جەمەنەي اۋدانى بەستەرەك اۋىلى كۇزەۋشي قىستاعى جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن جانە رەفورما جاساپ ەسىك اشقان 40 جىلدى قۇتتىقتاۋ بايلانىسىمەن كوركەمونەر نومەرلەرىن قويدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-10-05 11:18:00


    گاۋھار جارقىن قىزى،ساتەش ايتىكەن قىزى حابارلايدى. 10-ايدىڭ 1-كۇنى جەمەنەي اۋدانى بەستەرەك اۋىلى كۇزەۋشي قىستاعى جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن جانە رەفورما جاساپ ەسىك اشقان 40 جىلدى قۇتتىقتاۋ بايلانىسىمەن كوركەمونەر نومەرلەرىن قويدى.وسى قىستاقتىڭ "ەكى كوميتەت"القاسىنداعى مۇشەلەر،جەمەنەي اۋداندىق سۋ ىستەرى مەكەمەسىنىڭ وسى قىستاقتا تۇراتىن قىزمەت اتىرەتى، نەگىزگى ساتىداعى كادىرلارى، اۋداندىق ويىن-ساۋىق ۇيىرمەسىنىڭ شاعىن اتىرەتى جانە قىستاق تۇرعىندارى بۇل رەتكى قيمىلعا قاتىناستى.


    بۇل رەتكى قيمىلدىڭ شىمىلدىعى اجەيلەردىڭ اق شاشۋىمەن اشىلدى. بەيسەن،نۇرقان قاتارلى قىستاقتىڭ قارت ۋاكىلدەرى قۋانىشتى تۇردە :«كۇزەۋشي قىستاعىنىڭ بۇگىنگى دامۋى مەن وزگەرىسى جونىنەن ءسوز قوزعار بولساق ءبىزدىڭ العىسىمىز شەكسىز،بارعان سايىن رەتتى،تازا بولعان تۇرار جايىمىز،تۇرمىس شارت-جاعدايىمىز، بارعان سايىن كەمەلدەنگەن اۋىل-قىستاق قۇرىلىسى مەن الەۋمەتتىك ورتانىڭ بارلىعى پارتكوم مەن ۇكىمەتتىڭ جاقسى ساياساتىنىڭ ارقاسى،ءبىز پارتياعا العىس ايتىپ،پارتيانىڭ سوزىنە قۇلاق اسىپ، پارتياعا ىلەسۋىمىز كەرەك»،-دەدى.


    قيمىلدا قىستاق تۇرعىندارى،قىستاقتا تۇراتىن قىزمەت اتىرەتى مەن نەگىزگى ساتىعا تۇسكەن كادرلار بىرلىكتە توڭكەرىستىك اندەردى ايتىپ،ءبي بيلەدى.قىستاق تۇرعىنى بەدەلقان اۋداندىق سۋ ىستەرى مەكەمەسىنە العىس تۋىن ۇسىنۋ ارقىلى ءوزىنىڭ وسى مەكەمەدەگى «تۋىسى»حۋاڭ دوچىڭنىڭ وزىنە كورسەتكەن كومەگىنە دەگەن العىسىن جەتكىزدى.


    ۇعىسۋعا قاراعاندا بۇل رەتكى كوركەمونەر قيمىلى ارقىلى ءار ۇلت كادرلارى مەن بۇقارا-جۇرتشىلىعى بىرلىكتە ءان ايتىپ،ءبي بيلەپ،مەملەكەتتىك ورتاق قولدانىلاتىن تىلدە قىزىقتى ويىن نومەرلەرىن ويناپ، كىشكەنتاي بالدىرعاندار دا اعاي-اپايلارمەن قيمىلعا قاتىناسىپ مەرەكەنىڭ مەرەيىن اسىرعان ەكەن.

جەمەنەي اۋداندىق سۋ ىستەرى مەكەمەسى
جەمەنەي اۋداندىق پارتكوم ۇگىت ءبولىمى