نارات ساحاراسى تاۋ گۇلى اشىلاتىن ەڭ كوركەم مەزگىلدى قارسى الىپ، كورىنىس ءوڭىرى ساياحاتتىڭ ەڭ قاۋىرت مەزگىلىنە قادام تاستادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-02 10:48:00

 

    6 ـ ايدىڭ باسىنان بەرى، نارات ساحاراسىنداعى تاۋ گۇلدەرى قۇلپىرا اشىلىپ، ساياحاتشىلاردى وسى اراعا كەلىپ، سەيىل-سەرۋەن قۇرۋعا باۋرادى.


    جاز ماۋسىمىنداعى نارات ساحاراسى، جاسىل ٴشالعىن مەن تاۋ گۇلى، اقشا بۇلت پەن ورىستە جايىلىپ جۇرگەن ءتورت تۇلىك مال، وزەن سۋى مەن اقشاعالا كيىز ۇيلەر ءوزارا سايكەسىم تاۋىپ، وزگەشە تاماشا كورىنىس قالىپتاستىرىپ، شار-تاراپتان كەلگەن ساياحاتشىلاردى ءتانتى ەتتى. شاڭحايلىق ساياحاتشى چۋ مين: «ءبىر نەشە كورىنىس تۇيىندەرىن ارالادىم، ساحارانىڭ كورىنىستى كوز تارتادى، مەنىڭ ويلاعانىمنان دا تاماشا ەكەن. مۇنداي كەرەمەت جەردى اناعۇرلىم كوپ ادامعا تانىستىرامىن»،-دەدى.


    ءار جىلى 6-، 7-جانە 8-ايلاردا نارات ساحاراسىنداعى ساياحاتتىڭ قاۋىرت مەزگىلى، بۇل ارادا ساياحاتشىلار كوركەم كورىنىستەن كوز ايىم بولىپ قالماستان، تاعى موتوسيكلمەن سەيىلدەۋ، كوگالدا سىرعاناۋ، اتقا ءمىنۋ سياقتى ءتۇرلى ويىن تۇرلەرى مەن كوڭىل اشۋ نىساندارىن باستان كەشىرەدى. ەكى اپتادان بەرى، نارات كورىنىس ءوڭىرىنىڭ ٴءار كۇنگى قابىلداعان ساياحاتشى مولشەرى 3 مىڭ ادام رەتتەن استى. دۋان- ۋ مەرەكەسىنىڭ قىسقا دەمالىسىندا، ورتا ەسەپپەن ءار كۇنى ساياحات كورىنىس وڭىرىنە بارعان ساياحاتشى 5 مىڭ ادام ـ رەتتەن اسىپ، بىلتىرعى ۇقساس مەزگىلدەگىدەن %56 جوعارىلادى. نارات كورىنىس ءوڭىرىن باسقارۋ كوميتەتى تيجارات ٴءبولىمىنىڭ مەڭگەرۋشىسى چى حۋا بىلاي دەدى:«نارات كورىنىس ءوڭىرى بۇرىنعى 3 ساياحات لەنياسى مەن ساياحاتشىلار وزدەرى اقى تولەپ ساياحاتتايتىن سارا لەنيالاردى رەتتەپ، ساياحاتشىلاردىڭ ناراتتىڭ جاراتىلىستىق كورىنىسىن اناعۇرلىم ويداعىداي تاماشالاۋىنا مۇمكىندىك جاسادى. سونىمەن بىرگە، كورىنىس وڭىرىنە قاراستى نارات مەملەكەتتىك ساياحات مەكەمەسى تاعى V I P تۇراقتى ساياحات لەنياسىن جوبالاپ اشىپ، ناراتتاعى كۇننىڭ شىعۋى مەن باتۋىن تاماشالاۋ، ساحاراداعى گۇل تەڭىزىن ارالاپ، ءوزىن-ءوزى سۋرەتكە، كەسكىنگە ءتۇسىرۋ، ساحارانىڭ جۇلدىزدارى جامىراعان تۇنگى اسپانىن تاماشالاپ دالاعا تۇنەۋ، ۇلتتىق سالت-سانانى سەزىنۋ ساياحاتى سياقتىلاردى باستى ورىنعا قويىپ تانىستىردى، وسى جەلىلەس ساياحات تۇرلەرى نارات كورىنىس ءوڭىرى ساياحاتىن ىشكەرلەي دامىتىپ، تەك عانا كورىنىستى تاماشالايتىن ساياحاتتى سەيىل- سەرۋەن ساياحاتىنا بەتالدىرۋعا بەلگىلى نەگىز قالادى.»


بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)