كەشىگىپ وتكىزىلگەن مەرەكەلىك «قوناعاسى»
كەلۋقاينارى:تارباعاتاي گازەتى |جاۋاپتى رەداكتور: | جاڭالانعان ۋاقىت:2019-07-08 15:26:00

 ليۋپىڭ، احات سانياز ۇلى حابارلايدى. 5-ايدىڭ 13-كۇنى ءدوربىلجىن اۋدانى ەمىل مال فەرماسى ەمىل قىستاعىنداعى سۇيەنىشسىز قارت ناعيما ماقسۇت اجەي ءۇشىن ۇمتىلماس باقىتتى كۇن بولدى.


سول كۇنى ناعيما ماقسۇتتى شينمۋ مال-قۇس باعىمشىلىعى كاسىپتىك سەلبەستىك كووپەراتيۆىنىڭ القا باستىعى شۇي جۇڭۋي كووپەراتيۆتىڭ «ۇلتتىق سالت-سانا قىستاعىنا» 80 جاسقا كەلگەن تۋىلعان كۇنىن وتكىزۋگە ءارى قىستاقتاعى 20 دان ارتىق قارتتىڭ «انالار مەرەكەسىن» تولىقتاپ وتكىزىپ بەرۋگە ۇسىنىس ەتىپ، باقىتتى ساتتەن بىرلىكتە ءلاززات الدى.


شۇي جۇڭۋي: « ‹انالار مەرەكەسى› كۇنى مەن ءىسساپارعا كەتكەن ەدىم، بۇگىن سىزدەرگە ارنايى كەشىگىپ جەتكەن ‹انالار مەرەكەسىن› وتكىزىپ بەرمەكشىمىن، كەلىڭىزدەر، شاراپتىڭ ورنىنا شاي الىپ اۋەلى، ناعيما ‹شەشەمنىڭ› تۋىلعان كۇنىن قۇتتىقتايمىن، بارلىقتارىڭىزدىڭ مەرەكەلەرىڭىز قۇتتى بولسىن . . . » دەپ قاريالارعا ۇزاق عۇمىر تىلەپ، ولارمەن بىرلىكتە بالاۋىز شام ۇرلەپ، بالكۇلشەنى كەسىپ، تۋىلعان كۇنگە ارناۋ ءانىن ايتىپ، قۋانىشتى بىرلىكتە تويلادى.


ۇستەل تولى ءتۇرلى ءدامدى تاعامداردان ءدام تاتىپ، كىشكەنتاي دوستاردىڭ دايىنداعان كونسەرت نومىرلەرىن تاماشالاپ، ءتۇرلى تاماشا لەبىزدەردەن كوڭىلدەرى جادىراعان قارتتار شەكسىز قۋانىشقا بولەندى.


ناعيما ماقسۇت اسەرلەنگەنىنەن باس بارماعىن شىعارىپ: «مەنىڭ ‹ۇلىم› شىنىندا وتە وپالى بولدى، ءبىز ءۇشىن دايىنداعان مەرەكەلىك ‹قوناعاسى› ءبىزدىڭ جۇرەگىمىزگە جىلۋ سيلادى» دەدى.


ءار رەتكى چۇڭياڭ مەرەكەسى مەن انالار مەرەكەسىندە ءتۇرلى ءدامدى تاعامداردى دايىنداپ، قارتتارمەن بىرلىكتە مەرەكە وتكىزۋ، شۇي جۇڭۋيدىڭ باستان-اياق تاباندىلىقپەن جالعاستىرىپ كەلگەن ىسىنە اينالدى.


2010-جىلى شۇي جۇڭۋي ەمىل مال فەرماسىندا شينمۋ مال-قۇس باعىمشىلىعى كاسىپتىك سەلبەستىك كووپەراتيۆىن قۇرىپ، قاز باعىمشىلىعىمەن شۇعىلدانىپ، تۇرمىسىندا قيىنشىلىعى بار ەگىنشى-مالشىلارعا قۇنى 30 مىڭ يۋان تۇراتىن قاز بالاپانىن تارتۋ ەتۋ بارىسىندا ناعيما ماقسۇتتىڭ كۇيەۋىنىڭ ناۋقاس سەبەبىنەن قايتىس بولعاننان كەيىن قىرۋار قارىز ارقالاپ، تۇرمىستان تارىعىپ وتىرعانىن بايقايدى. سول كەزدە شۇي جۇڭۋي ونى ءوزىنىڭ كومەكتەسۋ وبيەكتىسى ەتىپ، قارياعا تۇرمىستىق بۇيىم جانە 100 قاز بالاپانىن ۇسىنادى.


2013-جىلى ناعيما ماقسۇتتىڭ ۇلى ناۋقاس سەبەبىنەن باقىتقا قارسى قازا بولادى، كەلىنى ەكەۋى قيىنشىلىق قىسپاعىندا قالعاندا، شۇي جۇڭۋي ىرىقتىلىقپەن «بالالىق» بورىشىن ارقالادى.


2015-جىلى 5-ايدا ناعيما ماقسۇت كەنەتتەن اۋىرىپ قالادى، شۇي جۇڭۋي تۇندەلەتىپ ونى شيپاحاناعا جەتكىزەدى ءارى 1000 يۋان ەمدەۋ قاراجاتىن تاپسىرادى؛ 2018-جىلى 9-ايدا ناعيما ماقسۇتتىڭ كونە اۋرۋى ۇستاپ قالادى، سىرتتا ءىسساپاردا جۇرگەن شۇي جۇڭۋي جەزدەسىنە قاريانى شيپاحاناعا جەتكىزىپ ەمدەتۋدى تاپسىرادى ءارى قايتىپ كەلگەن سوڭ ونىڭ كوڭىلىن سۇراي بارادى.


ناعيما ماقسۇت ەجەلدەن ساماۋىر سورپا سىن ءىشىپ كورمەگەن ەدى، بىلتىر كوكتەم مەرەكەسىندە شۇي جۇڭۋي ءوز قولىمەن وعان جاساپ بەرەدى؛ ناعيمانىڭ ءۇيى كونەرىپ جوندەۋسىز قالعاندا، شۇي جۇڭۋي 4000 يۋان قارجى شىعارىپ جوندەتىپ بەردى؛ ۇيىندەگى پار قازانى ەسكىرىپ جىلىتا الماي قالعاندا، شۇي جۇڭۋي 5000 يۋان قارجى شىعارىپ جاڭالاپ بەردى؛قورعانى، قاقپاسى، ءۇيىنىڭ ەدەنى جانە دارەتحاناسى توزىپ كەتكەندە شۇي جۇڭۋي 10 مىڭ يۋان قارجى شىعارىپ قايتادان سالدىرىپ بەردى؛كەلىنى گۇلسارانىڭ قولفونى جوق ەدى، شۇي جۇڭۋي وعان 2500 يۋانعا قولفون الىپ بەردى، ول جوعالتىپ العاندا، تاعى ساتىپ الىپ بەردى ءارى ونى كووپەراتيۆكە قىزمەتكە ورنالاستىرىپ، ايىنا 2000 يۋان ەڭبەكاقى بەرىپ تۇردى؛ناعيما ماقسۇتتىڭ نەمەرە قىزى وقۋعا اتتانعاندا، شۇي جۇڭۋي 8000 يۋان بەردى، ول وعان تولىق ورتا مەكتەپتەن قازىرگى داشۋەنىڭ 3-جىلدىعىنا دەيىن قارجىلاي كومەكتەسىپ كەلەدى؛ءار جىلى «8-ناۋرىز» ايەلدەر مەركەسىندە شۇي جۇڭۋي ناعيما ماقسۇت پەن قىستاقتاعى ايەلدەردى ۇيىمداستىرىپ قيمىل وتكىزىپ، تارتۋ ۇسىنىپ، بەرەكەنىڭ اسىنان ءدام تاتادى. . .


شۇي جۇڭۋيدى اۋىزعا العاندا ناعيما ماقسۇتتىڭ جۇزىنەن قۋانىشتىڭ لەبى ەسىپ: «قازىر ءبىز ءبىر ءۇيلى جاندارداي بولىپ كەتتىك» دەدى.


شۇي جۇڭۋي قىستاقتاعى قاريالارعا ەرەكشە قامقورلىق جاساپ كەلەدى.


جەڭىسگۇلدىڭ كۇيەۋى ەرتە قايتىس بولىپ، جالعىز ءوزى ەكى بالانى باعىپ، تۇرمىستان ەرەكشە قينالادى، شۇي جۇڭۋي ونى دا ءوزىنىڭ كومەكتەسۋ وبيەكتىسى ەتىپ، ونىڭ قيىنشىلىق قىسپاعىنان قۇتىلۋىنا كومەكتەسەدى.


وسى تەكتەس ىستەر ساناپ تاۋىسقىسىز. 2016-جىلى شۇي جۇڭۋي 300 مىڭ يۋان قارجى شىعارىپ، قىستاقتاعى قارتتارى بار 30 كەدەي وتباسىنىڭ تۇرمىس ورتاسىن وزگەرتۋىنە دالمە-ءدال كومەكتەسۋ ءۇشىن، ولارعا «شينمۋ سەلبەستىك كووپەراتيۆى ۇلتتىق سالت-سانا قىستاعى مالشىلار ساياجايى» ۆيۋەسكاسىن اسىپ، ەرەكشەلىككە يە تاعام تيجاراتىمەن شۇعىلدانۋىنا مۇمكىندىك جاراتادى، سول جىلى ما مەييىڭ سياقتى 5 وتباسى 10 مىڭ يۋاننان ارتىق كىرىس كىرگىزەدى، كاميلا ازىراحۇن سياقتى 8 وتباسى 5 مىڭ يۋاننان ارتىق كىرىس كىرگىزەدى.


وسىمەن عانا شەكتەلىپ قالماي، شۇي جۇڭۋي ءوز-وزىنە مىناداي بەلگىلەمە شىعارادى. ءار جىلى 60 جاستان اسقان قاريالارعا تۋىلعان كۇن، مەرەكەلىك قيمىل وتكىزىپ، بالكۇلشە بۇيىرتىپ، ءتۇرلى ءدامدى تاعامداردى ازىرلەپ، قارتتارعا قوعام سىندى ۇلى وتباسىنىڭ مەيىرىن جەتكىزۋ.


تولىقسىز ساناققا نەگىزدەلگەندە، 2010-جىلدان قازىرگە دەيىن شۇي جۇڭۋي قىستاقتاعى قارتتارعا مەرەكە-مەيرام، تۋىلعان كۇن سياقتى قيمىلداردى وتكىزۋ ءۇشىن 50 مىڭ يۋاننان ارتىق قارجى جۇمساعان ەكەن.


شۇي جۇڭۋي سەلبەستىك كووپەراتيۆىنىڭ الداعى جەردە قارتتاردى كۇتىمدەۋگە قاتىستى ءتىپتى دە كوپ قيمىلداردى وتكىزىپ، قارتتاردىڭ باقىت سەزىمى مەن تاۋەلدىلىك سەزىمىن جوعارىلاتاتىندىعىن ايتتى. 


جولداعان: جۇماجان بەگزاتقان ۇلى