جاۋاپكەرگە ايلانعان تالاپكەر
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-02 10:46:00

 

    باسقالارعا 10 مىڭ يۋان قارىز بەرگەن بولسادا، تالاپكەردەن جاۋاپكەرگە ايلانىپ سوتتالعان جىجياڭ ولكەسى حااڭجوۋ قالاسى فۋياڭ رايونىنداعى لۋ فاميليالىنىڭ وكىنىشتەن وزەگى ورتەندى. بۇلاي بولۋىنداعى سەبەپ، وسى داۋ-شارداعى نەگىزگى سپات بولعان قارىز قول حاتىنداعى 10 مىڭ يۋان 110 مىڭ يۋانعا وزگەرتىلگەن ەدى.


    2018-جىلى 12-ايدا حااڭجوۋ قالاسى فۋياڭ رايونىندىق حالىق سوتى ءبىر رەتكى قارىز الىم-بەرىم داۋ-شارى دەلوسىن قابىلدايدى وسى دەلوداعى تالاپكەر مەن جاۋاپكەر ءبىر قىستاقتىڭ ديقاندارى بولىپ، تالاپكەر لۋ فاميليالىنىڭ ايتۋىنشا: 2017-جىلى 6-ايدىڭ 14-كۇنى جاۋاپكەردىڭ ۇلى ساۋدا ىستەمەكشى بولىپ وزىنەن قارىز اقشا العاندىعىن، ءبىراقتا كۇنى بۇگىنگە دەيىن العان قارىزىن اقايتارماي كەلگەندىگىن، قولىندا ونىڭ بەرگەن قارىز العاندىعى جونىندەگى قولحاتى بارلىعىن، قارىز قولحاتىندا: "وسى قستاقتاعى ۋاڭ فاميليالى لۋ فاميليالىدان ءبىر ءجۇز ون مىڭ يۋان ( 110000 يۋان) قارىز الدى، ءوسىمى ەسەپتەلەدى، جارىم جىلدان كەيىن قايتارادى" دەپ جازىلعان بولاتىن.
"مەن ودان تەك 10 مىڭ يۋان عانا قارىز العام، 110 مىڭ يۋان قارىز المادىم، ءوسىم ەسەپتەيمىز دەپ تە كەلىسكەمىز جوق بولاتىن"،-دەدى جاۋاپكەر سوت ۇستىندە ابىرجىڭقى بەينەدە؛ جاۋاپكەر تاعى، قارىز قولحاتىنداعى ءبىرتالاي مازمۇنداردى ونىڭ ءوزى قوسىپ جازىپ العاندىعىن ايتىپ، قول جازباعا ءادىليالىق جاقتان ساراپتاتۋ جۇرگىزۋدى تالاپ ەتەتىندىگىن ءبىلدىردى؛ ساراپتاۋ جۇرگىزۋدەن بۇرىن سۋديا تالاپكەرگە جالعاننان فاكىت ويدىرۋدىڭ زاردابى وتە اۋىر بولاتىندىعىن قايتا- قايتا ايتىپ تۇسىندىرگەن بولسا دا، تالاپكەر قاسارىسىپ ءوز پىكىرىندە تۇرىپ الدى.


    بىرنەشە ايدان كەيىن قولجازبانىڭ ساراپتاۋ ناتيجەسى دە شىعادى، ساراپتاۋ ناتيجەسىندە : قارىز قولحاتىنداعى «ءبىر ءجۇز ون مىڭ» جانە «ءوسىم ەسەپتەلەدى» دەگەن سوزدەر ارتىنان قوسىلعاندىعى تۇراقتاندىرىلادى. وسى كەزدە تالاپكەر قاتەلىگىن تانىپ،«10 مىڭ يۋاندى دا الماياق قويايىن، ارىزىمدى قايتارىپ السام» دەپ ءوتىندى. الايدا ءىس بۇل اراعا كەلگەندە وعان رايىنان قايتۋدىڭ ورايى قالماعان ەدى، سەبەبى وسى دەلوعا ساياتىن اقشانىڭ سانى ءبىرشاما قوماقتى، ونىڭ ۇستىنە تالاپكەر، ساراپتاۋ ناتيجەسى شىققاننان كەيىن بارىپ وزىنىڭ قولحاتتى وزگەرتكەندىگىن مويىنداعاندىقتان، مۇنىڭ تۋدىرعان زاردابى اۋىر ەدى. سونىمەن تالاپكەر قوعام حاۋىپسىزدىك ورگانىنا ءوزىن مالىمدەپ، بۇل دەلو قوعام حاۋىپسىزدىك ورگانىنىڭ تەكسەرىپ ءبىر جايلى ەتۋىنە جولداپ بەرىلدى.


    تاياۋدا لۋ فاميليالى فۋياڭ رايونىندىق حالىق سوتىنىڭ سوت زالىندا تاعى ءبىر رەت بوي كورسەتتى، الايدا،بۇل جولى ونىڭ سالاۋاتى جاۋاپكەرگە وزگەرگەن ەدى.


    سوت مەكەمەسى وسى دەلونى تەرگەۋ ارقىلى بىلاي دەپ قارادى: لۋ ااميليالى زاڭسىز يەمدەنىپ الۋ ماقساتىندا، جالعاننان ارىز كوتەرۋ ارقىلى باسقالاردىڭ قوماقتى اقشاسىن قىمقىرىپ الماقشى بولعان، بۇدان الدامشىلىق قىلمىسى قالىپتاسادى، زاڭ بويىنشا جازالانۋى ءتيىس. ايىپتاۋشى وگاننىڭ ايىپتاعان قىلمىس فاكىتى مەن قىلمىسى قالىپتاسادى، زاڭ قولدانۋى ورىندى، لۋ فاميليالى قىلمىس وتكىزۋدى قولعا العان بولسادا، ونىڭ ويىنداعىدان تىسقارى سەبەپتەردەن قىلمىسىن ىسكە اسىرا الماعان، مۇنى ىسكە اسقان قىلمىسقا قاراعاندا جەڭىل نەمەسە جەڭىلدەتىپ جازالاۋعا بولادى.


    لۋ فاميليالىدا ءوزىن مالىمدەۋ بەينەسى بولعاندىقتان وعان جەڭىل نەمەسە جەڭىلدەتىپ جازا بەرۋگە دە بولادى.


    ەڭ سوڭىندا حالىق سوتى لۋ فاميليالىعا،الدامشىلىق قىلمىسىن وتكىزگەندىگى سەبەپتى ءبىر جىلدىق مەرزىمدى قاماۋ جازاسىن بەرىپ وعان قوسا 10 مىڭ يۋان ايىپ سالۋ جونىندە ۇكىم شىعاردى.


    حانزۋشا «شينجياڭ زاڭ گازەتى» نىڭ 2019-جىلى 7-ايدىڭ 26-كۇنگى سانىنان اۋدارعان: وماربەك قىزىرقان ۇلى