كۇنەس اۋدانىنىڭ شالعايداعى قىستاۋلىعىنا قۇبىر سۋى جەتكىزىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-01-29 06:35:00

بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)


تاياۋدا، قۇبىردان اققان تاپ-تازا ءمولدىر سۋ كۇنەس اۋدانى زەكتى قالاشىعى اشىلى قىستاعى مال شارۋاشىلىق اترەتىنىڭ قىستاۋلىعىنداعى گۇلزيرا ابدىحاني قىزىنىڭ وتباسىنا جەتكىزىلدى. اشىلى قىستاعى مال شارۋاشىلىق اترەتىنىڭ قىستاۋلىعىنا 30 نەشە مالشى وتباسى قونىستانعان. ۇزاقتان بەرى، تاۋدىڭ قاپتالىنا قونىستانعان مالشىلار جىلقى نەمەسە موتوسيكلمەن سۋ تاسىپ ىشەتىن. ءار جىلى 10-ايدىڭ ورتا شەنىندە، گۇلزيرا جايلاۋدان قىستاۋعا كوشىپ كەلەتىن. ونىڭ كۇيەۋى موتوسيكىلگە ەكى تۇڭ ارتىپ، تاۋدىڭ ەتەگىندەگى مال شارۋاشىلىعى اترەتىنە كەلىپ قۇبىر سۋىن تاسىپ سارپالداڭعا تۇسەتىن. الدا-جالدا ۇيگە قوناق كەلىپ تاماق جاساعاندا، ىدىس اياق جۋعاندا سۋ جەتىسپەي قالاتىن. سونىمەن اۋىز سۋ وسى وڭىردەگى مالشىلاردىڭ باس سىرقاتىنا اينالادى.


بىلتىر، اشىلى قىستاعى قىستاق جاعىنان مىندەتتەمەلى باسقارىلاتىن قىستاق ەتىپ بەلگىلىنەدى. 6 -ايدا، كۇنەس اۋداندىق حالىق سوت مەكەمەسىنىڭ اشىلى قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىندەگى كادرلار مالشىلاردى وتىرىقتاندىرۋ تۇيىنىنە كەلىپ، وتباسىن ارالاپ احۋال ۇعىسادى. سوندا مالشىلاردىڭ اۋىزعا ەڭ كوپ العانى اۋىز سۋ ماسەلەسى ەدى. اشىلى قىستاعىنىڭ 1- شۋجيى، قىزمەت اترەتىنىڭ باستىعى ۋفىڭجۋ مەن اترەت مۇشەلەرى وسى ارادان ارالىعى نەبارى 2 كيلومەتىر جەردەگى تاۋدا ءبىر باستاۋ كوزى بار ەكەندىگىن، بۇلاق سۋى وسى اراعا اعىپ كەلەتىنىن ۇعىسادى. بۇرىن سيىر مەن قوي سۋدىڭ باسىنان وتەتىندىكتەن، تومەنگى اعارىندا سۋ لايلانىپ ادامار امالسىزدان ىشە المايتىن. سۋدى تاۋدان باستاپ ەتەككە تارتىپ اكەلۋگە بولاما ەكەن؟ بۇل وي ۋ فىڭجۋدىڭ كوڭىلىنە ورالا كەتەدى. ول اترەت مۇشەلەرى جانە مالشىلارمەن بىرگە تەڭىز دەڭگەيىنەن مىڭ مەتىردەن اساتىن تاۋعا شىعىپ تەكسەرىپ زەرتتەيدى.


مالشىلاردىڭ ايتۋىنشا، وسى باستاۋدىڭ كوزى ەكى اشا تاۋىنىڭ ءبىر سايىنا جايعاسقان ەكەن، بۇلاق سۋىنىڭ مولشەرى كوپ، سۋ تۇنىق ساپاسى جاقسى، ارىق قازىپ سۋدى ەتەككە تۇسىرۋگە بولادى ەكەن. وسىنداي قورتىندى بولعاندىقتان، قىزمەت اترەتى حالىق ءۇشىن ناقتىلى ءىس ىستەۋ قاراجاتىنان 20 مىڭ يۋان قارجى بوساتىپ، قازۋ، كۇرەۋ ماشيناسىن شاقىرىپ، سۋ ناسوسىن ساتىپ الىپ، مالشىلار ءۇشىن قۇبىر سۋ قۇبىرىن قازىپ تۇتاستىردى. بۇل ىستەن حابار تاپقاننان كەيىن مالشىلار وزدىكتەرىنەن ءوندىرىس قۇرالدارىن الا كەلىپ، اترەت مۇشەلەرىنە كومەكتەستى. قاراماققا، قۇرىلىس 2 كيلومەتر ۇزىندىقتا بولعانىمەن، الايدا، شاعىل تاس كوپ بولىپ، قۇرىلىستىڭ اياق الىسى باياۋ ءجۇرىلدى، جايلاۋدا وتىرعان كوپتەگەن مالشى ۋاقىت شىعارىپ كومەكتەستى. كوپشىلىكتىڭ ورتاق كۇش سالۋى ارقىلى ءبىر قۇبىر سۋ ناسوسى مالشىلاردى وتىرىقتانۋ تۇيىنىنە جاتقىزىلىپ، ءۇي سايىن تۇتاستىرىلدى.


ۋ فىڭجۋ: بۇدان بىلايعى باسقارۋعا قولايلى بولۋ ءۇشىن،قىزمەت اترەتى ءاربىر مالشى وتباسىنا سۋ ساعات ورناتىپ، بازار باعاسىنان تومەن ولشەم بويىنشا، سۋ اقىسىن الىپ، جيناعان وسى اقىنى نەگىزىنەن كەيىنگى كەزدەگى بۇزىلعان قۇبىردى جوندەۋگە جۇمسايمىز،-دەدى.


تاپ-تازا ءمولدىر قۇبىر سۋىن ىشكەننەن كەيىن، مالشىلار قاباعات قۋاندى. گۇلزيرا: قىزمەت اترەتى جان- جاقتىلى ويلايدى ەكەن. وسى قىستاقتاعى مالشىلاردىڭ اۋىز سۋ قيىنشىلىعىن شەشىپ قالماستان،مالشىلاردى وتىرىقتاندىرۋ ءتۇيىنىنىڭ تومەنگى جاعىنداعى 5-6 مالشى وتباسى دا قۇبىر سۋىن تۇتىناتىن بولدى، حالىق قامىن جەيتىن وسىنداي قىزمەت اترەتىنە كوپشىلىك شىنايى ماقتاۋ ايتادى،-دەدى.