جاز مەزگىلىندە كولىك ايداۋدا كوڭىل بولەتىن ىستەر
كەلۋقاينارى: |جاۋاپتى رەداكتور: | جاڭالانعان ۋاقىت:2018-08-10 18:08:00


بۇلبۇل احىمەت قىزى، دۋمان ءماناپ ۇلى

قازىرگى مىناۋ زىمىران داۋىردە ەكونوميكانىڭ ارتۋىنا بايلانىستى، قاتىناس موتورلى كولىكتەرى كۇن سايىن تۇرلەنىپ، كوبەيىپ، ادامداردىڭ كۇندەلىكتى تۇرمىسىنا كوپتەگەن قولايلىلىق جاراتىپ كەلە جاتقانى بارشامىزعا ايان: ماسەلەن، جاز مەزگىلىندە ادامدار ءوز جەكە اۆتوكولىكتەرىن ايداپ، سىرتقا ساياحاتتاپ شىعۋدى ۇناتادى. الايدا، تەمپەراتۋرا ءبىرشاما جوعارى بولعاندىقتان اۆتوكولىك جۇرگىزۋ بارىسىندا ويلاماعان وقيات جاعدايلار كەزدەسىپ جاتادى. ەندەشە، جاز مەزگىلىندە اۆتوكولىك جۇرگىزگەندە قانداي تۇيىندەرگە كوڭىل ءبولۋ كەرەك ءارى ودان قالاي ساقتانۋعا بولادى؟ تومەندە مىنا 10ءتۇرلى مازمۇندى ەسىڭىزگە سالا كەتەيىن:


ءبىرىنشى، جاز مەزگىلىندە اۆتوكولىكتى توقتاتقان كەزدە كولەڭكە ورىندى تالداۋ كەرەك. ماسەلەن، اعاشتىڭ كولەڭكەسى نەمەسە قاباتتىڭ كولەڭكە جاعىنا توقتاتىپ قويۋ كەرەك.


ەكىنشى، جاز مەزگىلىندە، اۆتوكولىكتىڭ پالونىنان جەل قاشۋدان ابايلاۋكەرەك. ۇيتكەنى، تەمپەراتۋرا جوعارلاۋىنا ىلەسىپ، پالوننىڭ ىشىندەگى تولتىرىلعان جەلدىڭ اتىلىپ، جەل قاشۋ، جارىلىپ كەتۋ احۋالى تۋىلادى. سوندىقتان، جولعا شىعاردان بۇرىن دوڭگەلەكتى دۇرىستاپ تەكسەرىپ الۋىمىز كەرەك.


ءۇشىنشى، جاز مەزگىلىندە، اۆتوكولىكتى جۇرگىزەر الدىندا، ەڭ الدىمەن اۆتوكولىكتىڭ تەرەزەسىن، ودان سوڭ اۋا تەڭشەگىشتى اشۋ كەرەك. سەبەبى، اۆتوكولىك ۇزاق ۋاقىت كۇننىڭ استىندا تۇراتىندىقتان اۆتوكولىكتىڭ ءىشىنىڭ تەمپەراتۋراسى ءبىر شاما جوعارى بولادى، سوندىقتان، اۆتوكولىك جۇرگىزەر الدىندا، اۋا تەڭشەگىشتى ەمەس قايتا اۆتوكولىكتىڭ ەسىك تەرەزەسىن اشىپ اۋا الماستىرىپ بولعان سوڭ بارىپ، اۋا تەڭشەگىشتى اشاتىن بولساق، اۆتوكولىكتىڭ ءىشىن سالقىنداتۋ رولى ءتىپتى دە جاقسى بولادى.


ءتورتىنشى، جاز مەزگىلىندە، اۆتوكولىك جۇرگىزگەندە، تەك سالقىنداتۋدى عانا ويلاپ، اۆتوكولىكتىڭ تەمپەراتۋراسىن تومەندەتۋ ءۇشىن، اۋا تەڭشەگىشتى ەڭ جوعارعىسىنا اپارۋعا بولمايدى. ۇيتكەنى، اۋا تەڭشەگىشتىڭ ادام دەنەسىنەدە زيانى بار، سۋىقتان كەلەتىن اۋىرۋلاردى كەلتىرىپ شىعارادى ءارى پەنزيندى كوپ جەيدى. قالىپتى جاعدايدا، اۆتوكولىكتىڭ ءىشىنىڭ تەمپەراتۋراسىمەن سىرتتىڭ تەمپەراتۋراسىنىڭ پارقى 6 سەلتسي گرادۋس بولعانى ۇيلەسىمدى. سوندىقتان، اۆتوكولىك شوفەرلارى بۇل پارىقتاردى، ءسوزسىز، پارقتاي ءبىلۋى كەرەك.

بەسىنشى، جاز مەزگىلدەرىندە، اۆتوكولىك ىشىنە وڭاي جاناتىن زاتتاردى قويماۋ كەرەك، ماسەلەن، ۇنەمى ىستەتەتىن ءيىستى سۋ، شاش جەلىمى، قارتتار كوزىلدىرىگى، تەمەكى تۇتاندىرعىش، باتەريا قاتارلى وڭاي پارتلايتىن زاتتاردى اۆتوكولىك ىشىنە قويماۋكەرەك. ۇيتكەنى جوعارى تەمپەراتۋرادا پارتىلاۋ قۇبىلىسى وڭاي تۋىلادى.


التىنشى، جاز مەزگىلىندە ساپاسىز كوزىلدىرىكتى تاقپاۋىمىز كەرەك. ساپاسىز كوزىلدىرىك كورۋ قۋاتىمىزعا ىقپال جاسايدى. ۇيتكەنى، گرادۋسى تەڭشەلمەگەن كوزىلدىرىك ۇلكەن ميعا اسەر ەتىپ قالىپتى اۆتوكولىك جۇرگىزۋگە كەدەرگىلىك جاسايدى.


جەتىنشى، جاز مەزگىلىندە، اۆتوكولىكتى شىجىعان ىستىقتا جۋماۋ كەرەك. كوپتەگەن جەكە اۆتوكولىك شوفەرلارى اۆتوكولىكتى كۇن تۇسكەن جەردە جۋعاندى جاقسى كورەدى. ۇيتكەنى، كۇن نۇرى ارقىلى تەز كەبەدى دەپ ويلايدى، الايدا، بۇل قاتە، سەبەبى، اۆتو كولىكتىڭ سىرىنىڭ جىلتىراتقىش رولىن جويادى، سوندىقتان، كولىكتى تاڭەرتەك، كەش نەمەسە كولەڭكە جەرلەردە جۋعان ءجون.


سەگىزىنشى، جاز مەزگىلىندە اۆتوكولىكتىڭ ءىشى- سىرتىنىڭ تەمپەراتۋراسى وتە جوعارى بولاتىندىقتان، اۆتوكولىككە پەنزين نەمەسە گاز قۇيعاندا ولشەمنەن ارتىق تولتىرىپ قۇيماعان ءجون.


توعىزىنشى: جاز مەزگىلىندە تەمپەراتۋرا جوعارىلاعان كەزدە اۆتوكولىك دوڭگەلەگىمەن تاسجول اراسىنداعى ۇيكەلىس بارنشا ازاياتىندىقتان، شۇعىل تورمۋزداۋ قيىنعا سوعىپ وڭاي شرعالاڭ تۋىلادى.


ونىنشى، كەڭ مول نەمەسە وتە قالىڭ اياق كىيمدەردى تالداماۋ كەرەك. ءاسىرەسە، سۇيرەتكى شاقايدى جانە ايەل جولداستار بيىك وكشەلى اياق كيىم كيمەۋى كەرەك. ۇيتكەنى، بۇنداي اياق كيىمدەر اۆتوكولكتى تورموزداۋمەن مايدى كونتىرولداۋعا زور كەدەرگىلىك اكەلەدى.


سوڭىندا، بارلىق اۆتوكولىك شوفەرلارىنا، جازعى ىستىق كۇن رايى جاعدايىندا، موتورلى كولىكتەردىڭ حاۋىپسىزدىك ەسىگى، حاۋىپسىزدىك بەلبەۋى، سالقىنداتۋ، موتور جۇيەلەرى، پالون، توك-جانار ماي جولى، ءورت وشىرگىش قاتارلى جابدىقتاردى ۇنەمى تەكسەرىپ، حاۋىپسىز اۆتوكولىك جۇرگىزىپ، مادەنيەتتى قاتىناپ، تاماشا قاتىناس ورتاسىن جاراتۋ- بارلىق ادامدارعا ورتاق قوعامدىق ءمورال مادەنيەتى ەكەنىن ەسكەرتەمىز.

قىزمەت ورنى: قابا اۋداندىق قوعام حاۋىپسزدىگى مەكەمەسى