«سەگىز ءارىپتى ءتورت ءتۇرلى قىزمەت ادىسىنەن» العان اسەرىم
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-04 15:51:00

 

    قانيپا شىربا قىزى


    2018-جىلى 4-ايدا باستالىپ ەكى ايعا جۋىق جۇرگىزىلگەن ارالاپ تەكسەرۋ قىزمەتى بارىسىندا، ءبىز بۇل قىزمەتتىڭ ماڭىزدىلىعىن تەرەڭ تانىپ جەتتىك. ءاربىرىمىزدىڭ قىزمەتىمىز نەگىزىنەن ارالاپ تەكسەرگەن مەكەمەدە تياناق تاۋىپ وتىردى. جاڭا كوللەكتيۆكە قالاي ىشكەرىلەي ارالاسۋ، ارالاپ تەكسەرگەن مەكەمەنىڭ جۇمىسشى-قىزمەتكەرلەرىمەن قالاي ىشتەسۋ، مەكەمەنىڭ نەگىزگى جاعدايىن اناعۇرلىم تەز، اناعۇرلىم دۇرىس يگەرۋ جونىندە مىناداي تۇيىندەردى ويعا ءتۇيدىم.


    «قانىق بولۋ»، جاڭا ورتاعا تەز ارادا قانىق بولۋ. ارالاپ تەكسەرەتىن جاڭا ءبىر مەكەمەگە بارعاندا، سول مەكەمەدە ماسەلە ساقتالۋ مۇمكىندىگى بار ءتۇيىندى ورىن، ءتۇيىندى بۋىن، ءتۇيىندى ادامداردىڭ جاعدايىن العاشقى قادامدا يگەرىپ، ماسەلەنىڭ كومەسكى ەرەكشەلىگىن، تەكسەرۋ ءتۇيىنىن ءدال تاۋىپ، ءار رەتكى ارالاپ تەكسەرۋ قىزمەتىنە تولىق دايىندىقپەن كىرىسۋگە كەپىلدىك ەتۋ كەرەك. تۇسىنبەگەن ماسەلەگە جولىققاندا، دەرەۋ سول مەكەمەنىڭ تىرەكتى كاسىپتىك كادرلارىنان سۇراپ ۇعىسۋ قاجەت. سول مەكەمەنىڭ قىزمەت قۇپيالىعىنا ساياتىن ماسەلەلەرى ارالاپ تەكسەرۋ كولەمىنە كىرمەسە، الباتى قۋزاستىرماۋ كەرەك.


    «بويسىنۋ»، ارالاپ تەكسەرەتىن مەكەمەنىڭ ءتۇرلى قىزمەت تۇزىمىنە قاتاڭ بويسىنۋ. ارالاپ تەكسەرۋ قىزمەتكەرى مەكەمەدە قىزمەت ورىستەتكەن كەزدە، وسى مەكەمەنىڭ ءتۇرلى قىزمەت تۇزىمىنە قاتاڭ بويسىنۋى كەرەك. ماسەلەن، قىزمەتكە كەلۋ، قىزمەتتەن قايتۋ ءتۇزىمى، قىزمەت ورتاسىنىڭ تازالىعىن ساقتاۋ ءتۇزىمى قاتارلىلار.


    «اتسالىسۋ»، ارالاپ تەكسەرەتىن مەكەمەنىڭ ءتۇرلى ۇيىمدىق قيمىلىنا بەلسەنە اتسالىسۋ. ارالاپ تەكسەرۋ قىزمەتىنە ىقپال جەتكىزبەۋ شارتى استىندا، وسى مەكەمەنىڭ ءار دۇيسەنبى كۇنگى تۋ شىعارۋ سالتى، كاسىپتىك بىلىمنەن ۇگىت-لەكسيا جاساۋ قيمىلى قاتارلى ءتۇرلى قيمىلىنا بەلسەنە اتسالىسۋ كەرەك. وسىلاي ىستەگەندە عانا، وسى مەكەمەنىڭ جۇمىسشى-قىزمەتكەرلەرىمەن جانە ولاردىڭ قىزمەت وتەۋ وبيەكتىلەرىمەن ىشكەرىلەي ارالاسۋعا، ءتۇرلى جاقتىڭ ۇسىنىس-پىكىرلەرىن كەڭىنەن جيناۋعا بولادى. بۇل الداعى بەتپە-بەت سۇحباتتاسۋدىڭ ويداعىداي جۇرىلۋىنە ءتيىمدى بولىپ، سۇحباتتاساتىن وبيەكتىلەردىڭ كوڭىلىن ورنىقتىرىپ، ءىستىڭ ناقتى ءمان-جايىن تولىق يەلەۋگە كومەگىن تيگىزەدى.


    «قۇرمەتتەۋ»، ارالاپ تەكسەرەتىن مەكەمەدەگى جٷمىسشى-قىزمەتكەرلەرگە قۇرمەت ەتۋ. باسقالاردى قۇرمەتتەۋ ءبىر ءتۇرلى ساپا ءارى تاماشا ءمورال سانالادى، سونداي-اق قارسى جاققا جارقىن كوڭىل كۇي سيلايدى. ارالاپ تەكسەرۋ قىزمەتكەرى ارالاپ تەكسەرەتىن مەكەمەدە قىزمەت ورىستەتۋ بارىسىندا، ەگەر ءوز مەكەمەسىنىڭ كەزەكشىلىك، ۇيرەنۋ، جيىن قاتارلى قىزمەتكە ورنالاستىرۋى سەبەبىنەن، ارالاپ تەكسەرۋ قىزمەتىنە ۋاقىتتىق قاتىناسا الماسا، ارالاپ تەكسەرەتىن مەكەمەگە حابارلاسىپ، ءىستىڭ ءمان-جايىن ءتۇسىندىرۋى كەرەك.


    جۋىردا، قابا اۋداندىق پارتكومنىڭ 1-ارالاپ تەكسەرۋ گرۋپپاسى اۋداندىق پارتكومنىڭ قاتىستى تالاپتارى بويىنشا، ءتارتىپتى جۇيەلىلەندىرۋگە باسا ءمان بەرىپ، تەكسەرە ءجۇرىپ ويلانىپ، «سەگىز ءارىپتى ءتورت ءتۇرلى قىزمەت ءادىسىن» قولدانىپ، قورىتىندىلاي وتىرىپ، جاسامپازدىقپەن قىزمەت ورىستەتىپ، ارالاپ تەكسەرۋ قىزمەتىندە كەزەڭدىك ناتيجەگە قول جەتكىزدى.


قابا اۋداندىق پارتكوم ءتارتىپ تەكسەرۋ كوميتەتى ارالاپ تەكسەرۋ كەڭسەسى