شينجياڭعا كومەككە كەلگەن سۋجوۋلىق كادر لۋ چۋانميڭ ءۇي-ىشىمەن كوشىپ كەلىپ، قورعاس وتكەلىنىڭ وقۋ-اعارتۋ ىستەرىنە ۇلەس قوستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 16:49:00


    وقىتۋشىلىقپەن شۇعىلدانعانىنا 25 جىل بولعان شينجياڭعا كومەككە كەلگەن سۋجوۋلىق كادر لۋ چۋانميڭ 2017-جىلدىڭ باسىندا قورعاسقا كەلەدى، سول جىلدىڭ سوڭىندا، ول قورعاسقا ءۇي-ىشىمەن كوشىپ كەلىپ، ايەلىمەن بىرگە وتكەلدىڭ وقۋ-اعارتۋ ىستەرىنە كۇش قوستى.


    2017-جىلى 2-ايدا، سۋجوۋ ونەركاسىپ باقشاسىنداعى شيڭ-ياڭ مەكتەبىنىڭ ورىنباسار باستىعى مىندەتىن اتقاراتىن لۋ چۋانميڭ ءوتىنىش بەرىپ شينجياڭعا كومەككە كەلىپ قورعاس قالاسىنداعى گومىن ورتالاۋ مەكتەبىنىڭ باستىعى مىندەتىن اتقاردى، ول قورعاسقا العاش كەلگەندە، گومىن ورتالاۋ مەكتەبىنىڭ وقىتۋ عيماراتى، جاتاق، اسحانا قۇرىلىسى سياقتى نەگىزگى تۇلعالىق ينجەنەريالارى عانا سالىنىپ، قالعان قۇرىلعىلارى تياناقتانباعان بولاتىن، بۇل وقۋ باستالۋعا از قالعان كەز ەدى، لۋ چۋانميڭ قاتتى ابىرجىپ، مەكتەپتىڭ جالپى ىستەرى مەن ارتقى شەپ قىزمەتكەرلەرىن باستاپ قاتىستى ورىندارعا بارىپ، سايكەستىرۋدى اقىلداسىپ، قۇرىلىستىڭ اياق الىسىنا قۋزاۋ سالۋدىڭ ناتيجەسىندە، تۇلعالىق قۇرىلعىلار ۋاعىندا تياناقتانادى. لۋ چۋانميڭ بىلاي دەدى: «قاتتى ابىرجىدىم، مىڭنان ارتىق وقۋشىنىڭ وقۋىن اقساتپاۋىمىز كەرەك عوي، قيىنشىلىق تا، اۋىرتپالىق تا وتە كوپ ەكەن، الايدا، قايتكەن كۇندەدە ءادىس-امال تابۋ كەرەك بولدى.»


    سۋجوۋدىڭ وقۋ-اعارتۋ كوزقاراسى مەن وقىتۋ ءادىسىن مەكتەپتە جالپىلاستىرۋ ءۇشىن، لۋ چۋانميڭ سۋجوۋ ونەركاسىپ باقشا رايونىنداعى ايگىلى مەكتەپتەردىڭ باستىقتارىن ماماندار لەكسياسىن، سالون اڭگىمە ءماجىلىسىن وتكىزۋگە ۇسىنىس ەتتى، سۋجوۋ قالاسىنداعى شيڭحاي تاجىريبە ورتا مەكتەبىندەگى 4 تىرەكتى وقىتۋشىنى ۇسىنىس ەتىپ، گومىن ورتالاۋ مەكتەبىندە كلاس جەتەكشىلەرىن باسقارۋ لەكسياسىن جاساۋعا جانە اشىق ساباق وتۋگە ورنالاستىردى ءارى توراپ تەكشەسىنەن پايدالانىپ الۋان مازمۇنداعى وقىتۋدى زەرتتەۋ تالقى قيمىلدارىن ورىستەتىپ، قورعاستاعى وقتۋشىلاردىڭ كوز اياسىن زور دارەجەدە كەڭەيتتى.


    2017-جىلدىڭ سوڭعى جارىمىندا، وقۋ-اعارتۋ قىزمەتىمەن شۇعىلداناتىن ايەلى جان ليڭ ۇلىن ەرتىپ قورعاسقا كەلىپ، جولداسىمەن بىرگە شينجياڭعا كومەكتەسۋ تالابىن قويادى. لۋ چۋانميڭ بىلاي دەدى: «بۇل جەردىڭ كىليماتى راسىندا وتە قۇرعاق ەكەن، اس-سۋىنا ۇيلەسە الماي، نەشە رەت ناۋقاستانىپ قالدىق. بۇل جەردىڭ وقىتۋى مەن تۇرمىس ورتاسىنا تەز ارادا ۇيلەسۋ ءۇشىن، ايەلىم دە كۇندەلىك دەنە شىنىقتىرىپ، كوڭىل-كۇيى مەن دەنساۋلىق جاعدايىن جاقسى رەتتەپ، وقۋ-اعارتۋ، وقىتۋ قىزمەتىنە اتسالىستى، ونىڭ وسى ارەكەتتەرىنەن قاتتى اسەرلەندىم، ايەلىم ماعان زور دەمەۋ بولدى.»


    بۇگىنگى كۇندە، بالا-شاعاسىمەن كەلىپ قورعاسقا ورنىعىپ قالعان لۋ چۋانميڭ قىزمەتكە بار قايراتىمەن كىرىسكەنىن ايتا كەلىپ بىلاي دەدى: «ەلىمىزدىڭ جەر-جەرىنەن شينجياڭعا كومەككە كەلگەن كادرلارمەن بىرگە شينجياڭ مەن ىشكى ولكەنىڭ اۋىس-كۇيىسىن ىلگەرلەتۋگە، شەكارا ىستەرىنىڭ دامۋىنا ءبىر كىسىلىك ۇلەسىمدى قوسقانىمدى، ءومىرىمنىڭ وتە قۇندى ەكەنىن سەزىندىم، ءوزىمدى ەرەكشە باقىتتى سانايمىن، الدا، بۇرىنعىدان بەتەر قۇلشىنىپ، وسى جەردەگى ءار ۇلت بۇقاراسىمەن بىرلىكتە قورعاستىڭ اناعۇرلىم زور، اناعۇرلىم تەز، اناعۇرلىم ويداعىداي دامۋىنا، وزگەرىستەرىنە كۋا بولامىن.


بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)