وزگەشە باعىمشىلىقتى دامىتىپ، كەدەيلىكتەن قۇتىلۋعا كۇش قوستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-06-29 17:45:00

 

    جاينا دالاباي قىزى حابارلايدى. جاقىنعى جىلداردان بەرى، شاعانتوعاي اۋدانى وزگەشە ەگىنشىلىكتى دامىتۋدى ديقانداردىڭ كىرىسىن ارتتىۋدىڭ سارا جولى ەتىپ، ديقانداردى جەر جاعدايىنا قاراي باعىمشىلىقتى دامىتۋعا جەتەلەپ، اۋىل شارۋاشىلىق ونىمدەرىن مولداپ بازارعا سالىپ كىرىستەرىن ارتتىردى.


    جاڭا جەر اۋىلىنىڭ العا قىستاعىنىڭ تۇرعىنى چىن دۇڭ اۋلاسىنا كوركي، تاۋىس، تۇيە قۇس سىندى وزگەشە ءۇي قۇستارىن باعۋ مەن شۇعىلدانادى. بۇل تۋرالى چىن دۇڭ: مەن قوسىننان شەگىنگەننەن كەيىن، اۋدانىمىزدىڭ ساياحاتتى دامىتۋ ەرەكشەلىكتەرىنە نەگىزدەلىپ وزگەشە ءۇي قۇستارىن باعۋدى ويلادىم، بۇل ءبىر جاعىنان باسقا جەرلەردەن كەلگەن ساياحاتشىلاردىڭ ءۇي قۇستارىن تاماشالاۋىنا، ەندى ءبىر جاعىنان قولدا باعىلعان زالالسىز ءونىمدەردى تۇتىنۋىنا قولايلى بولدى،-دەدى.


    چىن دۇڭنىڭ شەشەسى چىن شياڭشان بالام اسكەردەن بولساپ كەلگەننەن كەيىن، لايىقتى قىزمەت تابا المادى، ونىڭ كاسىپ ىستەۋگە قۇلشىنىپ جۇرگەنىن بىلگەننەن كەيىن ءارى ونى كاسىپتەندىرۋ ءۇشىن قولداۋ كورسەتىپ 30 مىڭ يۋان قارىز الىپ وزگەشە ءۇي قۇستارىن باعىمشىلىعىن دامىتۋىنا كومەك كورسەتەدى .سەميا ادامدارىنىڭ كومەگىندە، چىن دۇڭ ۇيىنىڭ اۋلاسىنىڭ ارتقى اۋلاسىنا ءۇي قۇستارىنا ۇيا سالىپ كاسىبىن باستايدى، قارجىسى شەكتى بولعاندىقتان ول ءبىر رەتتە 300 دانا كوركيدىڭ بالاپانىن ساتىپ الادى، باعىمشىلىق جونىندە تاجىريبەسى كەمشىل بولعاندىقتان، چىن دۇڭ توراپتان باعىمشىلىق تەحنيكاسىن وزدىگىنەن ۇيرەنىپ كوركيدىڭ قاتارعا قوسىلۋىن جوعارىلاتىپ، كىرىسىن ارتتىرۋعا تاماشا نەگىز قالايدى.


    قازىر چىن دۇڭ سەمياسىندا وزگەشە ءۇي قۇستارىنان 600 دانادان استامى بار بولىپ،جىلدىق كىرىسى مەجەمەن 70 مىڭ يۋاننان اسقان،وزگەشە ءۇي قۇستارىن باعۋدىڭ ناتيجەسىن كورە بىلگەن چىن دۇڭ كەلەر جىلى باعىمشىلىق كولەمىن كولەمدەستىرۋ بەكىمىن جاسادى.

شاعانتوعاي اۋداندىق راديو-تەلەۆيزيا مەكەمەسى