جۇرت كوڭىلىنەن ورىن العان حالىق ساقشىسى
كەلۋقاينارى:تارباعاتاي گازەتى |جاۋاپتى رەداكتور: | جاڭالانعان ۋاقىت:2018-08-06 16:01:00

 ياۋ ميڭ، جۇماجان بەگزاتقان ۇلى حابارلايدى. قىزمەتتەستەرى ونى ۇلگى تۇتسا؛ اۋىلداستارى ونى جاقسى باۋىرىنا، جاقىن تۋىسىنا بالايدى. . . مىنە بۇل تارباعاتاي ايماقتىق قوعام حاۋىپسىزدىگى مەكەمەسى شيحۋ قالالىق اۆتوموبيل باسقارۋ بولىمشەسىنىڭ ساياسي جەتەكشىسى يان جۇڭحۋا ەدى.


قازىر 40 جاسقا شىققان يان جۇڭحۋا 1997-جىلى قىزمەتكە قاتىناسىپ، قوعام حاۋىپسىزدىگى شەبىندە 21 جىل تاپجىلماي قىزمەت ىستەگەن. 21 جىلدان بەرى ول حالىق ساقشىسىنىڭ قىزمەت ورنىن قىزۋ ءسۇيۋ، كاسىپكە قۇرمەت ەتۋ، حالىق ءۇشىن قىزمەت وتەۋ قاسيەتىن ساقتاپ، حالىق ساقشىسى سىندى قاسيەتتى قىزمەت ورنىنا دەگەن شەكسىز سۇيىسپەنشىلىگى مەن ىنتاسىنىڭ ارقاسىندا حالىقتىڭ قالاۋىنان شىعىپ، ساقشىلىق كاسبىنىڭ بەدەلىن اسىرىپ كەلەدى.


شيحۋ قالالىق اۆتوموبيل باسقارۋ بولىمشەسى–كوپ ۇلتتان قۇرام تاپقان قوعام حاۋىپسىزدىگى اۆتوموبيل باسقارۋ قوسىنى. بۇل ارادا ۇلتتار ىنتىماعى تاربيەسى قىزمەتى اسا ماڭىزدى سانالادى. پارتيا ياچەيكاسىنىڭ شۋجيىندىق جانە ساياسي جەتەكشىلىك مىندەت ارقالاعان يان جۇڭحۋا پارتيالى حالىق ساقشىلارى مەن كومەكشى ساقشىلاردى باتىل ءۇن قاتىپ، ايقىن پوزيتسيا بىلدىرۋگە جانە « باتىل ءۇن قاتىپ، ايقىن پوزيتسيا ءبىلدىرۋ ۋادەحاتىنا قول قويۋعا» ءۇرتىس ۇيىمداستىرىپ كەلەدى.


قىزمەت بارىسىندا ۇلتتار ىنتىماعى قيمىلىن ىشكەرىلەي ورىستەتىپ، باتىل ءۇن قاتىپ، ايقىن پوزيتسيا ءبىلدىرۋدى شوفەرلەردىڭ موتورلى كولىك شوفەرلىك كۋالىگىن الۋ الدىنداعى سەرت بەرۋ قيمىلىنىڭ ءبىر مازمۇنى ەتىپ، شوفەرلەردىڭ حاۋىپسىزدىك تانىمى مەن ۇلتتار ىنتىماعى تانىمىن كورنەكتى جوعارىلاتتى.


ۇلتتار ىنتىماعى، العا باسارلىعىنداعى وزات ورىن قۇرۋ قىزمەتى بارىسىندا، يان جۇڭحۋا ءار ۇلت حالقى «بىرلىكتە ىنتىماقتاسا كۇرەسۋ، بىرلىكتە گۇلدەنىپ دامۋ» نەگىزگى جەلىسىنە باتىل تاباندى بولىپ، «ادەتتەگى ۋاقىتتا دا ءمان بەرۋ، ادەتتەگى ىستەردى مىقتى يگەرۋ، كوپ سىرلاسۋ، كوڭىل توعىستىرۋ» پرينسيبىنە بويسۇنىپ، تەرەزەلىك ورىننىڭ كەلىمدى-كەتىمدى ادامى كوپ، قىزمەت وتەۋ كولەمى كەڭ بولۋ ەرەكشەلىگىن كورنەكتىلەندىرۋدى نەگىزگە الا وتىرىپ، ۇلتتار ىنتىماعى، العا باسارلىعىنداعى ۇلگىلى ورىن قۇرۋ قيمىلىن تالاپ بويىنشا جۇيەلى جۇرگىزدى. 2017-جىلى ول تۇرعان ورىن بەسىنشى توپتاعى «مەملەكەتتىك ۇلتتار ىنتىماعى، العا باسارلىعى قۇرىلىسىنداعى ۇلگىلى رايون(ورىن) »بولىپ باعالانىپ، تارباعاتاي ايماعىنان وسى داڭىقتى اتاققا يە بولعان بىردەن-ءبىر ورىنعا اينالدى.


16 جىلدان بەرى يان جۇڭحۋا مەن جەڭىسگۇل زەينەقابىل قىزى تۋعان تۋىستارداي ەتەنە ارالاسىپ كەلەدى. ءبىر ورايدا ولاردىڭ وتباسى جاعدايىن بىلگەننەن كەيىن يان جۇڭحۋا ەرىكتى تۇردە جەڭىسگۇلدىڭ قىزىنىڭ بارلىق وقۋ قاراجاتىن ءوز ۇستىنە الىپ، جەڭىسگۇلگە قىزمەت تاۋىپ بەرەدى. يان جۇڭحۋانىڭ كومەگىندە جەڭىسگۇلدىڭ قىزى ۋنيۆەرسيتەتتى ءبىتىرىپ، ءۇرىمجى قالاسىنا قىزمەتكە ورنالاستى.


قازىر جەڭىسگۇل وتباسى ۇرىمجىگە كوشىپ كەتكەنىمەن، يان جۇڭحۋا ءىس ساپارعا شىققان سايىن ولاردىڭ ۇيىنە بارىپ حال سۇراپ تۇرادى .


جەڭىسگۇل ىلعي دا: «يان جۇڭحۋا باۋىرىم مەنىڭ تۋعان ءىنىم سەكىلدى، وتباسىمىز قيىنشىلىققا ۇشىراعاندا ونىڭ بەرگەن كومەگىن ەشقاشان دا ۇمىتا المايمىن» دەيدى.


2014-جىلى يان جۇڭحۋا «ۇعىسۋ، تيىمدىلىك جاساۋ، توعىستىرۋ » قيمىلى بويىنشا شيحۋ قالاسى باسىحۋ اۋىلىنىڭ شەگىلىك قىستاعىنا تۇسەدى. ارالاپ جاعداي ۇعىسۋ بارىسىندا سۋ تاپشىلىعى قىستاق دامۋىنا ەڭ باستى تۇساۋ ەكەنىن بايقاپ، قىزمەت اترەتىندەگىلەرمەن جەدەل ىسكە كىرىسىپ، سۋ يگىلىگى، ەلەكتر قۋاتى سياقتى قاتىستى ورىندارمەن حابارلاسىپ، قىستاق كوميتەتىمەن بىرگە بارلاۋ-ولشەۋ جۇرگىزىپ، ءبىر توك قۇدىق قازىپ بەردى. اۋىلداستار ونى «انار قۇدىعى» دەپ اتاپ ىنتىماقتارىنىڭ سيمۆولىنا بالاعان.


شەگىلىك قىستاعى كوميتەتىنىڭ باستىعى تۇرسىنجان: «يان جۇڭحۋا قىستاعىمىزدان كەتكەلى ءتورت جىل بولدى. ءبىراق، اۋىلداستارىمىز ونى ۇمىتقان ەمەس. قاشان كەلەدى ەكەن دەپ ساعىنىپ ءجۇرمىز» دەدى.


«ەڭبەگى باردىڭ ونبەگى بار» دەگەندەيىن، 2014-جىلى يان جۇڭحۋا ايماق بويىنشا «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ۇزدىك مۇشەسى، 2015 -جىلى ايماقتىق ەڭ قالاۋلى حالىق ساقشىسى، 2016-جىلى قاڭتاردا تارباعاتاي ايماعى بويىنشا ۇلتتار ىنتىماعىنداعى وزات جەكە بولىپ سيلانسا، 2017-جىلى قاڭتاردا اۆتونوميالى رايوندىق «ۇلتتار ىنتىماعىنىڭ بەرەكەلى شاڭىراعى» قيمىلىنداعى وزات جەكە اتاعىنا يە بولدى.