تۇيە باعىمشىلىعىمەن اينالسىپ، اۋقاتتانۋ جولىنا ءتۇستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-31 16:20:00


    سەرىك يمانقان ۇلى حابارلايدى. جاقىندا، بۋرىلتوعاي اۋداندىق وقۋ- اعارتۋ مەكەمەسىنەن جەتارال قالاشىعى قارابيە قىستاعىنا تۇسكەن قىزمەت اترەتىنىڭ ءبىرىنشى شۋجيى كۇڭ شياڭرۇڭ، قىستاق پارتيا ياچەيكاسىنىڭ شۋجيى قارقىن قاتارلى بىرنەشە ادامدار اۋدان قالاشىعىنان 60 نەشە كيلومەتر شالعايداعى ساۋىر وتارىنا بارىپ، وسى قارابيە قىستاعىنان وسى ارادا تۇيە باعىپ جاتقان ءۇش وتباسىنا امانداسا باردى.


    سونىڭ ءبىرى ارعىن وتباسىنا بارعاندا اۋدانىمىزدىڭ بەلدى كاسپورنىنىڭ ءبىرى ۋاڭيۋان تۇيە ءسۇتى سەرىكتىگىنىڭ قىزمەتكەرلەرى دە تۇيە ءسۇتىن الۋعا كەلىپتى، قاۋىرت جۇمىس ۇستىندە بارلىعىمىز تۇيە باقتاشىلارىنا كومەكتەستىك.


    ارعىن بولسا قارابيە قىستاعىنداعى تۇيە باعىپ وتىرعان وتباسىلارىڭ ءبىرى، ونىڭ قوراسىندا 150 گە تارتا تۇيەسى بار، بىلتىر ول تۇيە ءتۇبىتى مەن تۇيە سۇتىنەن 300 مىڭ يۋاننان استام پايدا تاۋىپتى، ول: جازدا تۇيەمدى جايلاۋعا اپارىپ باعامىن، قىستا ويدا باعامىن، تۇيە ءتۇبىتى مەن تۇيە ءسۇتىن ساتۋ ارقىلى ازدى- كوپتى كىرىس كىرگىزىپ وتىرمىن،- دەدى.


    سوڭعى جىلداردان بەرى، جەرلىك ورىنداعى تۇيە شارۋاشىلعىنىڭ قاۋىرت دامۋىنا ساي، قىزمەت اترەتى مەن قىستاق ەكى كوميتەتى مالشىلاردىڭ ءداستۇرلى باعىمشىلىق كوزقاراسىن وزگەرتۋگە كۇش سالدى، وسىمەن بىرگە پارتيا مۇشەلەرىنىڭ ۇلگى كورسەتۋى، باستاماشى بولۋى، تۇيە باعىمشىلىق ماماندارىن ۇسىنس ەتىپ تاربيەلەۋ، مالشىلاردى ناق مايداندا تاجىريبە اۋىسترۋعا ۇيىمداستىرۋ سياقتى تاسىلدەر ارقىلى وسى قىستاقتا ءبىر توپ تۇيە باعىمشىلىق وتباسىن وركەندەتتى.


    مۇنان سىرت تۇيە باعىمشىلىق كاسىپتىك سەلبەستىك كوپەراتيۆىن قۇرىپ، ەگىنشى، مالشىلاردى باعىمشىلىق كولەمىن كەڭەيتۋگە شابىتتاندىرىپ، ۋاڭيۋان تۇيە ءسۇتى كاسپورىنى مەن سەلبەستىك كووپەراتىنىڭ ساتىپ الۋ كەلسىمىن جاساسۋعا توقتاسىپ، قىستاقتان ءسۇت ساقتاۋ قۇمىراسىن اقسىز ورناتقىزىپ، تەكسەرۋ اسپاپتارىن تولىقتاپ، ناق مايداندا تەكسەرۋ، شوعىرلى ساقتاۋ، وتباسىنا بارىپ ساتىپ الۋ تاسىلدەرى ارقىلى تۇيە باعىمشىلىق وتباسىلاردىڭ تۇيە ءسۇتىن ساقتاۋ، تاسۋ اقسىن تومەندەتتى. قازىرگە دەيىن بۇل قىستاقتا 11 تۇيە باعىمشىلىق وتباسى بار، تۇيە تۇلىگىنىڭ سانى 600 گە جەتەدى. مالشىلاردىڭ جىلدىق ورتاشا تازا كىرىسى 50 مىڭ يۋان اينالاسىندا.


    تۇيە باعىمشىلعىنىڭ وزىندىك قۇنى تومەن، تۇيە سۇتىنىڭ حورەكتىگى مول، يمۋنيتەتتىك قۋاتىن ارتتىرۋ رولى بار، الس- جۋىقتاعى الارمانداردىڭ جاقسى باعاسىن الىپ وتىر، باسقا تۇلىكتەرمەن سالسترعاندا تۇيە شارۋاشىلعىنىڭ ەكونوميكالىق ونىمدىلىگى وتە جاقسى، الداعى كۇندە ءبىر توراپتا ساتۋ مەن جەرلىك ورىندا ساتۋدى ءوزارا ۇشتاسترىپ، تۇيە ونىمدەرىنىڭ بازار ءورىسىن ءتىپتى دە كەڭەيتە تۇسۋگە كۇش سالامىز، دەدى قىزمەت اترەتىنىڭ باستىعى كۇڭ شياڭرۇي.