نىلقى اۋدانى وسىزامانعى اۋىل شارۋاشىلعىن بار كۇشپەن دامىتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 17:07:00


    ەركىنبەك وكەن ۇلى حابارلايدى. جاقىنعى جىلداردان بەرى، نىلقى اۋدانى ەگىمشىلىك قۇرىلىمىن رەتتەۋ جانە ساپالاندىرۋ، استىق حاۋىپسىزدىگىنە كەپىلدىك ەتۋ العى شارتى استىندا ءبيداي جانە جۇگەرى قاتارلى ءداستۇرلى ەگىس داقىلدارىنىڭ ەگىمشىلىك كولەمىن ازايتىپ، جەم- ءشوپ ەگىمشىلىك كولەمىن كەڭەيتىپ، وسىزامانعى اۋىل شارۋاشىلعىن بار كۇشپەن دامىتتى.


    قازىر جەم- ءشوپ جيناۋدىڭ قاربالاس مەزگىلى، نىلقى اۋدانىنىڭ ءارقايسى اۋىل، قالاشىق فەرمالارىنداعى ەگىنشى- مالشىلار جەم- ءشوپ جيناۋدىڭ قاربالاستىعىنا ءتۇستى، ءبىز نىلقى اۋدانىنىڭ مىس اۋىلى مىس قىستاعىنداعى شاپپالىق مايدانىندا ءشوپ ورۋ ماشيناسى ورعان شوپتەردىڭ تايلانىپ ازىرلەنگەنىن كوردىك. قىستاق تۇرعىنى قۋانىش كورشىلەرمەن بىرلىكتە تايلانعان شوپتەردى ماشيناعا باسىپ قاربالاس جۇمىس ىستەپ جۇرگەن جەرىنەن كەزدەستىردىك. ول بىزگە «بيىلعى جىلى جاۋىن- شاشىن مولشەرى از بولعانىمەن جوڭشقا جاقسى شىقتى. قولىمداعى ءار تۇلىك مالدى قىس قىرىنان امان وتكىزۋگە دايىندىق مىعىم.»- دەدى.


    ۇعىسۋعا قاراعاندا، جاقىنعى جىلداردان بەرى نىلقى اۋدانى ساپالى جەم-ءشوپ ەگۋ ارقىلى وسى زاماندانعان مال شارۋاشىلىعى كاسىبىنىڭ دامۋىن بار كۇشپەن جەبەپ، اۋىل شارۋاشىلىعى، مال شارۋاشىلىعى ءوندىرىسىنىڭ ۇرتىس، اقاۋسىز، باياندى دامۋىن ىسكە اسىرىپ، قىسقى جەم- ءشوپتى دايىنداۋدى كەزەكتەگى ماڭداي الدى ماڭىزدى قىزمەت رەتىندە مىقتى ۇستاپ، ءتۇرلى شارالار قولدانۋ ارقىلى، شارۋالاردىڭ جەم- ءشوپتى مولىنان دايىنداۋمەن بىرگە، قۋاتتىق ازىقتىعى جوعارى كۇزگى ەگىس قالدىقتارىن دەركەزىندە جيناپ الۋعا ەرتە باستان كىرىسۋ ارقىلى ءارتۇلىك مالدىڭ بيىلعى جىلعى قىس پەن كەلەر جىلعى كوكتەمنەن سۇرىنبەي وتۋگە مىعىم نەگىز قالادى.

نىلقى اۋدانى مىس اۋىلى پارتكوم ۇگىت كەڭسەسى