جەمەنەي اۋدانى توپتەرەك قالاشىعىنا قاراستى الەۋمەتتىك اۋماقتار ءارتۇرلى فورمالار ارقىلى مەملەكەت مەرەكەسىن قارسى الدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-10-05 11:17:00

 

    جالىنگۇل قيزاتبەك قىزى،ساتەش ايتىكەن قىزى حابارلايدى. مەملەكەت مەرەكەسى قارساڭىندا، جەمەنەي اۋدانى توپتەرەك قالاشىعىنىڭ ءارقايسى الەۋمەتتىك اۋماعى الۋان ءتۇرلى قيمىلدار وتكىزىپ ءار ۇلت كادر-بۇقار جۇرتشىلىعى ءتۇرلى فورمالار ارقىلى جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قۇتتىقتادى.


    مادەنيەت جولى الەۋمەتتىك اۋماعى «ىنتىماقتى جىرلاپ، مەملەكەت مەرەكەسىن قارسى الامىز»اتىنداعى كوركەمونەر نومىرلەرىن قويىپ ءان-ءبي، باسەكە قاتارلى جەلىلەس قيمىلدار ارقىلى وتانعا دەگەن ىستىق ىقىلاستارى مەن تىلەگىن ءبىلدىردى.


    قۇرىلىس جولى الەۋمەتتىك اۋماعىنداعى كادر-بۇقارا جۇرتشىلىعى ويىن-ساۋىق نومەرلەرىن قويۋ، ارقان تارتۋ جارىسى، ۋادەناماعا قول قويۋ قاتارلى فورمالار ارقىلى وتانعا دەگەن قۇرمەتتەرىن ءبىلدىردى.


    قۇرىلىس جولى الەۋمەتتىك اۋماعىنىڭ تۇرعىنى ءومىر اسەرلەنە: «وسىنشاما كوپ ادام بىرلىكتە مەرەكە وتكىزىپ وتىرمىز، قازىر مەملەكەتتىڭ بۇقاراعا ءتيىمدى ساياساتى بارعان سايىن كوبەيىپ، بارعان سايىن جاقسارعاندىقتان ءبىزدىڭ تۇرمىسىمىز دا جاقساردى، وتاننىڭ كەلەشەگىنىڭ ءتىپتى دە نۇرلى بولۋىنا تىلەكتەسپىز»،-دەدى.


    ىنتىماق جولى الەۋمەتتىك اۋماعى وتكىزگەن بىرلەسپە قيمىلدا ءار ۇلت حالقى بىرلىكتە مەرەكە شاتتىعىنا شومىپ،شات-شادىمان مەرەكەنى تويلادى.


    حالىق جولى الەۋمەتتىك اۋماعى «ۇلتتار ىنتىماعىنىڭ بەرەكەلى شاڭىراعى» مەملەكەت مەرەكەسىن قۇتتىقتاۋ تاقىرىبىنداعى باس قوسۋ قيمىلىن وتكىزىپ ءار ۇلت كادر-بۇقارا جۇرتشىلىعى ءبىر اراعا باس قوسىپ «مەن جانە مەنىڭ وتانىم» ءانىن بىرلىكتە شىرقاپ، ءبي بيلەپ، تاعام جاساۋ ونەرلەرىن باسەكەلەستىرىپ، اڭگىمە ايتىپ،كورشى-قولاڭدار اراسىنداعى اڭگىمەنى تىلگە تيەك ەتىپ ۇلى وتانعا دەگەن تاماشا تىلەكتەرىن ءبىلدىردى.


    ساۋىر قىزمەت پونكيتى ءار ۇلت كادر-بۇقارا جۇرتشىلىعىنىڭ وتانعا دەگەن سۇيىسپەنشىلىگىن كۇشەيتۋ ءۇشىن الۋان ءتۇرلى بولمە ءىشى قىزىقتى قيمىلدارىن دايىنداپ قاراستى اۋماقتاعى ءار ۇلت جۇرتشىلىعىءبىر اراعا باس قوسىپ مەرەكە قىزىعىنا شومدى، ارەدىگىندە «وتان انا» انىنە كيىم مودىسىنا ءجۇرۋ قاتارلى قيمىلدار ىلەسە ورىندالىپ، كوپشىلىك"قارا جورعا" ءبيىن بىرلىكتە بيلەپ مەرەكەنىڭ سالتاناتىن اسىردى.

 

جەمەنەي اۋدانى توپتەرەك قالاشىق حالىق ۇكىمەتى
جەمەنەي اۋداندىق پارتكوم ۇگىت ءبولىمى