ءتۇن قاراڭعىسىندا ارالشىقتا قامالىپ قالعان بالالاردى قۇتقارعان قايسار ساقشىلار
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2019-05-27 10:29:00

ايجان، لي زۇنزۇن حابارلايدى. 5-ايدىڭ 22-كۇنى، كۇنىڭ جىلۋىنا ىلەسە قار سۋى ەري باستادى، شينجياڭ التاي ايماعى شىڭگىل اۋدانىندا تۇستەن كەيىن وقۋدان تاراعاننان كەيىن ەكى باستاۋشى وقۋشىسى كىشى شىڭگىل توسپاسىنا بارىپ ويناپ، بىراق سۋ دەڭگەيى تەز كوتەرىلىپ كەتكەندىكتەن ولار جاعاعا شىعا الماي قالادى. وزەن ورتاسىنداعى ارالشىقتا قامالىپ قالعان، سول كۇنى كەشكى ساعات 20:58 دە، قالاشىق ساقشى بولىمشە اترەتى دەلو مالىمدەۋدى قابىلداپ جاقىن ماڭداعى ساقشى فونكيتىندەگى ساقشىلار جىلدام مايدانعا بارىپ شۇعىل قۇتقارۋ بولىمشەلەرىمەن بىرلەسىپ قۇتقارۋ جۇمىستارىن باستادى، ساقشى بولىمشەسىنىڭ باسشىلار گرۋپپاسى ءبىرىنشى ۋاقىتتا مايدانعا كەلىپ قۇتقارۋ جۇمىسىنا قولباسشىلىق ەتتى.


اعىن كۇشتى وزەن سۋىنا ، قارسۋى قوسىلىپ، سۋ تەمپراتۋراسى ءتىپتى تومەندەپ كەتكەن-دى. كۇن ەڭگەيىپ، كەش قارايعاندىقتان، قۇتقارۋشىلار سۋعا ءتۇسىپ، ارالشىققا مالتاپ بارۋعا امالسىز ەدى. مايدانداعى قۇتقارۋ جۇمىسىنا قاتىسىپ جاتقان قوسىمشا حالىق ساقشىلارى مايداننىڭ جاعدايىنا نەگىزدەلىپ، شۇعىل قۇتقارۋ اتىرەتىمەن بىرگە وزەننىڭ ەكى جاعىنان ەكى ارقان تارتىپ، ساقشى بولىمشە مەن فونكيتتاعى ساقشىلار شار قايىق دايارلاپ جەل قۇيىپ قورعانىس قىزمەتىنە دايارلىق قىلىپ، ارقان تارتىلىپ بولعاننان كەيىن جەدەل جاردەم قۇتقارۋشىلارىنىڭ ءبىرى ارقاننان زىرعىپ ارالعا بارىپ، ءوز دەنەسىندەگى ارقاندى شەشىپ بالانىڭ دەنەسىنە بايلاپ، ارقاندى تارتۋ ارقىلى بالالاردى جاعاعا جەتكىزدى، قارا سۋىق بالالاردىڭ ءوڭىن بوزارتىپ جىبەرىپتى، جاعاعا جەتكەنشە تىستەرى ساقىلداپ، قالتىراپ كەلدى.

 

جاعاعا جەتكەننەن كەيىن كومەكشى ساقشىلار دايارلاپ تۇرعان قالىڭ كيمدەردى بالالارعا كيگىزدى. وسىلايشا كوپشىلىك جۇمىلا ىسكە كىرىسۋىندە، ءۇش ساعاتتا بالالاردى امان-ەسەن قۇتقارىپ الدى، بالالاردىڭ اتا انالارى بالالارى جاعاعا شىققاننان كەيىن بالاسىن قۇشاقتاپ مايدانداعى قۇتقارۋعا قاتىسقان ادامدارعا كوزىنە جاس الا العىستارىن  ايتتى.

(حاباردىڭ اۋەلگى نۇسقاسىن جازعان: التاي ايماعى شىڭگىل اۋدانى حاۋىپسىزدىك مەكەمەسى لي زۇنزۇن)