وتانشىلدىق اندەردى اسقاقتاتا شىرقاپ پارتيانى جىرلادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-04 15:44:00

 

    ادەي جۇماعۇل ۇلى حابارلايدى. ۇلى جۇڭگو كوممۋنيستىك پارتيارسىنىڭ قۇرىلعاندىعىنىڭ 97 جىلدىعىن قۇتتىقتاپ، پارتيانىڭ شۇعىلالى تاريحىن، توڭكەرىستىك اعابۋىنداردى ەسكە الىپ، جۇڭحۋا ۇلتىنىڭ توڭكەرسشىل تاماشا ٴداستۇرىن ساۋلەلەندىرىپ، توڭكەرسشىل رۋحتى جالعاستىرۋ ٴۇشىن، پارتيانىڭ قۇرىلعان كۇنى،ساۋان اۋدانى نيۋجۋانزى مال فەرماسى سارتوعان قىستاعى “قىستاق قوس كوميتەتى”مەن اۋداندىق تۇرعىن ٴۇي قۇرىلىس مەكەمەسىنەن «ۇعىسۋ، تيىمدىلىك جاساۋ، توعستىرۋ» قىيمىلى بويىنشا اتالعان قىستاققا تۇسكەن قىزمەت گرۋپپاسىنىڭ مۇشەلەرى ٴوز قاراستىلىعىنداعى كوكتاس جايلاۋىنا بارىپ، پارتيا قۇرىلعاندىعىنىڭ 97 جىلدىعىن قۇتتىقتاۋ، «پارتيا تۋى تيانشاندى نۇرلاندىردى» تاقىرىپتىق پارتيا كۇنى قىيمىلى مەن «ۇلتتار ىنتىماعىنڭ بەرەكەلى شاڭىراعى» سۇيسپەنشىلىكتى تەرەڭدەتۋ قىيمىلىن ورىستەتىپ، مالشى قاۋىمنىڭ رۋحاني تۇرمىس مازمۇنىن بايىتىپ، ولارعا ۇيىمنىڭ كوڭىل ٴبولۋى مەن قامقورلىعىن سەزىندىردى.


    جايلاۋداعى مالشى قاۋىمنىڭ بىتىراڭقى قونستانۋ جاعدايىن ويلاستىرعان، نيۋجۋانزى مال فەرماسى سارتوعان قىستاعى «قىستاق قوس كوميتەتى» القا مۇشەلەرى مەن قىزمەت گرۋپپاسىنىڭ مۇشەلەرى، پارتيا مۇشەلەرى، قىستاق كادىرلارى مەن قىزمەت گرۋپپاسىنىڭ مۇشەلەرىن ۇيىمداستىرىپ، اسەرلى دە جاندى پارتيا ساباعىن دايىنداۋ مەن بىرگە، باي مازمۇندى، الۋان ٴتۇرلى ويىن نومىرلەرىن دايىنداپ، مالشى قاۋىمنىڭ رۋحاني تۇرمىس مازمۇنىن بايىتتى. پارتيا مۇشەلەرى پارتيا ساباعىن قابىلداپ، پارتيا مۇشەلەرىن اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق ٴۇشىن شىنايى، ناقتىلى ىستەر ىستەۋگە جىگەرلەندىرىپ، پارتيا 19-قۇرىلتاي رۋحىن ىشكەرلەي تياناقتاندىردى.

    
    قىيمىل ناق مايداندا، مەملەكەت ٴانىن سۇيەمەلسىز اسقاقتاتا شىرقاۋ مەن شىمىلدىعىن اشتى. ايبىندى مەملەكەت تۋىن شىعارۋ سالتىن وتكىزۋ، پارتياعا كىرۋ سەرتىن قايتا بەرۋ، وتانشىلدىق اندەردى اسقاقتاتا شىرقاۋ، پارتيا ساباعىن سويلەۋ، پارتيا مۇشەسى ۋاكىلى ٴوزىنىڭ پارتياعا كىرۋدەگى اۋەلگى ماقساتى، پارتياعا ٴوتىنىش بەرىپ كىرۋ بارىسىن اڭگىمەلەۋ، اقىندار ايتىسى، بۇرالا باسقان ٴبي، دومبىرادا شىرقالعان اسەم ٴان قاتارلى باي مازمۇندى، الۋان ٴتۇرلى قىيمىلداردىڭ ورىستەتىلۋى، مالشى قاۋىم مەن پارتيا مۇشەلەرىن بىرىككەن كۇش ۇيىستىرىپ، ونەگە بولىپ، پارتيانىڭ داڭقىن اسىرۋعا جەبەدى.


    قىيمىل ارەدىگىندە، اتپال ازاماتتار بالۋانعا ٴتۇسىپ، كۇش اتاسىن تانىماس دەگەندەيىن قازاق ۇلتىنڭٴداستۇرلى دەنە-تاربيە قىيمىلى بالۋانعا ٴتۇسۋدەن ونەر كورسەتسە، ونى كورگەن كىشكەنتاي بالاقايلار مايدانعا شىعىپ، بالۋانعا ٴتۇسىپ، مايدانداعى ۇلكەن-كىشى، كارى-جاستى قارىق قىلىپ،مايداندى دىر-دۋمانعا بولەدى.


    نيۋجۋانزى مال فەرماسى سارتوعان قىستاعى پارتيا ياچەيكاسىنىڭ ٴبىرىنشى شۋجيى اقيقات قۋانباي ۇلى: «بۇگىنٴبىزٴوز قاراستىلىعىمىزداعى كوكتاس جايلاۋىنا كەلىپ، پارتيا قۇرىلعاندىعىنىڭ 97 جىلدىعىن قۇتتىقتاۋ تاقىرىپتىق پارتيا كۇنى قىيمىلىن وتكىزىپ جاتىرمىز، مۇنداعى مالشى قاۋىم جاز جايلاۋ، قىس قىستاۋدا بولىپ، تۇرمىستارى ٴبىر سارىندى، سوندىقتان ٴبىز بۇل اراعا كەلىپ، ويىن نومىرلەرىن قويىپ، ولاردىڭ رۋحاني تۇرمىسىن بايىتىپ، پارتيانىڭ ٴتۇرلىٴتيىمىدى ساياساتتارى، زاڭ-ٴتۇزىم، پارتيا 19-قۇرىلتاي رۋحىنان تۇسىنىڭ جاسادىق. بۇل جاقتاعى كەيبىر مازمۇندار اقىندار ايتىسى نەمەسە ويىن نومىرلەرىنىڭ مازمۇنىنا ٴسىڭىرىلىپ جەتكىزىلدى. بۇدان كەيىنگى قىزمەت بارىسىندا، مۇنداي قىيمىلداردى كوبىرەك ۇيىمداستىرىپ وتكىزىپ، حالىق جۇرتشىلىعى شەشىمدەۋدى قاجەت ەتىپ وتىرعان كوكەيتەستى ماسەلەلەردى شەشىمدەۋگە قۇلشىنىپ، حالىق بۇقاراسى ٴۇشىن شىنايى،ناقتىلى ىستەر ىستەۋگە كۇش سالامىز»،-دەدى.


    وسى جولعى تاقىرىپتىق پارتيا كۇنى قىيمىلى بارىسىندا، ناۋان قابيدوللا قىزى مەن سايلا قامادىل قىزى سىندى ەكى اق جاۋلىقتى انامىز جاسى ۇلعايىپ قالسادا «بەيجيڭدەگى التىنتاۋدا»،«سۇيىكتى ماۋ جۋشي» قاتارلى الەۋماتتىك اندەردى حانزۋ تىلىندە اسقاقتاتا شىرقاپ، قيمىلدى قىزۋ ورلەۋگە كوتەرىپ، كوپشىلىكتىڭ ٴالسىن-ٴالى سوققان شاپالاق ۇنىنە بولەندى. تامىلجىتا سالعان اسەم اندەرى مەن نەگىزگى تاقىرىپتى اسقاقتاتا شىرقاپ، ۇلى جۇڭگو كوممۋنيستىك پارتياسىنا دەگەن سۇيسپەنشىلىكتەرىن بەينەلەپ، جاڭا داۋىردەگى باسىم كوپ سانداعى پارتيا مۇشەلەرى مەن مالشى قاۋىمنىڭ تاماشا رۋحاني بەت-بەينەلەرىن ايگىلەدى.


    نيۋجۋانزى مال فەرماسى سارتوعان قىستاعىنىڭ تۇرعىنى ناۋان قابيدوللا قىزى: «ىشتەي قاتتى اسەرلەنىپ تۇرمىن، بۇگىن مىنە ساحىناعا شىعىپ، ولەڭىمىزدى ايتىپ، ونەر كورسەتىپ جاتىرمىز، بۇل دا بولسا پارتيانىڭ ارقاسى. جۇڭگو كوممۋنيستىك پارتياسىنىڭ باسشىلىعىندا، بۇقارا بارعان سايىن باقىتتى تۇرمىس كەشىرۋىپ، ەڭبەكشىل بولىپ، اۋقاتتانا ٴتۇستى، ۇلىتتار ىنتىماعىندا بەينە ٴبىر وتباسىنىڭ ادامدارىنداي بولىپ ٴتاتۋ-ٴتاتتى ٴوتىپ جاتىرمىز. بۇدان كەيىنگى تۇرمىس بارىسىندا، بۇقارا بولۋ تۇرعىسىنان، ۇلتتار ىنتىماعىن بەكەمدەپ، ەڭبەكشىل بولىپ، اۋقاتتانىپ، تۇرمىس بارىسىندا، بارعان سايىن قۇلشىنىپ، شينجياڭدى ٴتىپتى دە كوركەم ەتىپ قۇرىپ شىعۋ ٴۇشىن،ٴبىر كىسىلىك ۇلەسىمىزدى قوسامىز»،-دەدى.


    اۋداندىق تۇرعىن ٴۇي قۇرىلىس مەكەمەسىنەن نيۋجۋانزى مال فەرماسى سارتوعان قىستاعىنا تۇسكەن قىزمەت گرۋپپاسىنىڭ باستىعى قاميلا بايان قىزى: «بۇگىن ٴبىز كوكتاس جايلاۋىنا كەلىپ،پارتيامىزدىڭ قۇرىلعاندىعىنىڭ 97جىلدىعىن تويلاپ جاتىرمىز، مۇندا كوپشىلىكتىڭ سايكەسۋى دە ەرەكشە جاقسى بولدى، كوركەمونەر ويىن نومىرلەرى، اقىندار ايتسى ارقىلى پارتيا 19-قۇرىلتاي رۋحى مەن پارتيانىڭ ٴتۇرلى ٴتيىمدى ساياساتتارىن جەتكىزدىك، قىزمەت گرۋپپاسىنىڭ باستىعى بولۋ تۇرعىسىنان، اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇقارا مۇقتاج ەتىپ وتىرعان ىستەردى كوبىرەك شەشىمدەپ، نەگىزدى بەكەمدەپ، ۇزاق بولاشاقتىق ٴتيىمدى ىستەردى كوبىرەك ىستەپ، حالىق جۇرتشىلىعىن باقىتتى تۇرمىسقا باستاپ، پارتيا مەن جۇرتشىلىقتىڭ بايلانىسىن كۇشەيتىپ، جاراسىمدىلىقتى ىلگەرلەتەمىز»،-دەدى.

 

ساۋان راديو-تەلەۆيزيا ستانسياسى