جازعى دەمالىستا بالالاردىڭ اماندىعىنا كەپىلدىك ەتەيىك
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-10 17:11:00

 

    گۇلميرا جاۋقىمان قىزى حابارلايدى. كەشە كۇيتۇن قالاسىنىڭ ءمالىم شاعىن رايونىندا 12 جاستاعى قىز بالا ۆەلەسيپەتكە ءمىنىپ، ايلانعا جولدىڭ تۇيىلسىندە قوقىر-قوقسىق تاسيتىن ماشينانىڭ ارتقى دوڭگەلەگىنە سوعىلىپ قىرشىن جانىنان ايىرىلادى. مۇنى ەستىگەن جۇرتتىڭ جۇرەگى تۇرشىگىپ، قامىقپاعان جان بولمادى، امال قانشا اجال جاس بالانىڭ جانىن جالمادى، اتا-اناسى قامىعىپ جىلاپ، شەر توكتى.


    بۇل ۋاقيعا ىلەزدە ءۇنحاتتا تارالىپ، اتا-انالار مەكتەپ پەن بالالار باقشاسنىڭ بالالار اماندىعى جونىندە كوبىرەك تاربيە جۇرگىزۋدى تالاپ ەتتى. مەن بۇل وقيعانى ەستىپ قاتتى قامىقتىم، قايران بالا ۆەلەسيپەت ءمىنىپ جانىنان ايىرىلارىن قايدان ءبىلسىن. مەنىڭشە بالالارعا اتا-انا، مەكتەپ، بالالار باقشاسى بىرلىكتە اماندىققا ءمان بەرۋدى، ءوزىن قالاي قورعاۋدى،تۇتقيل وقيعاعا تاپ بولعاندا قايتۋ كەرەك ابدەن ءتۇسىندىرىپ ۇعىندىرعان ءجون. كىم بالاسىنىڭ اماندىعىن تىلەمەيدى.


    بالالار جازدىق دەمالىسقا تارادى، تاراعانمەن بوساي قويعان جوق، ورتا مەكتەپ، ورتالاۋ مەكتەپ وقۋشىلارى ساباق تولىقتاۋمەن قاربالاس، باستاۋىش مەكتەپ بالالارى مۋزىكا، اعىلشىن ءتىلى، سۋرەت باسقادا كۋرستارعادا قاتىناسادى. اتا-انالاردىڭ بارلىعى قىزمەتى قاربالاس،بالالارى وزدەرى ساباققا بارۋعا تۋرا كەلەدى. قازىر ورتا، ورتالاۋ وقۋشىلارى ەلەكتىرلى ۆەلەسيپەد مىنۋشىلەر كوپ. ولار وتەز ايدايدى، ماشينامەن جارىسادى، جۇرگىنشىلەرگە جول بەرمەيدى، ءتىپتى بايقاماساڭ سوعا وتە شىعادى، وسى بالالارعا تاربيە بەرىلمەي مە؟ مەنىڭشە تاربيەدەن كەم ەمەس، اتا-انالار، مۇعالىمدارى ايتۋى مۇمكىن، اماندىققا ءمان بەرىڭدەر دەپ، ءبىراق ەستيتىن بالا از سياقتى.


    سوندىقتان وقيعا تۋىلعاندا ءمان بەرۋدى عانا ويلاستىرۋ قاتەمە دەيمىن. ادەتتە وتباسىندا بالالارعا اماندىقتىڭ قانشالىقتى ماڭىزدى ەكەندىگىن، قاتىناس قاعيداسىنا قالاي ءمان بەرۋدى، ءوزىن قالاي قورعاۋدى، قالاي ساقتانۋدى كوبىرەك ايتىپ يدەياسىنا ءسىڭدىرۋ توتەنشە ماڭىزدى. بالالار امان بولسىن، وتباسىلارىمىز باقىتى بولسىن!


كۇيتۇن قالالىق راديو-تەلەۆيزيا مەكەمەسى