قىزمەت گرۋپپاسى مىندەتتى ويداعىداي اتقارىپ، اسكەري ورىن مەن جەرلىك ورىننىڭ توعىسپالى دامۋىن ىلگەرلەتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-07 16:40:00


    ساۋان تەلەۆيزياسىنان جانار بولسىن قىزى حابارلايدى. بيڭتۋان 8-شىسى 136-تۋانىنان «ۇعىسۋ، تيىمدىلىك جاساۋ، توعىستىرۋ» قىيمىلى بويىنشا ساۋان اۋدانى ۇلانۇس قالاشىعى ۋانجياساۋزى قىستاعىنا تۇسكەن قىزمەت گرۋپپاسى قىستاققا تۇسكەننەن بەرى، بيڭتۋان مەن جەرلىك ورىننىڭ توعىسپالى دامۋ تانىمىندا تاباندى بولىپ، «ۇعىسۋ، تيىمدىلىك جاساۋ، توعىستىرۋ» قىزمەتىنىڭ 8 ٴتۇرلى مىندەتىن تىعىز توڭىرەكتەپ، قىزمەت وي جەلىسىن بۇقارانىڭ قاجەتىنە قاراي ايقىنداپ، بيڭتۋاننىڭ وزىق تەحنيكالارى مەن تاماشا تاجىريبەلەرىن، ٴونىمدى شارالارىن قىستاق قىزمەتىندە پايدالانىپ، بۇقارالىق قىزمەتتى ويداعىداي ورىستەتىپ، ورنىقتى دامۋدىڭ بۇقارالىق نەگىزىن بەرىك قالادى.
ساۋان اۋدانى ۇلانۇس قالاشىعى ۋانجياساۋزى قىستاعى كوپ ۇلت قونىستانعان، جان سانى كوپ، ەگىستىك جەرى از، اۋىل-شارۋاشىلىق ەگىنشىلىك قۇرلىمى جالاڭ، ەگىنشىلىك تەحنيكاسى ٴبىرشاما مەشەۋ قىستاق. بيڭتۋان اۋىل-شارۋاشىلىق 8-شىسى 136-تۋانىنان ۋانجياساۋزى قىستاعىنا تۇسكەن قىزمەت گرۋپپاسىنداعىلار قىستاققا تۇسكەننەن بەرى، وزىندىك ابزالدىلىقتارىن بەلسەنە ساۋلەلەندىرىپ،كورشىلەس تۋان الاڭدارىنىڭ ەگىس ماشينالارىنا بايلانىس جاساپ، قىستاقتاعى ٴار ۇلت بۇقاراسىنىڭ كوكتەمگى ەگىستىك جانە كۇزگى جىيىن-تەرىن جۇمىسىنا كومەكتەسۋ مەن بىرگە، اۋىل-شارۋاشىلىق ٴوندىرىس تەحنيكتەرىن ۇيىمداستىرىپ، ماقتا ٴوندىرىسىن باپتاپ-باسقارۋدىڭ تۇتاس بارىسىنا جەتەكشىلىك ەتىپ، شارۋالاردىڭ شىنايى القاۋىنا يە بولدى.


    ساۋان اۋدانى ۇلانۇس قالاشىعى ۋانجياساۋزى قىستاعىنىڭ تۇرعىنى ياسىن.ٴىيمىن بىلاي دەدى: بۇرىنعى جىلدارى ماقتانىڭ مۋ باسىنان 200 كيلوگرام اينالاسىندا ٴونىم الاتىنبىز، بيىل قىستاعىمىزداعى قىزمەت گرۋپپاسىنىڭ كومەگىندە، ماقتانىڭ ٴار مۋىنان 350 كيلوگرام اينالاسىندا ٴونىم الدىق، اۋىل-شارۋاشىلىعىنىڭ دامۋى مەن ٴبىزدىڭ تۇرمىسىمىزدا كۇننەن-كۇنگە جاقسارىپ كەلەدى، وتە قۋانىشتامىز.


    ساۋان اۋدانى ۇلانۇس قالاشىعى ۋانجياساۋزى قىستاعىنىڭ تۇرعىنى ياسىن.كەرىم بىلاي دەدى: قىزمەت گرۋپپاسىنداعىلار بىزگە مەملەكەت ٴتىلىن ۇيرەتۋمەن بىرگە، زاڭ جونىندە جانە اۋىل-شارۋاشىلىق تەحنيكاسى جونىندەگى ساۋاتتاردى دا ۇيرەتەدى، قازىر ٴبىز عىلمي جولمەن ەگىن ەگەتىن بولدىق.


    بيڭتۋان اۋىل-شارۋاشىلىق 8-شىسى 136-تۋانىنان ۋانجياساۋزى قىستاعىنا تۇسكەن قىزمەت گرۋپپاسى بۇقارالىق قىزمەتتى ويداعىداي ىستەپ، كۇندەلىكتى وتباسىلارىن ارالاپ، جاعداي ۇعىسۋ بارىسىندا شارۋالاردىڭ جۇزدەن ارتىق پىكىر-ۇسىنىستارى مەن ارمان-تىلەكتەرىن جىيناپ رەتتەپ، قازىرگە دەيىن 90 نەشە ماسەلەنى ٴبىرجايلى ەتتى. ٴتۇرلى ناقتى ىستەردىڭ شىنايى تىياناقتانۋىندا،قىستاقتىڭ بەت-بەينەسىندە دە تىڭ وزگەرىستەر جارىققا شىقتى. قىزمەت گرۋپپاسى جانە دە ٴار اپتانىڭ دۇيسەنبى كۇنىندەگى مەملەكەت تۋىن شىعارۋ سالتى، ەگىنشى-مالشىلار كەشكى مەكتەبى جانە ٴتۇرلى مادەني قىيمىلداردان پايدالانىپ، ٴار ۇلت بۇقاراسىنا بولعان ۇگىت تاربيەنى كۇشەيتىپ، بۇقارانى سەنىمدى بەكەمدەپ پارتياعا ىلەسۋگە، قاجىرلى ەڭبەگىمەن اۋقاتتانۋعا ۇمتىلۋعا جەبەدى.


    ساۋان اۋدانى ۇلانۇس قالاشىعى ۋانجياساۋزى قىستاعىنىڭ تۇرعىنى ياسىن.كەرىم بىلاي دەدى: قىزمەت گرۋپپاسى قىستاق جولدارىن جاساپ، شىراق ورناتىپ بەرىپ، جۇرتشىلىقتىڭ ٴجۇرىس-تۇرىسىنا قولايلىلىق جاسادى، قىزمەت گرۋپپاسىنداعىلارعا ٴدان ريزامىز.


    پارتيانىڭ نەگىزگى ساتى ۇيىمى بۇقاراعا قىزمەت وتەپ، جۇرت تىلەگىن توعىستىرۋ سىندى ماڭىزدى رولدى ۇستىنە الادى. بيڭتۋان اۋىل-شارۋاشىلىق 8-شىسى 136-تۋانىنان ۋانجياساۋزى قىستاعىنا تۇسكەن قىزمەت گرۋپپاسى قىستاق پارتيا ياچەيكاسىنىڭ ۇيىمدىق قۇرىلىسىن مىقتى ۇستاۋدان باستاپ ىسكە كىرىسىپ، قىستاق پارتيا ياچەيكاسى قىزمەتىنە بولعان باسشىلىعى مەن جەتەكشىلىگىن شىنايى كۇشەيتىپ، ٴتۇرلى ٴتۇزىمدى قاتاڭ اتقارىپ، ۇيرەنۋدى كۇشەيتىپ، ۇزدىك جاس پارتيا مۇشەلەرىن جەتىلدىرۋ، جۇلدىز دارەجەلى ورىن قۇرۋ قاتارلى قىزمەتتەردى بەلسەنە ورىستەتىپ، قىستاق پارتيا ۇيىمىن ٴونىمدى تۇردە بەكەمدەپ، تاماشا وبراز تىكتەدى.


    ساۋان اۋدانى ۇلانۇس قالاشىعى ۋانجياساۋزى قىستاق پارتيا ياچەيكاسىنىڭ شۋجيى لۇي ۋيگو بىلاي دەدى: قىزمەت گرۋپپاسىنىڭ جەتەكشىلىگىندە، قىستاق پارتيا ياچەيكامىز ٴۇش جىين،ٴبىر ساباق ٴتۇزىمىن، ٴتورتتى كەڭەسىپ، ەكىنى اشىق ۇستاۋ ٴتۇزىمىن، ەكى ٴتۇرلى بەلەت تاستاۋ ٴتۇزىمىن جۇيەلىلەندىرىپ، ۇيرەنۋدى كۇشەيتۋ ارقىلى پارتيالى كادىرلاردىڭ ساپاسى مەن كاسىپتىك ورەسى كورنەكتى دارەجەدە جوعارلادى. پارتيا مۇشەلەرى قوسىنىدا بەكەمدەلىپ، رولىن تولىق ساۋلەلەندىرىپ، بۇقارانىڭ ماقۇلداۋىنا يە بولدى.


    بيىلدان بەرى، ۇلانۇس قالاشىعى ۋانجياساۋزى قىستاعىنىڭ پارتيا ياچەيكاسى ورتا جاستاعى جانە جاستاردان 22 ۇزدىك ادامدى پارتياعا كىرۋ بەلسەندىلەرى ەتىپ بەلگىلەپ، پارتياعا كىرۋگە ٴوتىنىش بەرگەن 11 بەلسەندىنى قاتاڭ تالاپ قويىپ تاربيەلەپ،بەس جولداستى پارتياعا قابىلداۋ وبيەكتىسى ەتىپ، ٴۇش جولداستى راسمي پارتياعا قابىلداپ، نەگىزگى ساتى پارتيا ۇيىمىنىڭ قامتۋ كولەمىن ىشكەرلەي كەڭەيتتى.


    بيڭتۋان اۋىل-شارۋاشىلىق 8-شىسى 136-تۋانىنان ۋانجياساۋزى قىستاعىنا تۇسكەن قىزمەت گرۋپپاسىنىڭ باستىعى، قىستاق پارتيا ياچەيكاسىنىڭ ٴبىرىنشى شۋجيى شى جيان بىلاي دەدى: كەلەسى قادامدا، بيڭتۋان مەن جەرلىك ورىننىڭ بارىس-كەلىس قارىم-قاتىناسىن ونان ارى تەرەڭدەتىپ، تاماشا وزىق دامۋ تانىمدارى مەن ٴونىمدى شارالاردان ورتاق يگىلىكتەنىپ، اۋەلگى ماقساتتى ۇمىتپاي، بيڭتۋان رۋحىن كۇش سالا ساۋلەلەندىرىپ، ۇلتتار ىنتىماعى جانە بيڭتۋان مەن جەرلىك ورىننىڭ توعىسپالى دامۋىن، پارتيانى جاپپاي قاتاڭ باسقارۋدى ىلگەرلەتىپ، حالىق ٴۇشىن قىزمەت وتەپ، «ۇعىسۋ، تيىمدىلىك جاساۋ، توعىستىرۋ قىزمەتىنىڭ قوعام ورنىقتىلىعىن قورعاۋ، نەگىزگى ساتى ۇيىمىن بەكەمدەۋ، بۇقارالىق قىزمەتتى تىڭعىلىقتى ىستەۋ، حالىققا ءتيىمدى ساياساتتى تياناقتاندىرۋ، اۋقاتتاندىرۋ ارناسىن كەڭەيتۋ،كەدەيلىكتەن قۇتىلدىرۋدان قامال الۋدى ىلگەرلەتۋ، ناقتىلى ىستەر ىستەۋ، پارتيا مۇشەلەرى قوسىن قۇرىلىسىن كۇشەيتۋ» قاتارلى قىزمەتتەرىن جالعاستى ويداعىداي ورىستەتۋگە كۇش سالامىز.