قارا قوعام سيپاتىنداعى سۇرقيا كۇشتەردى الاستاۋ ارناۋلى كۇرەس قىزمەتىن ۇگىتتەۋ قيمىلىن ورىستەتتى
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-27 10:08:00

بۇلبۇل احىمەت قىزى حابارلايدى. «قارا قوعام سيپاتىنداعى سۇرقيا كۇشتەردى الاستاۋ » ارناۋلى كۇرەس قىزمەتىن ىشكەرىلەي ۇگىتتەپ، جولاۋشى-جۇك تاسىمال كاسىپورىندارىنىڭ جاۋاپتىلارى مەن شوفەرلەردىڭ«قارا قوعام سيپاتىنداعى سۇرقيا كۇشتەردى الاستاۋ» ارناۋلى كۇرەس قىزمەتىنە بولعان بىلىمدىلىك پەن ات سالىسۋ مولشەرىن جوعارىلاتىپ، دەلو دەرەكتەرىن مالىمدەۋ ارناسى مەن كولەمىن كەڭەيتۋدە ماقسات ەتكەن قابا اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى ساقشى كۇشىن ۇيىمداستىرىپ، قاراستىلعىنداعى جولاۋشى جۇك تاسىمال كاسىپورىندارىنا بارىپ«قارا قوعام سيپاتىنداعى سۇرقيا كۇشتەردى الاستاۋ»ۇگىت قيمىلىن ورىستەتتى.


قيمىلدا، جۇڭگو عۇمىر قامسىزداندىرۋ قابا تارماق سەرىكتىگىنىڭ جيىن زالىندا قاتىناس ساقشى ۇلكەن اترەتىنىڭ باستىعى جين ءۇي قاراستىلعىنداعى، جولاۋشى-جۇك تاسىمال سەرىكتىگىنىڭ جاۋاپتىسى قاتارلى باسشىلار، شوفەرلەرگە قوعام حاۋىپسىزدىگى ورگانىنىڭ سۇرقيا كۇشتەردى الاستاۋ ارناۋلى كۇرەسىنىڭ ماڭىزدىلىعىن، قاجەتتىلىگىن زور كۇشپەن ۇگىتتەدى. سونىمەن بىرگە شوفەر جولداستارعا« قارا قوعام سيپاتىنداعى سۇرقيا كۇشتەردى الاستاۋ» ارناۋلى كۇرەس ۇگىت كارتوچكاسىنداعى مازمۇنداردى ەگجەي – تەگجەيلى تۇسىندىردى، سونداي-اق كوپشىلىككە جول قاتىناس تاسىمالى بارىسىندا قاراقشىلىق ، جول زورەكەرلىگى سيپاتىن العان، قورعاۋ قاراجاتىن زاڭسىز الۋ سياقتى قارا كۇشتەردى بەلسەنە اشكەرەلەپ،جول زورەكەرلەرى، جاۋىز كۇشتەر ، قورعانىس شاتىرلارى سياقتى سۇرقيا كۇشتەردىڭ زاڭعا قايشى قىلمىس دەرەگىن جەرىنە جەتە الاستاۋ كەرەكتىگىن تۇسندىردى.


وسى رەتكى ۇگىت قيمىلىندا، قابا اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى، 20 ادامنان استام ساقشى كۇشىن اتتانىسقا كەلتىرىپ، 5 دەن ارتىق ساقشى اۆتوكولىگىن شىعارىپ، 600 دەن استام ۇگىت كارتوچكاسىن تاراتىپ« قارا قوعام سيپاتىنداعى سۇرقيا كۇشتەردى الاستاۋ » ارناۋلى كۇرەس قىزمەتىنىڭ بىلىمدىلىك مولشەرىن ءونىمدى جوعارىلاتىپ، اشكەرەلەۋ ارناسىن ىركىلىسسىزدەندىرىپ، جالپى حالىق ات سالىساتىن تاماشا اۋقىم قالىپتاستىردى.


قىزمەت ورنى: قابا اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى