كۇنەس اۋدانىنداعى ەگىنشى- مالشىلار كوزقاراسقا بۇرىلىس جاساپ، اۋلا شارۋاشىلىعىنان كورنەكتى ناتيجەگە قول جەتكىزدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 16:58:00

 

    سوڭعى جىلدارى، كۇنەس اۋدانى قوعامدىق كۇشتەردى اتتانىسقا كەلتىرىپ، ەگىنشى- مالشىلاردىڭ يدەيالىق تانىمىنا بۇرىلىس جاساعاندىقتان، ەگىنشى-مالشىلار وتىرىقتانىپ، ءوندىرىستى دامىتىپ، تۇرمىس تاسىلىنە بۇرىلىس جاسادى. سونىمەن بىرگە، مالشىلاردى اۋلا شارۋاشىلىعىن دامىتۋعا جەبەپ، كەدەيلىكتەن قۇتىلىپ، كىرىسىن ارتتىرۋ ناتيجەسى كورنەكتى بولدى.


    تاياۋدا، كۇنەس اۋدانى بەستوبە اۋىلى اشىلبۇلاق قىستاعىنىڭ تۇرعىنى زەينا ورازحان ۇلىنىڭ ءۇيىنىڭ اۋلاسىنداعى جەمىس اعاشتارى ماۋەلەپ، كوكونىس اتىزىندا دا ءتۇرلى كوگونىس قاۋلاپ ءوسىپتى. ۇعىسۋعا قاراعاندا، ونىڭ وتباسى بۇىنعى كەزدەرى كۇندەلىكتى تۇرمىسقا قاجەتتى كوكونىستەردىڭ ءبارىن بازاردان ساتىپ الاتىن. ونىڭ ۇستىنە، ءجۇرىس- تۇرىسقا قاتتى قولايسىزدىق تۋىلاتىن. بيىل كوكتەمنەن بەرى، «ىلە گازەتى» مەكەمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىمەن قىستاققا تۇسكەن قىزمەت اترەتى ولاردىڭ ءۇيىن ءتۇرلى كوكونىس تۇقىمىمەن قامدادى. قىزمەت اترەتىنىڭ تەحنيكاعا جەتەكتەپ، قولما- قول ۇيرەتۋى ارقىلى جەمىس اعاشتارى جاقسى ءوستى. ءبىر ءۇيلى جاننىڭ كۇندەلكتى تۇرمىسقا قاجەتتى كوكونىسى ءوزىن-ءوزى قامدايتىن بولدى. ونىڭ ۇستىنە، ءبارى جاسىل ءتۇستى، ورتانى لاستامايدى.


    زەينا ورازحان ۇلى: بۇرىن اۋلامىزدا ەشتەڭە جوق، قاڭىراپ بوس تۇراتىن. قىزمەت اترەتى بىزگە كوكونىس تۇقىمىن بەرگەننەن كەيىن اۋلامىزعا كوكونىس ەگە باستادىق، ەندىگارى سىرتتان كوكونىس ساتىپ المايتىن بولدىق،- دەدى.


    قىزمەت اترەتى مەن ۇلگىلى وتباسىلارىنىڭ جەتەكشىلىگىندە، كەزەكتە، قىستاق تۇرعىندارى ءبارى اۋلاسىن رەتتەۋگە كىرىستى، كەيبىرى اۋلاسىنا الۋان ءتۇرلى گۇل ەكتى. كەيبىرى جەرگىلىكتى تاۋىق باقتى، ال تاعى بىرەۋلەرى ءتۇرلى كوكونىس ەكتى.


    بۇلاردىڭ ىشىندەگى ەڭ تيپتىك ۇلگىسى- كۇنەس اۋدانى بەستوبە اۋىلى اشىلبۇلاق قىستاعىنىڭ تۇرعىنى سايلام وتباسى ەدى. پارتيانىڭ ابزال ساياساتىنىڭ جەبەۋىندە، بيىل ونىڭ ءۇيى 40 شارشى مەترلىك جەر سىلكىنىسىنە ءتوزىمدى بەيقۇت ءۇي مەن ءبىر جىلى قورا سالىپ، كوشىپ ورنالاسىپ الدى. قىزمەت اترەتىنىڭ كومەكتەسۋىندە، اۋلاسىنان كوكونىس اتىزىن جاسادى. ءۇي سالۋدا كەتكەن قاراجاتتى مەملەكەت تۇگەل كوتەردى،ءوز ءۇيىنىڭ اۋلاسىنان تاعى دا ءتۇرلى كوكونىس ەگىپ، جەمىس اعاشىن وتىرعىزىپ، ءوزىنىڭ قازىرگى تۇرمىسىنا ءدان ريزا بولدى.


    سايلام: پارتيانىڭ ساياساتى ايرىقشا جاقسى، بىزگە 40 شارشى مەترلىك جەر سىلكىنىسىنە ءتوزىمدى بەيقۇت سالىپ بەردى. قىزمەت اترەتى اۋلا شارۋاشىلىعىن دامىتۋعا كومەكتەستى. قازىر بۇقارانىڭ تۇرمىسى كۇن ساناپ جاقسارىپ كەلەدى. ۇكىمەتكە كوپتەن كوپ راحمەت ايتامىن،- دەدى.


    ۇعىسۋعا قاراعاندا، كۇنەس اۋدانىندا قوعامدىق كۇشتەردىڭ ورتاق كۇش سالۋىنىڭ ارقاسىندا، بۇقارانى جەتەكتەۋ مەن بۇقاراعا قىزمەت وتەۋدى تىعىز ۇشتاستىردى، كەزەكتە، ەگىنشى- مالشىلاردىڭ يدەياسىندا زور وزگەرىس بولىپ، پارتيا مەن ۇكمەتتىڭ قامقورلىعىندا ءار ۇلت حالقىنىڭ باقىتتى سەزىنۋى بارعان سايىن كۇشەيدى.


بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)