كىشى سۇپتاي قىستاعى سويىس كەپتەر كاسىبىن بەلسەنە دامىتىپ، كەدەي وتباسىلارىنىڭ كىرىستى ارتتىرىپ، اۋقاتتانۋىن دەمەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-01 15:39:00

 

    نىلقى اۋدانى سۇپتاي اۋىلى كىشى سۇپتاي قىستاعى سويىس كەپتەر كاسىبىن بەلسەنە دامىتىپ، تاپسىرىستى باعۋ ارقىلى كەدەي وتباسىلارىنىڭ كىرىستى ارتتىرىپ، اۋقاتتانۋىن دەمەدى.


    قاز-قاتار تىزىلگەن كەپتەر قاپاسى، ولشەمدى كەپتەر ۇياسى، ون مىڭنان استام اق قاۋىرسىندى اسىل تۇقىمدى كەپتەر باعىلعان جەر كىشى سۇپتاي قىستاعىنداعى سويىس كەپتەر باعىمشىلىق بازاسى. بازانىڭ جاۋاپتىسى حى جيەشان تانىستىرا كەلىپ بىلاي دەدى: «قازىر 8 مىڭ جۇپ اسىل تۇقىمدى كەپتەر بار، ءار جىلى 10 رەتتەن استام جۇمىرتقالايدى، بالاپانعا اينالىپ قولدان شىعۋعا نە بارى 18 كۇن عانا جۇمسالادى. قازىرگى 17 يۋاندىق بازار باعاسى بويىنشا، ءبىزدىڭ جىلدىق كىرىسىمىز 300 مىڭ يۋاننان اسادى»،-دەدى.


    كىشى سۇپتاي قىستاعىندا 286 وتباسى، ءبىر مىڭ 63 ادام بار، ۇزاق ۋاقىتتان بەرى، قىستاق تۇرعىندارى ءداستۇرلى ەگىمشىلىك كاسىبى مەن مال شارۋاشىلىق كاسىبىن نەگىز ەتىپ كەلگەندىكتەن، كىرىستى ارتتىرۋ ارناسى ءبىر سىدىرعى ەدى. ديحانداردىڭ كىرىسىن ارتتىرۋ ءۇشىن، قىستاق پارتيا ياچەيكاسى قىستاق تۇرعىندارىنىڭ كەپتەر باعۋعا شەبەر داستۇرىنەن پايدالانىپ، 2017- جىلى 7- ايدا، ديحانداردى باستاپ، سويىس كەپتەر باعىمشىلىق كووپەراتيۆىن قۇرىپ، «ياچەيكا، كووپەراتيۆ، بازا، ديحان وتباسى بىرلەسكەن» ۇلگىنى قولدانىپ، كووپەراتيۆ كەدەي وتباسىلارىن باستاپ، سويىس كەپتەر باعىمشىلىعىن دامىتتى. كىشى سۇپتاي قىستاعى پارتيا ياچەيكاسىنىڭ شۋجيى ءبادينۇر ءيمىن: «300 جۇپ اسىل تۇقىمدى كەپتەر 116 كەدەي وتباسىنا ٴءبولىنىپ بەرىلدى، كەدەي وتباسىلارى جارنا قوسۋ تاسىلىمەن اسىل تۇقىمدى كەپتەر كووپەراتيۆىنە قوسىلىپ، ٴءبىر تۇتاس شوعىرلى باعادى، اي سايىن ءاربىر كەدەي وتباسىلارىنا 500 دەن 600 يۋان كىرىس بولىنەدى»،-دەدى.


    قىستاق تۇرعىنى رەيىمجان ابدىرەيىم بۇرىن قىستاقتاعى ارحيۆ تۇرعىزىلىپ، كارتچكا تاراتىلعان كەدەي وتباسى بولاتىن، قازىر اسىل تۇقىمدى كەپتەرگە جارنا قوسىپ پايدا ءبولىسىپ عانا قويماي، كووپەراتيۆتىڭ تەحنيكاسى مەن بازار ابزالدىلىعىنا سۇيەنىپ، اۋلاسىندا سويىس كەپتەر باعىمشىلىعىن دامىتىپ، كەدەيلىكتەن قۇتىلدى. رەيىمجان ابدىرەيىم: «قىستاق ماعان 30 جۇپ سويىس كەپتەر بەرىپ، ءبىزدى باعۋ الاڭىنا اپارىپ باعىمشىلىق تەحنيكاسىن ۇيرەتتى، قازىر ساتىلىم جولىنان الاڭدامايمىز، كەپتەر قولدان شىعىسىمەن كوپەراتيۆ بازار باعاسى بويىنشا تىكەلەي ساتىپ الادى»،-دەدى.


    قازىر، كىشى سۇپتاي قىستاعى باعىمشىلىق الاڭىمەن ساتىپ الۋ كەلىسىمىن جاساستى. قىستاق تۇرعىندارىنىڭ بالاپان كەپتەرى، كەپتەر جۇمىرتقاسى، كەپتەردىڭ ەتى بازار باعاسى بويىنشا ٴءبىر تۇتاس ساتىپ الىنادى، ٴءار وتباسى جىل سايىن 400 بالاپان كەپتەر، مىڭ كەپتەر جۇمىرتقاسىن ساتىپ، جىلدىق تازا كىرىسى مەجەمەن 10 مىڭ يۋاننان اسادى.


بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)