جۇپ قۇراعان تۋىستارىنىڭ زاڭدىق تانىمدارىن جوعارىلاتۋىنا جاقىننان جاردەمشى بولدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-05-16 17:32:00


    ەرگۇل مۇقاتاي قىزى حابارلايدى. <<ۇلتتار ىنتىماعىنىڭ بەرەكەلى وتباسى >>قيمىلى ورىستەتىلگەننەن بەرى، شاۋەشەك قالاسى حالىق سوتى مەكەمەسىنىڭ كادر-ساقشىلارى بوزداق ەگىس الاڭى حۋاڭگۇڭ قىستاعىنداعىلارمەن جۇپ قۇراپ تۋىستاسىپ، ءتۇرلى قيمىلدار ورىستەتىپ، ورتاق ۇيرەنىپ، بىرلىكتە ەڭبەك ىستەپ، ءوزارا تۇسىنىگىن تەرەڭدەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ ارقىلى سۇيىسپەنشىلىكتەرىن قويۋلاتىپ، ءوزارا كومەكتەسىپ ءبىر ءۇيدىڭ ادامدارىنداي جاقىندارعا اينالعان ەدى.


    حالىق سوتى مەكەمەسىندەگى ءار ۇلت كادر-ساقشىلارى كۇشتى جاۋاپكەرلىكپەن حالىق بۇقاراسىنا دەگەن تەرەڭ سۇيىسپەنشىلىك ارقالاپ، جۇپ قۇراعان تۋىستارىمەن بارىس-كەلىستى نىعايتۋمەن بىرگە قىستاق تۇرعىندارىنىڭ زاڭ ۇيرەنۋ تانىمدارىنا بولعان قىزعىندىلىقتارىن ارتتىرىپ، قىستاق تۇرعىندارىنىڭ مادەني بىلىمدەرىن مولايتۋ ءۇشىن، شاۋەشەك قالاسى حالىق سوتى مەكەمەسى بوزداق ەگىس الاڭى حۋاڭگۇڭ قىستاعىنداعى 31 قىستاق تۇرعىنىن شاۋەشەك قالاسى سوت مەكەمەسىندە ەلىكتەمەلى تەرگەۋدى، قىلمىستى ىستەر سوت كوللوگياسىن ەكىسكۋرتسيالاۋعا ۇسىنىس ەتىپ، بۇقارانىڭ كۇندەلىكتى ءوندىرىس-تۇرمىسىنا قاتىستى دەلونى مىسال ەتە وتىرىپ، ۇكىم كەسۋدىڭ ءاربىر باسقىشتارىن قامتىپ، <<ۇقساتپالى سوت>> اشىپ، بۇقارلارعا زاڭدىق كەڭەس بەردى. سوت مەكەمەسىندەگى كادر-ساقشىلاردىڭ تۇسىندىرۋىمەن قىستاق تۇرعىندارىن زاڭدى اناعۇرلىم ۇعىنۋلارىنا مۇمكىندىك تۋدىردى. زاڭدىق ورتادا قىستاق تۇرعىندارى ايرىقشا تىنىشتىقتى ساقتادى.


    قىستاق تۇرعىنى ۋاڭ چيڭ چۋان شاۋەشەك قالاسى حالىق سوتى مەكەمەسىنىڭ ءبولىم مەڭگەرۋشىسى يان جينگونىڭ تۋىسى ەدى. ەكىسكۋرتسيالاپ بولعاننان كەيىن ول جانىنداعى يان جينگودان: ءبىزدىڭ تورەشىلەرىمىز سوت اشقاندا نەلىكتەن جالعان شاش كيمەيدى. الگى بۇيرا-بۇيراسى بار؟دەپ سۇرايدى. يان جينگو بايىپتىلىقپەن: سوتتا جالعان شاش كيەتىندەر انگىليا سوتىنىڭ تيۆتىك ەرەكشەلىگىندەگى داستۇرلەرىنىڭ ءبىرى، ءبىز جۇڭگولىقتار قۇرلىق زاڭ جۇيەسىنە كىرەدى، ولارمەن ۇقسامايدى. الايدا سوت فورىمىن كيۋىن شارت ەتەدى.


    قىستاق تۇرعىنى ۋاڭ چيڭ چۋان: <<ۇقساتپالى سوت>> اشۋدان كوپتەگەن زاڭدىق ءبىلىمدى ءوز كوزىممەن كورىپ، ەت قۇلاعىممەن ەستىپ، تۇسىنبەي جۇرگەن جەرلەرىمدى ءبىلدىم. قازىر كادرلاردىڭ بۇقارالاردى بىرتىندەپ العا جەتەلەۋىندە، بۇقارالاردىڭ يدەيالىق تانىمىندادا وزگەرىستەر بولدى. زاڭدى ۇيرەنۋ تانىمدارى ءتىپتى دە ارتا ءتۇستى. بۇل قيمىل وتە ءماندى بولدى،-دەيدى.


    شاۋەشەك قالالىق حالىق سوتى مەكەمەسىنىڭ ورىنباسار مەكەمە باستىعى ليۋ جيحۇڭ: ءبىز جۇپ قۇراپ، تۋىس بولعان ەكەنبىز، ءبىر ءۇيدىڭ ادامىمىز، سوندىقتان بارلىعىمىز ورتاق قۇلشىنىپ، جۇڭگو ارمانىن جۇزەگە اسىرۋعا كۇش سالامىز. بۇل رەتكى قيمىلدا تۋىستارىمىزدى سوتقا ۇسىنىس ەتۋىمىز، ءبىر جاعىنان قىستاق تۇرعىندارىنا تۋىستارىنىڭ قىزمەت ىستەگەن جەرىن كورسەتۋ. ەندى ءبىر جاعىنان كوپتەگەن قىستاق تۇرعىندارى سوتقا كەلىپ كورمەگەندىكتەن ولارعا ەلىكتەمەلى تەرگەۋدى ەكىسكۋرتسيالاتىپ، ولاردىڭ ءبىلىم ورەسىن جوعارلاتۋمەن بىرگە زاڭدىق تانىمدارىن جوعارلاتۋ ءارى زاڭ ۇيرەنۋ قىزعىندىلىقتارىن ارتتىرۋ. بۇدان تىس تۋىستارىمىزبەن بىرلىكتە ۇيرەنىپ، بىرلىكتە ورتاق العا باسۋ. زاڭدى ۇيرەنۋ، زاڭ ارقىلى وزدەرىن قورعاۋ وسى ارقىلى ءوزارا تۇسىنىسىپ، رۋحاني تۇرمىستارىن بايىتىپ قانا قالماستان، قىستاق تۇرعىندارىنا جاڭا داۋىردىڭ تۇرمىسىمىزعا الا كەلگەن قولايلىقتارى مەن العا باسۋ جاقتارىن سەزىندىرۋ. حالىق سوتى مەكەمەسىندەگىلەر بۇدان كەيىندە وسىنداي ءمانى زور قيمىلداردى ۇزدىكسىز ورىستەتىپ، جاڭا ءداۋىردەگى زاڭمەن باسقارۋدى بۇقارالاردىڭ تۇرمىستارىنا اناعۇرلىم سىڭىرەتىن بولامىز،-دەيدى.

 

شاۋەشەك قالالىق <<ۇعىسۋ، تيىمدىلىك جاساۋ، توعىستىرۋ>>قىزمەت كەڭسەسىنەن