شيحۋ قالاسىنىڭ جەرلىك ەرەكشەلىككە يە ونىمدەرى ىشكى ولكەدەگى ساۋداسى كۇسەت بولدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-07 17:04:00

 

    ءماديار ءناجات ۇلى حابارلايدى. كوز الدا شينجياڭنىڭ جەمىس-جيدەكتەن مول ءونىم الاتىن مەزگىلى تاياپ كەلەدى، كەزەكشى ۇشاقتىڭ جۇك قوياتىن ورنى ساپالى جەمىس-جيدەكتەرمەن تولتىرىلىپ، شىنجىن، گۋاڭدۇڭ قاتارلى ىشكى ولكەنىڭ بازارىنا تاسىمالدانۋدا. سول جەمىس-جيدەكتىڭ ىشىندە ” گان يۇي “ ماركالى شيحۋ قالاسىنىڭ جەرلىك الماسى دا بار.


    بۇل رەتكى شىنجىنعا تاسىمالداناتىن الما، بيىل سەلبەستىك كوپەراتيۆتىڭ 3-توپتاعى شىنجىنعا تاسىمالدايتىن زاتى بولماق، سەلبەستىك كوپەراتيۆى وزدەرى وندىرگەن گان يۇي ماركالى ورگانيكالىق المانىڭ، رەڭى كوز تارتار، ءدامى ءتىل ۇيرەر، قانت قۇرامى جوعارى بولۋى سەبەپتى، شينجياڭنىڭ ءىشى-سىرتىنداعى قاريدارلاردىڭ قارسى الۋىنا بولەندى. شىنجىندىق ساۋداگەر ءبىر كيلوگرامى 15يۋاندىق باعامەن، جيىنى 2توننا گان يۇي ماركالى الماعا تاپسىرىس بەردى.


    شيحۋ قالاسى گانحىزى قالاشىعى داشۋجۋاڭزى قىستاعى گان يۇي جەمىس-جيدەك شارۋالار سەلبەستىك كوپەراتيۆىنىڭ القا باستىعى شى لياڭ :” بۇل ءبىزدىڭ گان يۇي سەلبەستىك كوپەراتيۆىمىزدىڭ گان يۇي ماركالى المانى 3-رەت شىنجىنعا جىبەرۋىمىز، الدىڭعى 2 رەتتە جيىنى 5توننا جىبەردىك، بۇل رەتتە 2 توننا جىبەردىك.“-دەدى.


    ساۋداگەردىڭ تاپسىرىس مولشەرى زور بولۋى سەبەپتى، وسى ەكى كۇندە، سەلبەسىتك كوپەراتيۆىنىڭ مۇشەسى فىڭ بين كوپشىلىكپەن بىرلىكتە جەمىس باقشاسى ىشندە الما تەرىپ، سارالاپ، قوراپتاۋمەن ابىگەر بولدى. ءبىراق بيىلعى مول ءونىم العان المانى كورگەندە، كوڭىلى كوتەرىلىپ قالدى.


    شيحۋ قالاسى گانحىزى قالاشىعى داشۋجۋاڭزى قىستاعى گان يۇي جەمىس-جيدەك شارۋالار سەلبەستىك كوپەراتيۆىنىڭ مۇشەسى فىڭ بين :” ساۋداگەردىڭ تالابى بويىنشا، ءونىمنىڭ ساپاسىنا كەپىلدىك ەتىپ، تۇستە قوراپتاپ بولعاننان كەيىن، اۋەجايعا تاسيمىز دەدى.“-دەدى.


    شيحۋ قالاسى گانحىزى قالاشىعى داشۋجۋاڭزى قىستاعى گان يۇي جەمىس-جيدەك شارۋالار سەلبەستىك كوپەراتيۆىنىڭ القا باستىعى شى لياڭ :” بۇل المانى تۇستەن كەيىن ۇرىمجى اۋەجايىنا تاسىپ اپارامىز، ەرتەڭ تۇستەن كەيىنگى ساعات 2 نىڭ ايروپلانىمەن شىنجىنعا تاسىمالدانادى.“-دەدى.


    شيحۋ قالاسى گانحىزى قالاشىعى گان يۇي جەمىس-جيدەك شارۋالار سەلبەستىك كوپەراتيۆى 2013-جىلى قۇرىلىپ، نەگىزىنەن جەمىس-جيدەك وندىرەدى. جەمىس اعاشىن وتىرعىزۋ اۋماعى باستاپقى 15 مۋ جەردەن قازىرگى 2000مۋ جەرگە كەڭەيدى. جۋىق جىلداردان بەرى، سەلبەستىك كوپەراتيۆ شيحۋ قالاسىنىڭ ەرەكشەلىككە يە ورمان جەمىس-جيدەك كاسىبىن جالپىلاستىرۋ جانە دامىتۋ ورايىنان پايدالانىپ، جەرلىك ورمان جەمىس-جيدەك كاسىبىنىڭ مامانى شى باۋيۇيدى ۇسىنىس ەتىپ، ءوسىرۋ، بۋدانداستىرۋ قاتارلى ءادىس قولدانۋ ارقىلى، گان يۇي 1-، 2-، 3-ءنومىرلى ورگانيكالىق المانى ءوندىرىپ شىقتى. جەرلىك ەرەكشەلىككە يە جەمىس-جيدەكتى ءوندىرىپ شىعۋمەن قاتار، 30 دان استام قىستاق وتباسى تۇرعىنىن جەمىس-جيدەك كاسىبى ارقىلى كىرىسىن ارتتىرىپ بايۋ جولىنا باستادى.


    شيحۋ قالاسى گانحىزى قالاشىعى داشۋجۋاڭزى قىستاعى گان يۇي جەمىس-جيدەك شارۋالار سەلبەستىك كوپەراتيۆىنىڭ القا باستىعى شى لياڭ :” بيىل سەلبەستىك كوپەراتيۆمىزدىڭ مۋ باسىندىق كىرىسى 10مىڭ يۋانعا جەتتى، سوندىقتان كوپەراتيۆمىزدىڭ سەنىمى تولىق، كوپەراتيۆمىز 2019-جىلى گان يۇي ماركالى جەلىلەس جەمىس-جيدەك ءتۇرىن جالعاستى ءوندىرىپ، ءونىم ساپاسىن جوعارلاتىپ، جەر كولەمىن كەڭەيتۋدى جوسپارلادىق. گان يۇي جەمىس-جيدەك ماركاسىن ۇزدىكسىز ۇلعايتامىز.“-دەدى.



شيحۋ قالالىق مادەنيەت دەنە تاربيە راديو كينو تەلەۆيزيا مەكەمەسى