قورعاس اۋدانى ءيىستى قۇدىس ەگىنشىلىگى كاسىبىن دامىتۋ ارقىلى اۋىل-قىستاقتى گۇلدەندىرۋ جولىن اشتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-01 14:57:00

 

    ءيىستى قۇدىس ەگىمشىلىگى اۋىلدى بايىتتى، ءيىستى قۇدىس مايى، التىن ماركاعا اينالدى، ءيىستى قۇدىس باقشاسى ەكولوگيالىق ساياحاتتى جانداندىردى. ىلە وزەنى اڭعارىنداعى قورعاس اۋدانىندا ٴءبىر ٴءتۇپ ءيىستى قۇدىس ەرەكشە ەگىمشىلىك كاسىبىن جەبەپ، «حوش ٴءيىستى كاسىپ تىزبەگىن» جەتىلدىرىپ، مادەنيەت، ساياحات كاسىبىن جەبەپ، «3 كاسىپتى توعىستىرۋ» ارقىلى اۋىل-قىستاقتى كوركەيتۋگە دەم بەرەتىن ۇلكەن باستامانىڭ بەتى اشىلدى.


    قورعاس اۋدانى وزگەشە جاراتىلىستىق شارت-جاعدايعا يە، اسقار تاۋلارى اسپانمەن تىلدەسىپ، اساۋ وزەندەرى الىسقا ارقىراپ اعىپ، قۇيقالى جەرىنەن قۇت ۇيىيدى. كۇن نۇرى، ىلعالدىق، توپىراق شارت-جاعدايى بۇل ارانى ءيىستى قۇدىس وسىرەتىن تاماشا ورىنعا، جۇڭگوداعى ەڭ ۇلكەن ءيىستى قۇدىس ەگىمشىلىك بازاسىنا اينالدىرىپ، «جۇڭگونىڭ ءيىستى قۇدىس اۋىلى» دەگەن ات الدى.


    سوڭعى جىلدارى، قورعاس اۋدانى ىلگەرىندى-كەيىندى 57 مىڭ مۋ جەردەگى ءيىستى قۇدىس ەگىمشىلىگىن دامىتتى. ءيىستى قۇدىس ەگۋ نەگىزىندە، جەرگىلىكتى ورىن كوپ نەگىزدى دامۋ جولىمەن جۇرۋگە تاباندى بولىپ، ءيىستى قۇدىستى ىشكەرىلەي مانەرلەۋدى جەدەل دامىتىپ، «حوش ٴءيىستى كاسىپ تىزبەگىن» ۇزدىكسىز كەڭەيتىپ، ءيىستى قۇدىس ونىمدەرىنىڭ قوسىمشا قۇنىن جوعارىلاتتى. ءبىر ءٴتۇپ ءيىستى قۇدىس جەرگىلىكتى بۇقارانىڭ «ءدىلدا اعاشىنا» اينالدى.


    قازىر قورعاس اۋدانى جىلىنا 40 توننا تازا ماي، 800 توننا كەپتىرىلگەن گۇل ٴوندىرەدى. ءيىستى قۇدىس كاسىبى 15 مىڭ ادام كاسىپتەندىردى، ءيىستى قۇدىستىڭ جيەيۋ حانىشا، بوياڭ رۇيليان، ايدو، حانجيا حانىشا سياقتى كوپتەگەن ايگىلى ماركالارى بار، بۇل ٴءونىمنىڭ ءتۇرى 360 تان اسادى.


    كوپ جىلدىق بازار تاجىريبەسى جەرگىلىكتى ورىننىڭ ءٴداستۇرلى اۋىل شارۋاشىلىعىنان وسىزامانعى اۋىل شارۋاشىلىعىنا قاراي بۇرىلىس جاساۋىن جەدەلدەتتى. 10 جىلدىڭ الدىنداعى تاستاقتى جەر سىگۇڭ قىستاعىنىڭ قازىر ءيىستى قۇدىس ەگىلگەن جەر كولەمى 12 مىڭ مۋعا جەتتى. ءيىستى قۇدىس ەكولوگيالىق كاسىپ جەلىسى اۋىل-قىستاقتىڭ دامۋىنا وراسان زور وزگەرىستەر الا كەلدى. 2018-جىلى، سىگۇڭ قىستاعىنداعى تۇرعىنداردىڭ كىسى باسىندىق قولداعى كىرىسى 25 مىڭ يۋاننان استى.


    سىگۇڭ قىستاعىنداعى بولەكشە وزگەرىس، جۋىق جىلدارى شينجياڭنىڭ اۋىل-قىستاق كاسىپ سالاسىنىڭ توعىسپالى دامۋىنىڭ ىقشام كورىنىسى. قورعاس اۋدانىنىڭ ءيىستى قۇدىس كاسىبى ەندىگارى قۇرعاق گۇل شوعىرى، تازا ماي سياقتى ءٴداستۇرلى ونىمدەرمەن شەكتەلمەيدى، ءيىستى قۇدىس مادەنيەتى وسى ارادا تامىر تارتىپ، وركەن جايۋدا. لۋساۋگۋ قالاشىعى، چيڭشۇيحى قالاشىعى سياقتى جەرلەردە ءيىستى قۇدىس ەگىس الاڭى، ءيىستى قۇدىس مۇراجايى، ءيىستى قۇدىس وسەتىن تاماشا ماۋسىم سياقتى مادەنيەت-ساياحات نىساندارى ەل ٴءىشى-سىرتىنان كەلگەن ساياحاتشىلاردى باۋرادى. چيڭشۇيحى قالاشىعىنداعى جيەيۋ حانىشا ءيىستى قۇدىس باقشاسىندا ساياحاتشىلار ءيىستى قۇدىس ەگۋدەن ماي تارتۋعا دەيىنگى تۇتاس بارىستى تولىق سەزىندى.


    قازىر قورعاس اۋدانى ءيىستى قۇدىس ەگىنشىلىگى مەن تاماشالاۋ، مادەنيەت كەشىرمەلەرى سياقتى سەيىل-سەرۋەن ساياحات كاسىبىن ىشكەرىلەي توعىستىرۋعا كۇش سالىپ، ٴءار جىلى 600 مىڭ ادام ـ رەتكە، ساياحاتتىڭ جىلدىق جالپى كىرىسى 200 ميلليون يۋانعا جەتتى.


    ءيىستى قۇدىس كاسىبىنىڭ ۇزدىكسىز دامۋىنا ىلەسە، كۇلگىن گۇل تەڭىزى اشىلعان وسى جەردە جوعارى اعارداعى ەگىس كولەمى ۇزدىكسىز كەڭەيىپ، ەگىنشى-مالشىلاردىڭ كىرىسى بىرتىندەپ ارتىپ، ورتا اعارداعى ءيىستى قۇدىس جەلىلەس ونىمدەرى كۇن سايىن تۇرلەنىپ، كاسىپ سالاسىنىڭ ۇستەمە قۇنى ۇزدىكسىز جوعارىلاپ، تومەنگى اعارداعى ءيىستى قۇدىس تاقىرىپتىق ساياحاتى اس-سۋ، جاتىن ورىن سياقتى 3 كاسىپ سالاسىنىڭ جاندى دامۋىن جەبەيتىن جاڭا جاعداي قالىپتاستى.


بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)