‹‹ساياحات پەن اۋىل شارۋاشىلىعىن بىرلەستىرۋ›› ۇلگىسى ساياحاتتىڭ دامۋىن جەبەپ قالماستان ءارى جەرگىلىكتى ورىنعا كاسىپتەنۋ ورايىن اكەلدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 16:52:00


    كەزەكتە، ىلەدەگى گۇل تەڭىزى اتانعان نارات كورىنىس رايونىنىڭ 2 مىڭ مۋدان ارتىق جەرىندەگى تاماشالاۋعا ارنالعان گۇلدەر جايقالا اشىلدى، «ساياحات پەن اۋىل شارۋاشىلىعىن بىرلەستىرۋ» ۇلگىسى ساياحاتتىڭ دامۋىن جەبەپ قالماستان ءارى جەرگىلىكتى ورىنعا كاسىپتەنۋ ورايىن اكەلدى.


    ىلەدەگى گۇل تەڭىزى نارات كورىنىس رايونىندا، قامشى ءشوپ، بارقىت ءشوپ، قاز تابانگۇل سياقتى گۇل- شوپتەر جايقالا گۇل اشىپ، اۋادان گۇلدىڭ حوش ءيسى تاراپ، كۇلگىن- سارى گۇلدەر كوڭىلدى سەرگىتتى. سىچۋاندىق ساياحاتشى لي شياڭجۇن بىلاي دەدى: «بۇل جەردەگى گۇلدەر ەرەكشە كوركەم، ءتۇرى دە كوپ ەكەن. جايشىلىقتا قىزمەتىم وتە قاربالاس، وسى جەرگە كەلىپ، كوڭىل-كۇيىم كوتەرىلىپ، جادىراپ قالدىم». اقسۋلىق ساياحاتشى يان حۇڭ :«اۋاسى دا وزگەشە ەكەن، ونىڭ ۇستىنە ساياحات تۇرلەرى كوبەيتىلگەننەن كەيىن، مەيلى ەرەسەكتەر، مەيلى بالالار بولسىن وسى جەردى قاتتى ۇناتادى»،- دەدى.


    2017- جىلى قۇرىلعان ىلە گۇل تەڭىزى نارات كورىنىس رايونى مەلەكەتتىك 5A دارەجەلى كورىنىس رايونى نارات ساياحات كورىنىس رايونىنىڭ ىرگەسىندە، ول ءتۇرلى دەمالۋ ءتاسىلى ءبىرتۇلعالانعان امبەباپ ساياحات تاماشالاۋ ورمان باقشاسى. قازىر، كورىنىس رايونىندا ەگىلگەن گۇل 60 تۇردەن استى، گۇلدىڭ اشىلۋ مەزگىلى 10 - ايعا دەيىن بارادى. بۇدان سىرت، اسپالى اينەك جول، كەڭىستىك الپەنشەگى، كەمپىرقوساق سىرعىما جولى، جايىلىم موتوسيكيلى، موتورلى ءۇش قاناتتى ۇشاق سياقتى دەمالۋ كوڭىل اشۋ تۇرلەرى دە «ساياحات پەن اۋىل شارۋاشىلىعىن بىرلەستىرۋ» مازمۇنىن ءتىپتى مولايتتى. حۋناندىق ساياحاتشى ۋ پانشي :«كەمپىرقوساق سىرعىما جولدان قۇلداعاندا قاتتى ابىرجىعانىممەن، وتە قىزىقتى بولدى، ناراتتىڭ گۇل تەڭىزى وتە تاماشا ەكەن»، ــ دەدى.


    بيىل جىل باسىنان بەرى، ىلەدەگى گۇل تەڭىزى- نارات كورىنس رايونى 200 مىڭ ادام رەت ساياحاتشى قابىلداپ، وتكەن جىلدىڭ وسى تۇسىنداعىدان %30 ارتتى، بيىل ساياحاتشى قابىلداۋ مولشەرى 400 مىڭ ادام رەتتەن اسادى دەپ مەجەلەنىپ وتىر. ساياحاتشى كوبەيگەن سايىن، ساۋدا ورايى دا ارتادى. كورىنىس رايونىنداعى اس- سۋ ورنىنىڭ قىزمەتكەرى الماگۇل رىزۋان: «بۇرىن مەنىڭ قىزمەتىم جوق ەدى، قازىر گۇل تەڭىزى نارات- كورىنىس رايونىندا ىستەيمىن، ايلىق ەڭبەكاقىم ءبىر مىڭ 800 يۋان، قازىر تۇرمىسىم دا بارعان سايىن جاقساردى،-دەدى.»


    ىلەدەگى گۇل تەڭىزى- نارات كورىنىس رايونىنىڭ ورىنباسار باس مەڭگەرۋشىسى شۇي جىڭۋي بىلاي دەدى: گۇل تەڭىزى- نارات كورىنىس رايونىندا 267 جۇمىسشى- قىزمەتكەر بار، ولاردىڭ %80 ءى جەرگىلىكتى ورىنداعى بۇقارا، 62 سى كەدەي وتباسىلارىنىڭ مۇشەسى، 42 سى ەڭ تومەنگى تۇرمىسى قامتاماسىزداندىرىلاتىندار. جەرگىلىكتى ورىنداعى كەدەي وتباسىلارىن كەدەيلەردى سۇيەمەلدەۋ جايما ورنىمەن تەگىن قامدادىق، كەدەيلەردى سۇيەمەلدەۋ جايما ورىنىنداعىلار نەگىزىنەن ۇلتتىق تاعامداردى ساتۋ، ۇلتتىق كيىم- كەش ەكتەردى جالعا بەرۋ سياقتى ساۋدامەن اينالىسادى.


بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)