قاراسۋ اۋىلىنداعى كەدەي بۇقارا جەتەكشى كاسىپورىنداردىڭ جەبەۋىندە كىرىستى كوپ ارنامەن ورنىقتى ارتتىردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-01 15:29:00

 

    نىلقى اۋدانى قاراسۋ اۋىلىنداعى كەدەي بۇقارا جەتەكشى كاسىپورىنداردىڭ جەبەۋىندە، جارنا قوسىپ، پايدا ٴءبولىسۋ، باسقا سالاعا ويىسىپ، جۇمىسقا ورنالاسۋ، دەربەس شارۋاشىلىق قۇرۋ سياقتى تاسىلدەر ارقىلى كىرىستى كوپ ارنامەن ورنىقتى ارتتىردى.


    تاياۋدا نىلقى اۋدانى قاراسۋ اۋىلى كىشى قاراسۋ قىستاعى ءۇش جولاقتى بالىق باعىمشىلىق بازاسىندا، شينجياڭ « يۇيشۇيچيڭ» اۋىل شارۋاشىلىق شەكتى سەرىكتەستىگى پايدا ءٴبولىسۋ جينالىسىن اشتى. قاراسۋ اۋىلىنىڭ 9 قىستاعىنان كەلگەنجارنا قوسقان 609 كەدەي وتباسىنىڭ ءاربىرى 3 مىڭ يۋاننان پايدا ۇلەسىن الىپ، سول كۇنى جيىنى ٴءبىر ميلليون 827 مىڭ يۋان پايدا ۇلەسى تاراتىلدى. كىشى قاراسۋ قىستاعىنىڭ تۇرعىنى ءيسىمار بۇل ونىڭ پايدا ۇلەسىن العان ەكىنشى جىل ەكەنىن ايتا كەلىپ بىلاي دەدى: بيىل تاعى دا 3 مىڭ يۋان پايدا ءبولىسى ءتيدى، بىلتىر 3 مىڭ يۋانعا ساتىپ العان 3 قوي قازىر قوزىلاپ، التاۋ بولدى، بيىل 3 مىڭ يۋانعا تاعى دا قوي ساتىپ السام توعىزعا جەتەدى، اۋقاتتاناتىنىمىزعا سەنىمىم كامىل.


    2014 ـ جىلدىڭ باسىندا، شينجياڭ «تيانيۇن» ورگانيكالىق اۋىل شارۋاشىلىق شەكتى سەرىكتەستىگى نىلقى اۋدانىنا ىرگە تەۋىپ، قاس وزەنى الابىنان ۇتىمدى پايدالانىپ، ەرەكشە سۋ ونىمدەرىن ٴوسىرىپ، مانەرلەۋ كاسىبىن دامىتتى. 2017 ـ جىلى، سەرىكتەستىك جەرگىلىكتى ورىنداعى «چۋانيىڭ» كووپەراتيۆىمەن بىرلەسىپ، شينجياڭ «يۇيشۇيچيڭ» اۋىل شارۋاشىلىق شەكتى سەرىكتەستىگىن قۇرىپ، قاراسۋ اۋىلىنداعى 609 كەدەي وتباسى سەرىكتەستىككە جارنا قوسادى، سونىمەن بىرگە، ماڭىنداعى ەگىنشى ـ مالشىلاردى سەرىكتەستىككە جۇمىسقا قابىلدايدى. سەرىكتەستىكتىڭ قازىرگى قىزمەتكەرى 140 تان اسادى، ولاردىڭ %70 تى جەرگىلىكتى ەگىنشى-مالشى، نەگىزىنەن باعىمشىلىق، مانەرلەۋ، باۋ-باقشا، ەلەكترمەن دانەكەرلەۋ سياقتى جۇمىستارمەن شۇعىلدانادى، سەرىكتەستىكتىڭ مەڭگەرۋشىسى لي شين بىلاي دەدى: باستىسى كەدەي وتباسىلارىنىڭ سەرىكتەستىكتىڭ كاسىپ ارقىلى ەڭبەكاقى الۋىنا، سونداي-اق جارنا ۇقىعىن الىپ، قارجى قوسۋدان قارىمجى الۋىنا مۇمكىندىك جاسايمىز، سوڭىندا، سەرىكتەستىكتىڭ دامۋى جانە كووپەراتيۆ مۇشەلەرىنىڭ قۇلشىنىسى ارقىلى بىرلىكتە اۋقاتتانامىز.


    كىشى قاراسۋ قىستاعىنىڭ تۇرعىنى راۋشانگۇل دۋبان بىلتىر پايدا ءبولىسىن العاننان كەيىن، «قىستاق پارتيا ياچەيكاسى مەن قىستاق تۇرعىندار كوميتەتىنىڭ» اتتانىسقا كەلتىرۋىمەن كەستە تىگۋدى ۇيرەندى. بىلتىر كەستە تىگۋدەن 8 مىڭ يۋاننان استام كىرىس كىرگىزدى، بيىل « قىستاق پارتيا ياچەيكاسى مەن قىستاق تۇرعىندار كوميتەتى» ونىڭ ساتۋ جولىن كەڭەيتۋىنە جالعاستى كومەكتەستى. روشانگۇل دۋبان تىلشىگە: بيىل قولونەر ساياحات بۇيىمدارىن جاساۋ كولەمىن كەڭەيتىپ، وزگەشە ەرەكشەلىككە يە قولونەر كوركەمونەر بۇيىمدارىمىزدى كوپتەپ جاساپ، وتباسىمنىڭ كىرىسىن مولايتامىن،- دەدى.


بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)