قالاۋلى دا قايىرىمدى ازامات – ەركىنبەك
كەلۋقاينارى: |جاۋاپتى رەداكتور: | جاڭالانعان ۋاقىت:2018-12-04 17:30:00

 
ەرباقىت قابدەش ۇلى حابارلايدى.
جەمەنەي اۋدانى قاتىناس ساقشى ۇلكەن اترەتىنىڭ قىزمەتكەرى - ەركىنبەك قايرات ۇلىنىڭ جوق - جىتىككە جان اشىر بولا بىلگەن، ەلەۋلى ەڭبەگى بۇل كۇندەرى جەمەنەي بەتىندە اۋىزدان – اۋىزعا تارالۋدا. مىنە وسىنىڭ ايعاعىنداي، 11- ايدىڭ 15 – كۇنى ول جەمەنەي اۋدانى بەستەرەك اۋىلىنا قاراستى وشارباي قىستاعىنىڭ تۇرعىنى- نۇركاميلا عالىم قىزىنىڭ وتباسىنان ارنايى حال سۇراپ بارىپ، ءوز جانىنان اقشا شىعارىپ، ءۇن، كۇرىش، ءوسىمدىك مايى سونىمەن قاتار ءبىر باس ساتىپ العان ارنايى قوي ەتىن اپارىپ بەرىپ، نۇركاميلا اپايدىڭ ىستىق ىقلاستى اق باتاسىمەن العىسقا تولى اسىل ءسوزىن الىپ قايتتى.


اتاپ ايتقاندا، نۇركاميلا اپاي جارىم جان بولىپ، ۇزاق جىلداردان بەرى توسەك تارتىپ، اۋىرۋدىڭ ازابىن ءبىر كىسدەي تارتىپ كەلە جاتقان جان «جىعلعانعا جۇدىرىق» دەگەندەي، ونىڭ بالاسى ارداق ماقاي قىزى دا ناۋقاس سەبەبىنەن وتباسىندا اۋىرۋ- سىرقاۋدان جان ازابىن تارتىپ كەلە جاتقان دەنساۋلىق جاعدايى ناشار جان.


وسى رەتكى ەركىنبەكتىڭ وشارباي قىستاعىنا كەلەتىندىگىنەن حابار تاپقان بەستەرەك اۋىلىنىڭ ورىنباسار اۋىل باستىعى جاينا قيلىم قىزى سونداي - اق اۋىلدىق ەمحاناسىنىڭ باستىعى نۇرساۋلە قاجىمۇقان قىزى ەركىنبەك پەن سەرىكتەس بولىپ، بىرگە بارىپ ول وتباسىنىڭ جالپى جاعدايىن وعان ءبىر – بىرلەپ تانىستىردى ءارى ونىڭ جاناشىرلىق پەن كومەك قولىن سوزىپ، كومەكتەسكەن ءىزگى نيەتتى ادامگەرشىلىك رۋحىنا شەكسىز العىس ايتتى.


حالقىمىزدا «تاما – تاما كول بولار» دەگەن ءتامسىل بار. ەگەر بۇگىنگى جاراسىمدى قوعامدا جاناشىر جاندار مەن ءىزگى نيەتتى ادامدار اتتانىسقا كەلىپ، قول ءۇشىن بەرەر بولسا، نۇركاميلا اپايىمىزدىڭ اۋىرتپالىقتان ارىلىپ، ارداق قارىنداسىمىزدىڭ اۋىرۋ ازابىنان جەڭىلدەپ، ادەتتەگى ادامدارداي كۇن كەشىرمەسىنە كىم كەپىل؟! ءيلايىم، ادامگەرشىلىكتى ءوز بويىنا تۇمار ەتىپ تاققان، ىزگى نيەتتى ەركىنبەك باۋىرىمىزداي جاناشىر جانداردىڭ قاتارى ماڭگى كوبەيە بەرگەي!