرىسىنە ءوزىندىك زيانىن الا كەلۋ مەن بىرگە، بۇگىنگى تۋ شىعارۋ قيمىلىنادا ءوزىندىك قيىنشىلىقتار الا كەلدى. ساعات بەيجيڭ ۋاقىتى 9 بولدى، قار ٴالى دە ۇدەپ جاۋىپ تۇر، قىستاق تۇرعىندارىنىڭ دەنساۋلىق اقاۋسىزدىعىن كوزدەپ، بۇگىنگى تۋ شىعارۋ قيمىلىنا ازداپ وزگەرىس ەنگىزىلدى، تۋ شىعارۋ قيمىلىن ارتىنا شەگىندىرىپ، الدى مەن قىستاق ەكى كوميتەتى ءماجىلىس زالىنا كىرىپ، ۇگىت-لەكسيا سويلەۋ قيمىلىن ورىستەتتى. بۇگىن كوپشىلىك ءبىر ىسكە ەرەكشە كوڭىل ٴبولدى. اتاپ ايتقاندا، سوكەن راقاي قىزى قاتارلى بىرنەشە ادامنىڭ 2017-جىلى قاتتى اۋىرىپ، بالنيتساعا جاتىپ شىققاننان كەيىنگى، سالماقتى ناۋقاستارعا بەرىلەتىن كومەك قاراجاتىن تارقاتۋى بولدى. تاڭەرتەڭ تۋ شىعارۋعا كەلىپ قاتىناسقان جۇزدەن استام قىستاق تۇرعىندارى وسى رەتكى قيمىلدىڭ كۋاگەرى بولدى، قىستاق پارتيا ياچايكاسىنىڭ شۋجيى تولەن ىبان ۇلى ناق اقشانى ولاردىڭ قولىنا تارقاتىپ بەردى،ءاربىر جەكە ناق اقشانى قولدارىنا تاپسىرىپ العان كەزدە، ەرەكشە تەبىرەندى. اسىرەسە بيىل 53 جاستاعى سوكەن راقاي قىزى 2017-جىلى تىك ىشەك راگى ناۋقاسىنا شالدىعىپ بالنيتسياعا جاتىپ وپەراتسيا جاساتىپ، ەمدەلۋ اقىسى ءۇشىن 37 مىڭ يۋان اقشا قاجالايدى، بۇل ءبىر ادەتتەگى مالشى وتباسى ءۇشىن الىپ ايتقاندا از بولماعان اقشا ەدى، سوكەنىڭ كۇيەۋى كارىم ابدىراقىمان ۇلى ءبىر مۇگەدەك ادام، وتباسىندا بالالارى جوق، ونسىزدا وتباسىنىڭ ەكونوميكالىق جاعدايى ناشار، سوكەنىڭ وسى ءبىر نەشە جىلداعى ناۋقاستانىپ ەمحاناعا جاتىپ ەمدەلۋى، جىعىلعانىڭ ۇستىنە جۇدىرىق بولىپ ٴتيدى. اۋرۋ اياۋسىز بولسادا، ادامداردا سۇيىسپەنشىلىك بار، 2017-جىلى قىستاق تۇرعىندارى سوكەن وتباسىنا بەس مىڭ قانشا يۋان كومەك قاراجاتىن جىلۋعا اتاعان. سونىمەن بىرگە ساۋان اۋداندىق مال شارۋاشىلىعى دارىگەرلىگى مەكەمەسىنەن قىستاققا تۇسكەن قىزمەت اترەتىندەگى كادرلار مەن قىستاق ەكى كوميتەتىندەگى كادرلار سوكەن وتباسىنىڭ قيىنشىلىعىن جەڭىلدەتىپ، بەلسەندى تۇردە شيگوبي قالاشىعى قوعامدىق قامسىزداندىرۋ پونكيتى جانە اۋداندىق حالىق ىستەر مەكەمەسى قاتارلى ورىندار مەن بايلانىس جاساپ، سوكەن وتباسىنا سالماقتى ناۋقاستارعا بەرىلەتىن كومەك قاراجاتقا ءوتىنىش ەتىپ 6800 يۋان كومەك قاراجاتى ال ەتىپ بەردى. بۇگىن جينى ءتورت وتباسى سالماقتى ناۋقاستارعا بەرىلەتىن كومەك قاراجاتتان 17912 يۋان اقشانى تاپسىرىپ الدى.


    ءبىز دۇيسەنبى كۇنگى مەملەكەت تۋىن شىعارۋ قيمىلىنا بىرلەستىرىپ، سالماقتى ناۋقاستارعا بەرىلەتىن كومەك قاراجاتىن تارقاتۋداعى ماقساتىمىز، ءاربىر ەگىنشى-مالشىلارعا پارتيانىڭ حالىق تۇرمىسىنا تيىمدىلىك جاساۋ ساياساتتارىن كوپشىلىكتىڭ ءوز كوزدەرى مەن كورىپ، پارتيا مەن ۇكىمەتتىڭ وتباسىندا قيىنشىلىعى بۇقارالارعا كوڭىل بولۋى مەن قامقورلىعىن سەزىندىرىپ، ەگىنشى-مالشىلارعا شىن كوڭىلدەرىنەن پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋىنە قول جەتكىزۋ.


    سوكەن راقاي قىزى: «قازىر پارتيانىڭ حالىققا تيىمدى ساياساتتارى وتە جاقسى، ۇكىمەت ءبىز سياقتى مالشىلارعا جارقىراعان بەيقۇت ۇيلەر سالىپ بەردى ءارى جىلىنا ۇكىمەت جايلىم كومەك قاراجاتىن بەرەدى، بۇل ءبىز سياقتى ءاربىر مالشى وتباسىنىڭ كىرىسىن ارتتىردى،ءبىزدىڭ بالالارمىزدىڭ مەكتەپكە ءتۇسىپ وقۋى مەن بۇقارانىڭ ەمدەلۋى قامتامسىزداندىرىلدى، ءبىز ءسوز جوق پارتيانىڭ سوزىنە جاقسى قۇلاق اسىپ،تۇرمىسىمىزدى كوننەن-كۇنگە جاقسارتا تۇسەمىز»،-دەدى.


    ءبىز ۇنەمى قايتا-قايتا ايتىپ جۇرگەن پارتيانىڭ ٴتيىمدى ساياساتى قايدان كەلەدى، اتاپ ايتقاندا، وسىنداي ەگىنش-مالشىلاردىڭ قولى مەن ۇستاپ، كوزى مەن كورە الاتىن،ءتول مۇددەسىنە قاتىستى ۇلكەندى-كىشىلى ىستەردەن كەلەدى. بۇقارانىڭ مۇددەسىنىڭ بارى ماڭىزدى، ءبىز پارتيانىڭ ساياساتتارىن ويداعىداي جاقسى تياناقتاندىرساق بولدى،اتاپ ايتقاندا، بۇقارالىق قىزمەتى جاقسى ىستەۋدىڭ نەگىزى بولادى، بۇقارالىق قىزمەتى جاقسى ىستەسەك عانا بولدى، قوعامدىق جالپى جاعدايدىڭ ورنىقتىلىعى مەن جاراسىمدىلىعىنا قول جەتكىزۋگە بولادى.

 

ساۋان اۋدانى مادەنيەت دەنە-تاربيە مەكەمەسى