ساۋدا ورىندارىندا توراپ حاۋىپسىزدىگى ۇگىت قيمىلىن ورستەتتى
كەلۋقاينارى:جەمەنەي اۋداندىق قوعام حاۋىپسىزدىك مەكەمەسى |جاۋاپتى رەداكتور: | جاڭالانعان ۋاقىت:2019-01-30 13:51:00


كامىزات وڭال قىزى حابارلايدى. عالامتوردىڭ ۇشقان قۇستاي دامۋىنا ساي، توراپ حاۋىپسىزدىگى ماسەلەلەرى كۇن سايىن كوبەيۋدە، جۋىردا، جەمەنەي اۋداندىق قوعام حاۋپسىزدىگى مەكەمەسى توراپ باسقارۋ ۇلكەن اترەتى، ساۋدا بازارىنداعى ساۋداگەرلەرمەن الارمانداردىڭ توراپ حاۋىپسىزدىك تانىمىن جوعارىلاتۋ ءۇشىن، جەمەنەي اۋداندىق جيبايحۇي حالقارالىق ساۋدا بازارى، شەكارا ساۋدا ساتتىق ساۋدا رايونى قاتارلى ماڭىزدى ساۋدا رايوندارىنا بارىپ توراپ حاۋىپسىزدىگى ۇگىت قيمىلىن ورستەتتى.


قيمىل بارسىندا، توراپ باسقارۋ ۇلكەن اترەتىنىڭ حالىق ساقشىلارى جيبايحۇي حالقارالىق ساۋدا بازارى، شەكارا ساۋدا ساتتىق ساۋدا رايونى ىشىندەگى دۇكەندەرگە جاعالاي كىرىپ ۇگىت ماتەريالدارىن تارقاتىپ، توراپ الدامشىلارىنان قالاي ساقتانۋ تاسىلىن ۇيرەتتى جانە توراپتا زات ساتىپ الۋدا ۇنەمى كەزدەسەتىن الدامشىلدىق تاسىلدەرىمەن ۇنحاتتا اقشا تولەۋدە ۇنەمى كەزدەسەتىن الدامشىلىق ارەكەتتەرگە قاراتا تۇسىندىرمە جاسادى، سونىمەن بىرگە توراپتا سەنىمدى قارىز اقشا تارقاتۋ سەكىلدى جارنامالارعا سەنبەۋدى دارپىتەپ، اسپاننان تەگىن ولجا وڭاي تۇسپەيتىنىن ەسكەرتتى.


وسى رەتكى توراپ حاۋىپسىزدىگى ۇگىت قيمىلى، ساۋداگەرلەرمەن الارمانداردىڭ توراپ حاۋىپسىزدىك تانىمىن جوعارىلاتىپ، ساۋداگەرلەرمەن الارمانداردىڭ توراپتاعى زاڭعا قايشى قىلمىستان ساقتانۋ تانىمى مەن قابىلەتىن جوعارلاتتى.


ۇعىسۋعا قاراعاندا، توراپ باسقارۋ ۇلكەن اترەتى توراپ حاۋىپسىزدىگى ۇگىت قيمىلىن ۇزدىكسىز قانات جايدىرىپ، بۇقارانىڭ ينتەرنەت حاۋىپسىزدىگى تانىمىن ۇزدىكسىز جوعارلاتىپ، حالىقپەن بىرلىكتە تاماشا توراپ حاۋىپسىزدىگى ورتا قالىپتاستىرۋعا جالعاستى تۇردە كۇش سالماقشى.