اقجار قىستاعى قىستاق كەڭسەسى اۋلاسىن جاسىلداندىرۋدى مىقتى يگەردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-06 15:54:00

 

    ەرباقىت قابدەش ۇلى حابارلايدى. جەمەنەي اۋدانى ۇلاستى قالاشىعىنا قاراستى اقجار ەگىنشىلىك قىستاعى بيىل كوكتەمنەن باستاپ، قىستاق تۇرعىندار كوميتەتى اۋلاسىن اتى – زاتىنا ساي جاسىلداندىرۋعا مىعىم نەگىز قالادى.

    قىستاقتا تۇراتىن التاي ايماقتىق مال شارۋاشىلىق مال شيپاگەرلىك مەكەمەسىنىڭ قىزمەت اترەتىندەگى كادىرلار مەن قىستاق «ەكى كوميتەت» القاسى ارناۋلى جوبا–جوسپارلار جاساپ، جاڭاشا اۋىل–قىستاق قۇرۋ تالابىنا ساي قىستاق تۇرعىندار كوميتەتى اۋلاسىنا گۇل–ءشوپ تۇقىمىن اكەپ ەگۋمەن قاتار اعاش قالامشالارىندا ەگىپ، وسىنداي قۇنىتتى قۇلشىنىستاردىڭ ارقاسىندا قازىر قىستاق كەڭسەسى اۋلاسى كورنىس كوز تارتاتىن تاماشا تابيعي ورتا قالىپتاستىرىپ، قىستاقتاعى بۇقارانىڭ جاقسى باعاسىنا يە بولدى.


    ءتىلشى 7-ايدىڭ 1-كۇنى پارتيانىڭ تۋىلعان كۇننە وراي وسى قىستاققا بارعان كەزدە اقجار قىستاعى پارتيا ياچەيكاسىنىڭ شۋجيى جەكەبەك ءدوربىت ۇلىنىڭ باستاۋىندا قىستاق كەڭسەسىنىڭ ارتىنداعى ءشوپ باسىپ يەن جاتاتىن جەردى جاپ–جاسىل كوكتات بازاسىنا اينالدىرعاندىعىنا كۋا بولدى.


    ايتسا ايتقاندايىن، جاپالى كۇرەس جۇرگىزۋدەي تاڭداۋلى ءداستۇردى ساۋلەلەندىرىپ، قىستاق تۇرعىندارى ءۇشىن باقىت جاراتقان اقجار قىستاعىنداعى باسشىلارعا اق ەدىل اقجار حالقى ءدان ىريزا. كىشكەنتاي ءستەن ۇلى ءىس تۋادى دەگەندەيىن وسى ءبىر جاسىل ءتۇسكە بولەنگەن شاعىن قىستاق اۋلاسى كادىرلار مەن بۇقارانىڭ ىنتىماعىن ءتپتى دە قويۋلاتا تۇسكەندەي!

جەمەنەي اۋدانى ۇلاستى قالاشىعى