قورعاس اۋدانى «ءبىر ورىننان» قوعامدانعان قىزمەت وتەۋ جونىندە بەلسەنە ىزدەنىس جاساپ، اۋىل شارۋاشىلىعىنىڭ جوعارى ساپالى دامۋىن جەبەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-01 14:28:00


    قورعاس اۋدانى اۋىل شارۋاشىلىعىنا «ءبىر ورىننان» قوعامدانعان قىزمەت وتەۋ جونىندە بەلسەنە ىزدەنىس جاساپ، زەردەلى اۋىل شارۋاشىلىق بۇلت تەكشەسىنەن پايدالانىپ، ەنەرگيانى، تىڭايتقىشتى ۇنەمدەۋ، دەرت-دەربەزدەن، زياندى جاندىكتەردەن ءبىر تۇتاس ساقتانۋ، ءبىر تۇتاس تىزگىندەۋ سياقتى تەحنيكالاردى كۇش سالا جالپىلاستىرىپ، اۋىل شارۋاشىلىعىنىڭ وزىندىك قۇنىن تومەندەتىپ، ساپاسىن جوعارىلاتىپ، ونىمدىلىگىن ارتتىرۋدى جەبەدى.


    قورعاس اۋدانى سانگۇڭ اۋىلى تومەنگى سانگۇڭ قىستاعىنىڭ زەردەلى اۋىل شارۋاشىلىعىنداعى سۋارۋدان ۇلگى كورسەتۋ بازاسىندا، ديقان گۋ حۇڭشيڭ ٴءار كۇنى قول تەلەفون APP جۇمساق بولشەگى ارقىلى سۋ، تىڭايتقىش، سۋارۋ جابدىقتارىن قالاعان ۋاقىتتا مەڭگەرىپ، ءوزىنىڭ جۇگەرى اتىزىنىڭ تەمپەراتۋراسىن، ىلعالدىعىن ءبىلىپ وتىرادى. گۋ حۇڭشيڭ تىلشىگە بىلاي دەدى: بۇرىن سۋارعاندا، تىڭايتقىش بەرگەندە تۇگەلدەي تاجىريبەگە سۇيەنەتىنبىز. قازىر ينفورماتسيالانعان زەردەلى باقىلاۋ جۇيەسى بولعاندىقتان، قول تەلەفون ارقىلى تۇراقتى ۋاقىتتا، تۇراقتى مولشەردە «دالمە-ءدال» مەڭگەرەتىن بولدىق. وسىنداي نەداۋىر وزىق زەردەلى جابدىقتى قولدانعاننان بەرى تامشىلاتىپ سۋارۋدان كوپ كۇش ۇنەمدەدىك، سوندىقتان نەداۋىر قولايلى دەۋگە بولادى، ونىڭ ۇستىنە تىڭايتقىش داقىلدارعا تۇراقتى ولشەم بويىنشا بەرىلەدى، داقىلدار دا جاقسى وسەدى.


    بيىل 5 ـ ايدا، قورعاس اۋدانى 2 ميلليون 350 مىڭ يۋان قارجى قوسىپ، 500 مۋ جەردەگى سورتتى جۇگەرى ەگۋ بازاسى وزەكتى وڭىرىندە زەردەلى ينفورماتسيالانعان قىزمەت وتەۋ تەكشەسى، اتىزدا زەردەلى تامشىلاتىپ سۋارۋ جۇيەسى، اۆتوماتتى اۋا رايى پۋنكتى سياقتىلاردى قامتىعان زەردەلى اۋىل شارۋاشىلىق جۇيەسىن قۇرىپ، اتىزدا زەردەلى تامشىلاتىپ سۋارۋ، بۇكىلدەي اۆتوماتتى اۋا رايى پۋنكتى اۆتوماتتى تىڭايتقىش بەرۋ جانە اۋىل شارۋاشىلىق جاعدايىن باقىلاۋ ـ تەكسەرۋدى جۇزەگە اسىردى. اتىزداعى جەتكىزگىش جيناپ اكەلگەن ساندى مالىمەتتەر ساندى مالىمەت ورتالىعىنا جەتكىزىلگەننەن كەيىن، قىزمەتكەرلەر ءار كۇنى ساندى مالىمەتتەردى دەر كەزىندە رەتتەپ، تۇرگە ايىرىپ، تالداۋ جاسايدى، ءارى ەگىس داقىلدارىنىڭ ءوسۋ جاعدايىنا ۇشتاستىرىپ، اتىزدى باپتاپ باسقارادى. قورعاس اۋداندىق اۋىل شارۋاشىلىعى، اۋىل ـ قىستاق مەكەمەسى ەگىمشىلىك كاسىبىن باسقارۋ ءبولىمىنىڭ جاۋاپتىسى يوۋ چىڭيۇڭ بىلاي دەدى: جازعىتۇرىمنان قازىرگە دەيىنگى قۇرىلىس ارقىلى وسى جەردەگى جابدىقتار ىسكە قوسىلا باستادى، قازىر مايسانىڭ ءوسۋى ٴنەداۋىر جاقسى، بۋىن الۋ مەزگىلىندە تۇر. بۇدان بىلاي وسى تەحنيكانى ءوز جەرىمىزدە ۇگىتتەپ، جالپىلاستىرىپ، جۇمىس باسى ءماجىلىسى فورماسى، تاربيەلەۋ، اۋىس-كۇيىس جاساۋ ٴفورماسى ارقىلى بۇل تەحنيكانى وتباسىلارىندا قولدانامىز.

بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)