الما باقتىڭ سامسىعان ءيىسى شار تاراپتى شارپىدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-14 16:28:00


    ەرگۇل مۇقاتاي قىزى حابارلايدى. باعبانداعى جەمىس اعاشتارى جەمىسىن كوتەر الماي ءيىلىپ، حوش ءيىسى مۇرىن جارادى. بۇل ارا جەرلىك تۇرعىنداردىڭ ەڭ ۇناتىپ باراتىن جەر بولۋىمەن قاتار، ساياحاتشىلاردىڭ دا ەڭ ۇناتىپ باراتىن جەرلەردىڭ ءبىرىنە اينالۋدا. جەرلىكتەگى ءار ۇلت حالقى سەنبى، جەكسەنبى كۇندەرى بالالارىن ەرتىپ كەلىپ، جەمىس-جيدەكتەردىڭ حوش ءيسى اڭقىعان الما باقتا سەيىلدەپ، اعاش باسىنان وزدەرى ۇناتقان المالارىن تەرىپ قايتاتىن.


    سەندەرگە العىستان باسقا ايتارىم جوق، سەندەردىڭ كوپ جاقتىلى ۇگىت جاساۋلارىڭمەن ۇيىمنەن اتتاپ شىقپاي-اق وسىنشاما كوپ زاكازدار كەلىپ ءتۇستى ءارى كوپتەگەن قاريدارلار الما باعىما كەلىپ راسىمگە ءتۇسىپ، ەستەلىك قالدىرىپ جاتتى. ٴۇنحات دوستىق شەڭبەرىندە 200 كيلوگرام المانىڭ زاكازىن بەردىڭدەر، سەندەر بولماعاندا بۇل المالاردا دەر كەزىندە ۇرىمجىگە جەتكىزۋگە امالسىز ەدىم،-دەيدى شاۋەشەك قالاسى ارگۇڭ اۋىلى باۋ-باقشا مايدانىنداعى كۇڭشياڭفۋ كۇلىمسىرەگەن بەينەدە المالارىن ماشيناعا سالىسۋعا كومەكتەسىپ جاتقان قىزمەت اتىرەتىندەگىلەرگە دەگەن شىنايى راحىمەتىن ايتىپ جاتتى.


    ارگۇڭ اۋىلى باۋ-باقشا مايدانى شاۋەشەك قالاسىنىڭ باتىس وڭتۇستىگىنە ورنالاسقان، قىستاق تۇرعىندارى نەگىزىنەن جەمىس-ورمان شارۋاشىلىعىن نەگىز ەتەتىن بولىپ، وتباسى سايىن الما باقتارى بار، تۇتاس مايداندا جالپى مىڭنان استام جەمىس اعاشى، بۇندا شاۋەشەك اق الماسى، ستالوۆاي، گۇڭ چيڭتۋان، ليمون، قاتارلى ءتۇرلى سورتتاعى المالار بار بولىپ، ءدال قازىر المالاردىڭ پىسىپ تولسىقان كەزى، ءتۇرلى المالار ارت-ارتىنان پىسىپ، سامسىعان ءيىسى شار-تاراپتى شارپىپ، ديقاندار الماسىن ساتۋمەن ابىگەرگە ءتۇستى.


    مىنە سول قاربالاسپەن شاۋەشەك قالاسى مادەنيەت، دەنە-تاربيە، راديو،كينو-تەلەۆيزيا مەكەمەسىنەن قىستاققا تۇسكەن قىزمەت اتىرەتىندەگىلەر ۇنحات تەكشەسى، QQ قاتارلى تاسىلدەرمەن كەڭ كولەمدە ۇگىت جۇرگىزىپ، ديقانداردىڭ ساتىلىم جولدارىن بارىنشا كەڭەيتۋمەن بىرگە جەرلىك قاريدارلاردا وتباسىلارىمەن كەلىپ، ورتا دىر-دۋمانعا بولەنۋمەن بىرگە ماڭايداعى اۋدان قالالاردان كەلگەن زاكازدىڭ كوپتىگىنەن ديقاندار قاربالاسقا تۇسكەن ساتتە، قىزمەت اترەتىندەگىلەر ولاردىڭ جاقسى كومەكشىسىنە اينالىپ، ولارعا كومەكتەسىپ، زاكاز قابىلداسا، بىردە الما باققا بارىپ، الما ءۇزىپ، المالاردى تۇر‍گە ايىرىپ، ماشينالارعا تيەۋمەن قاربالاسقا تۇسكەن ەدى.


    قىزمەت اترەتىنىڭ اترەت باستىعى، قىستاقتىڭ ءبىرىنشى شۋجيى فان شياۋجۇن: باۋ-باقشا مايدانى الما اعاشتارىن ءوسىرۋدى نەگىز ەتەتىن بولىپ، مۇنداعى ليمون الماسى بالداي، ءدامى جاقسى. قازىر ەگۋ كولەمى شاعىن بولعاندىقتان جەرلىكتىڭ قاجەتى مەن ماڭايداعى قاريدارلاردىڭ قاجەتىنەن شىعا الماي وتىر. ءبىز باعبانداردى تەلۋ تەحنيكاسىنان پايدالانۋ ارقىلى، ليمون اعاشىنىڭ ەگىلۋ كولەمىن كەڭەيتىپ، ەكونوميكالىق كىرىسىتەرىن جوعارلاتىپ، قىستاق تۇرعىندارىن كىرىستەرىن ارتتىرىپ، اۋقاتتانۋ نىسانىن ىسكە اسىرۋعا جەتەكتەۋگە كۇش سالامىز،-دەيدى.


    قىستاق پارتيا ياچەيكا شۋجيى لي ميتيڭ: بۇرىندارى باعباندار تەك وزدەرىنىڭ تاجىريبەسى بويىنشا الما اعاشتارىن ەگەتىن، باسقارۋ ورەسى بىرشاما ارتتا قالعان، قىزمەت اتىرەتىندەگىلەر كەلگەننەن كەيىن <<مالشىلار كەشكى مەكتەبى>>، اۋىل شارۋاشىلىق تەحنيكاسى ماماندارىن ۇسىنىس ەتۋ ارقىلى، ولار اتىز باستارىندا ناق مايداندا الما اعاشتارىن قالاي شىرپۋ، تەلۋ تەحنيكالارىن ۇيرەتتى، باعبانداردا جەمىس اعاشتارىن قالاي شىرپۋ جونىندە وزدەرىنىڭ تۇرمىس بارىسىندا كەزدەسكەن ماسەلەلەرىن، ۇسىنىسپەن كەلگەن تەحنيكتەردەن سۇراپ ۇعىسىپ وتىردى. وسىنداي ۇيرەنۋدىڭ ناتيجەسىندە باعبانداردىڭ باسقارۋ ورەلەرى دە بارعان سايىن جوعارلادى. بيىل مۋ باسىندىق ءونىمى ۇقساس مەزگىلدەگىدەن ٪10 ارتىپ، ساتۋ ارناسى دا كەڭەيدى، باعبانداردىڭ قالتاسى دا اقشاعا تولدى،-دەيدى.


شاۋەشەك قالالىق <<ۇعىسۋ، تيىمدىلىك جاساۋ، توعىستىرۋ>> قىزمەت كەڭسەسى