كەدەيلىكتەن ارىلتىپ، اۋقاتتاندىرۋ جولىندا بىردە -بىرەۋىن قاتاردان قالدىرمادى
كەلۋقاينارى:تارباعاتاي گازەتى |جاۋاپتى رەداكتور:داۋىل | جاڭالانعان ۋاقىت:2019-07-08 15:23:00

ۋاڭ گاۋشىڭ، جۇماجان حابارلايدى. 2020-جىلعا بارعاندا كەدەيلىكتەن ارىلتۋدى جاپپاي جۇزەگە اسىرۋدىڭ شايقاس دابىلى قاعىلدى. 2018-جىلى ءدوربىلجىن اۋدانىنىڭ فىڭجياڭ اۋىل شارۋاشىلىق كاسىپتىك سەلبەستىك كووپەراتيۆى قۇرىلىپ، سول جىلى شاڭحۋ قالاشىعىنىڭ كوربۇلاق 2-قىستاعىنداعى ارحيۆ تۇرعىزىلىپ، كارتچكا بەرىلگەن 64 كەدەي وتباسىن، جەردى جارناعا قوسۋ ۇلگىسىندە كووپەراتيۆكە قابىلداپ، «قوس جاقتان كىرىستى ارتتىرۋ» ى كورنەكتى بولدى.


كوربۇلاق ەكىنشى قىستاعى _ اۋىل شارۋاشىلىق قىستاق، قىستاقتاعى 143 وتباسىنىڭ ىشىندە ارحيۆ تۇرعىزىلىپ، كارتچكا بەرىلگەن 64 كەدەي وتباسى بار، كىسى باسىنا تۋرا كەلەتىن ەگىستىك جەر 21 مۋ.


2005-جىلدان 2017-جىلعا دەيىن وسى قىستاقتاعى تۇرعىنداردىڭ فينانس قۇرىلىمدارىنا قايتارا الماعان قارىز اقشاسى 2 ميلليون 300 مىڭ يۋانعا جەتىپ، ءار مۋ جەردەگى تۋرا كەلەتىن قارىز 4350 يۋان بولىپ، ەككەن سايىن كەدەيلەسىپ، ەگىن سالۋعا اقشا تابا الماعان حالگە تۇسكەن.


قىستاق تۇرعىنى تاڭداگۇل باقاي بيىل 40 جاستا، وتباسىندا 5 جان بار. وتباسىنا تاۋەلدى 93 مۋ جەرگە ەگىن سالۋ ءۇشىن، ءار جىلى كەمىندە 70 مىڭ يۋان قارىز الاتىن. ءونىم جاقسى بولعان جىلدارى قارىزىن تولەۋدىڭ سىرتىندا 20 مىڭ يۋان كىرىس تاپسا، تاياۋداعى بىرنەشە جىلدا زيان تارتىپ كەلىپتى.


2018-جىلى تاڭداگۇل 93 مۋ ەگىستىك جەرىنىڭ ءار مۋىن 300 يۋاندىق باعامەن تۇگەلدەي جارناعا قوسىپ، 27 مىڭ 900 يۋان كىرىس كىرگىزۋدىڭ سىرتىندا، مۋ باسىنان 50 يۋاننان پايدا ۇلەسىن الىپ، ەگىستىك جەردىڭ جالپى كىرىسى 32 مىڭ 500 يۋانعا جەتەدى.


تاڭداگۇل: «جەردەن تۇراقتى كىرىس بار، كوڭىلىم ورنىقتى. كۇيەۋىمنىڭ دە قولى بوساپ, 45 تۇياق قوي باعىپ، ءبىر جىلدا 10 مىڭ يۋاننىڭ ۇستىندە كىرىس كىرگىزىپ، تۇرمىسىمىز كۇننەن-كۇنگە جاقسارا ءتۇستى» دەدى.


اۋداندىق جاراتىلىستىق بايلىق زاڭ اتقارۋ، تەكسەرۋ-باقىلاۋ اترەتىنىڭ قىستاقتا تۇراتىن قىزمەت اترەتىنىڭ باستىعى جىڭ ميڭجى: «قىستاقتاعى از ۇلت تۇرعىندارىنىڭ ەگىن سالۋ تاجىريبەسى كەمشىل، جەردى كووپەراتيۆكە وتكەرمەلەۋدەن تۇراقتى ونىمدىلىككە قول جەتكىزىپ، ازات بولعان ەڭبەككۇشتەر باسقا جۇمىس تاۋىپ كىرىسىن ارتتىرىپ، سەلبەستىك كووپەراتيۆ پەن تۇرعىنداردىڭ ‹يگىلىككە تەڭ كەنەلۋ› ىن جۇزەگە اسىردى.


بيىل وسى سەلبەستىك كووپەراتيۆ وبالى 2-قىستاعىنداعى ارحيۆ تۇرعىزىلىپ، كارتچكا بەرىلگەن 90 كەدەي وتباسىن ۇقساس تاسىلمەن كووپەراتيۆكە قابىلداپ، «قوس جاقتان كىرىستى ارتتىرۋ» ۇلگىسى قالىپتاسىپ، كەدەيلىكتەن ارىلتۋدان قامال الۋدىڭ جەتىستىگى ويلاعانداي ايگىلەنە باستادى.


وبالى 2-قىستاعىنىڭ تۇرعىنى ءداۋىتقان 38 جاستا، كورشىلەس قىستاق تۇرعىندارىنىڭ وتكەن جىلى جەرىن كووپەراتيۆكە تاپسىرىپ بەرىپ پايداعا كەنەلگەنىن كورگەننەن كەيىن، بيىل ءوزىنىڭ 20 مۋ ەگىستىك جەرىن تۇگەلىمەن سەلبەستىك كووپەراتۆىنە جارناعا قوسادى.


سونىمەن قاتار، ءداۋىتقان سەلبەستىك كووپەراتيۆىندە كوتەرمە جۇمىس ىستەپ، سۋلياۋ جارعاق جابۋ، ەگىستىك جەر سۋارۋ، ەگىس ءدارىسىن شاشۋ قاتارلى جۇمىستاردى ىستەپ، ايىنا 4500 يۋان ەڭبەكاقى الىپ، بەس اي ىستەۋىنە بولادى ەكەن.


ەگىس جۇمىسى ارەدىگىندە ءداۋىتقان ءوزىنىڭ شاعىن جۇك اۆتوموبيلىمەن قوي تەرىسى ساۋداسىن ىستەپ، بىرنەشە ايدا 10 مىڭ يۋانعا جۋىق اقشا تاپقان، ونىڭ جىلدىق تازا كىرىسى 30 مىڭ يۋانعا جەتىپ، ءبىر وتباسىنداعى 4 جاننىڭ تۇرمىسى جاقسارا ءتۇستى.


قىستاق پارتيا ياچەيكاسىنىڭ شۋجيى سۇڭ شينچىڭ: «بۇل ۇلگى وتە جاقسى بولدى، بۇقارا كەدەيلىكتەن ارىلىپ، اۋقاتتانسا بولعانى، ءبىز بارىنشا قولدايمىز» دەدى.


ۇعىسۋعا قاراعاندا، فىڭجياڭ اۋىل شارۋاشىلىق كاسىپتىك سەلبەستىك كووپەراتيۆى شينجياڭ فۋفىڭ اميىن قىشقىلى شەكتى سەرىكتەستىگىمەن، جۇڭگو چۋلۇي تارباعاتاي بولىمشە سەرىكتەستىگىمەن، شينجياڭ جاڭا استىق توبى، شينجياڭ تيانشان استىق شەكتى سەرىكتەستىگىمەن ۇزاق جىلدار بويى سەلبەستىك ورناتىپ، جۇگەرى، ءبيداي سياقتىلاردى تاپسىرىس بويىنشا ەگىپ، قىستاق تۇرعىندارىن ورنىقتى كىرىسكە يە ەتتى» دەدى.


سەلبەستىك كووپەراتيۆتىڭ جاۋاپتىسى سۇڭ حۇڭۋي: «12 جىلدىق قۇلشىنىس ارقىلى تۇرمىسىم جاقسارا ءتۇستى، الايدا پارتيا مۇشەسى رەتىندە بار كۇشىمدى سالىپ، كەدەيلىكتەن ارىلتىپ، اۋقاتتاندىرۋ جولىندا كورشىلەس قىستاق-دۇيلەردەگى تۋىسقانداردىڭ بىردە-بىرەۋىنىڭ قاتاردان قالماۋىنا كەپىلدىك ەتەمىن» دەدى.

جولداعان: جۇماجان بەگزاتقان ۇلى