ۇزاق جورىقتى ەسكە الىپ جاياۋ ٴجۇرۋ، پارتيا تۋى الدىندا سەرت بەرۋ قيملىن وتكىزدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-06-30 10:02:00

 

    جاڭانۇر مۇراتقان قىزى مەن ارداق قاجىمۇرات قىزى شىڭگىلدەن حابارلايدى. بيىلعى 1-شىلدە ج ك پ–نىڭ قۇرىلعانىنا 97 جىل تولعان داڭقتى تاريحتى ەسكە الاتىن كۇن.


    29-ماۋسىم شىڭگىل اۋدانى شىڭگىل قالاشىعى پارتكومى قالاشىقتاعى بارلىق پارتيا مۇشەلەرىن جاياۋ ٴجۇرۋ، پارتياعا كىرۋ سەرتىن قايتالاي بەرۋ، پارتيا تۋى الدىندا باتىل ٴۇن قاتىپ، ايقىن پوزيتسيا ٴبىلدىرۋ قيمىلىن وتكىزدى. وسى كۇنى قالاشىقتاعى بارلىق پارتيا مۇشەلەرى مەن قىزمەتكەرلەر شىڭگىل قالاشىعىنان جولعا شىعىپ 18 كيلومەتر جول باسىپ ارال اۋىلى لاستى قىستاعىنا باردى.


    قىزمەتكەرلەر جول بويى بۇل ٴبىر رەتكى سەيىل سەرۋەن بولىپ قالماستان ۇزاق جورىقتى ەسكە الاتىن قيمىل بولدى. ٴبىز ازعانتاي جول باسقانىمىزعا ازداپ شارشاعانىمىزدى سەزدىك، ال ج ك پ ۇزاق جورىقتا اس-سۋ، كيەر كيىم تاپشى، اۋارايى قۇبىلىسى ٴتيمىسىز جاعدايدى جەڭىپ ەلىمزدى ازات ەتتى دەستى.


    سوڭىندا بارلىق پارتيا مۇشەلەرى مەن قىزمەتكەرلەر پارتيا تۋى استىندا پارتياعا كىرۋ سەرتىن قايتالاي بەرۋ، باتىل ٴۇن قاتىپ ايقىن پوزيتسيا ٴبىلدىرۋ، پارتيا تاريحىن ەسكە الۋ، اسەرىن اڭگىمەلەۋ قيملىن وتكىزىپ ج ك پ–نىڭ 97 جىلدىق داڭقتى توڭكەرىستىك تاريحى مەن ەلىمىز حالقىنىڭ دوڭگەلەك داۋلەتتى قوعامعا اياق باسقان ارشىندى قادامىن تىلگە تيەك ەتتى.


    ستۋدەنت ەرىكتى لياڭ لۇڭفي تىلشىگە ‹قيمىل كەزىندە باسقان جولىمىز از بولسادا ۇزاق جورىقتى ەسكە ٴتۇسىردى. وسىنداي قيمىل ارقىلى ٴارى ەركىمىزدى شىڭداپ رۋحىمىزدى سومدايمىز ٴارى پارتيامىزدىڭ قىزىل ٴارمياعا باسشىلىق ەتىپ ۇزاق جورىق جاساپ ەلىمىزدى ازات ەتكەن داڭقتى تاريحىن ەسكە الامىز. ٴبىز جاڭا ٴداۋىردىڭ جاستارى جاڭا ٴداۋىردىڭ ۇزاق جورىعىن باسۋ ٴۇشىن ٴسوز جوق ەركىمىزدى شىڭاپ، جاپادان قورىقپايتىن رۋحي كۇيدى ساقتاۋىمىز كەرەك،–دەدى.


شىڭگىل قالاشىق حالىق ۇكىمەتى