ورمان اراسىنا اعاش ساڭىراۋ قۇلاعىن سىناق رەتىندە ەگىپ، جەرگىلىكتى تۇرعىنداردىڭ كەدەيلىكتەن ءساتتى قۇتىلۋىنا دەم بەردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-06-06 09:10:00


    6- ايدىڭ 6- كۇنى، كۇنەس اۋدانى بەستوبە اۋىلى اقشي قىستاعىنىڭ اعاش قارا ساڭىراۋ قۇلاعى شارۋاشىلىق قۇرۋ، كاسىپتەندىرۋ بازاسىندا سىناق رەتىندە ەگىلگەن ءجۇز مۋ جەردەگى ورمان اراسىنداعى اعاش قارا ساڭىراۋ قۇلاعىنان تابىسقا جەتتى. قازىر، ەگىلگەن ءجۇز مۋ جەردەگى اعاش قارا ساڭىراۋقۇلاعى ارت-ارتىنان جيناپ الۋ مەزگىلىنە ءوتتى.


    2018-جىلى، كۇنەس اۋدانىنىڭ اۋىل-قىستاق امانات-قارىز كووپەراتيۆىنىڭ بەستوبە اۋىلى اقشي قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى مەن قىستاق پارتيا ياچەيكاسى كوپتىڭ اقىل ـ پاراساتىن شوعىرلاندىرىپ، بۇقارادان اۋقاتتانۋ تۇيىندەرىن جيناپ، كوپ جاقتان اقىل-كەڭەس الىپ جانە بازار تەكسەرىپ-زەرتتەگەننەن كەيىن، 20 مۋ جەردەگى اعاش قارا ساڭىراۋ قۇلاعىن سىناق رەتىندە ەگىپ تابىسقا جەتتى. بيىل، قىستاق كوللەكتيۆى 800 مىڭ يۋان قارجى جيناپ، قىستاقتاعى بايۋدىڭ باستاۋشىلارىمەن كۇنەس اۋدانى شينمياۋ اۋىل شارۋاشىلىق عىلىم- تەحنيكاسىن اشۋ شەكتى جاۋاپكەرلىك سەرىكتەستىگىن قۇرىپ، ءجۇز مۋ كەلەتىن كوللەكتيۆ ورماندى جەردەن پايدالانىپ، اعاش قارا ساڭىراۋ قۇلاق شارۋاشىلىق قۇرۋ، كاسىپتەنۋ بازاسىن قۇرىپ، 23 بۇقارانى جۇمىسقا ورنالاستىردى. باھارگۇل الىمسەيت قىستاقتاعى كەدەي وتباسى ەدى، وتباسىندا 3 جان بار، كۇيەۋى قايتىس بولعان سوڭ، جالعىز ءوزى ەكى بالاعا قارايلاسىپ، شارۋاشىلىق قۇرۋ بازاسىندا جۇمىس ىستەگەننەن بەرى، تۇرمىستارى بارعان سايىن جاقسارىپ كەلەدى.


    باھارگۇل ءالىمسەيت: ءبىز تاڭەرتەڭ ساعات 9 دا كەلىپ، كەشكى ساعات 8 دە جۇمىستان تۇسەمىز، كۇنىنە 9 ساعات جۇمىس ىستەپ،ءجۇز يۋان اقشا تابامىز،-دەدى.


    شىعىس سولتۇستىكتەن ەنگىزىلگەن اعاش قارا ساڭىراۋ قۇلاعىن ەگۋ نىسانىنان جىلىنا ەكى رەت ساڭىراۋ قۇلاقتىٴءۇزىپ الۋعا بولادى. ميكروبتى وراۋدان اعاش ساڭىراۋ قۇلاعىن جەتىلدىرگەنگە دەيىن 60 كۇن اينالاسىندا وسىرۋگە بولادى. ءاربىر باكتەريا تاياقشاسىنان مەجەمەن 1.5 كيلوگرام اعاش قارا ساڭىراۋقۇلاعىن وندىرۋگە بولادى. ال، سول جەردە ءار كيلوگرام اعاش ساڭىراۋ قۇلاعىن 200 نەشە يۋانعا ساتۋعا بولادى. بازا تەحنيگى گۋ گۇيحۋا: بىزدىڭ بۇل اعاش قارا ساڭىراۋقۇلاعىن كۇنەس اۋدانىندا تۇڭعىش ەگۋىمىز، ءبىزدىڭ بۇل قارا ساڭىراۋ قۇلاقتىڭ ءوسۋ تەمپەراتۋراسى حيلۇڭجياڭ ولكەسىنىڭ ءوسۋ تەمپەراتۋراسىمەن نەگىزىنەن قارايلاس كەلەدى. كۇنەس اۋدانىنىڭ تەمپەراتۋراسى اعاش ساڭىراۋ قۇلاقتىڭ وسۋىنە ۇيلەسەدى. اسىرەسە، ورماندا اراسىندا ەگىلۋ ساپاسى حيلۇڭجياڭ ولكەسىنە وتە جاقىن، ءوسىپ شىققان اعاش ساڭىراۋ قۇلاعى نەگىزىنەن ۇقساس كەلەدى،-دەدى.


    ۇعىسۋعا قاراعاندا، كەلەسى قادامدا، قىزمەت اترەتى مەن قىستاق كوميتەتى اعاش قارا ساڭىراۋ قۇلاعىن زەرتتەپ، شارۋاشىلىق قۇرۋدان ۇلگى كورسەتۋ بازاسىن قۇرىپ، ەگىمشىلىك تۇرلەرىن كەڭەيتىپ، جاسىل ازىق-تۇلىك ءوندىرىپ، ءونىمنىڭ قوسىمشا قۇنىن ارتتىرۋدى جوسپارلادى. ارتقى شەپ تاسىمالداۋ ورنى اۋىل- قىستاق امانات-قارىز كووپەراتيۆىنىڭ ەلەكتروندى ساۋدا تەكشەسىنەن پايدالانىپ، ساتىلۋ جولىن كەڭەيتتى.


    كۇنەس اۋداندىق اۋىل-قىستاق امانات-قارىز كووپەراتيۆىنىڭ بەستوبە اۋىلى اقشي قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى، قىستاقتىڭ 1- شۋجيى جاڭ حۇڭبو: اقشي قىستاعىنداعى كەدەيلەردىڭ كاسىپتەنۋ ماسەلەسىن سونداي- اق كەدەيلەردىڭ قايتالاي كەدەيلەسۋىن شەشۋ ءۇشىن، بەستوبە اۋىلدىق پارتكوم ۇكىمەتپەن بىرگە اعاش قارا ساڭىراۋ قۇلاق شارۋاشىلىق قۇرۋ، كاسىپتەندىرۋ بازاسىن قۇردى، بازامىز جايشىلىقتا جۇمىسشى ىستەتۋ مولشەرى از كەزدە 10 دا 20 ادامدى ىستەتۋ ماسەلەسىن شەشۋگە بولادى، جۇمىسشى ىستەتۋ مولشەرى ەڭ كوپ بولعاندا، 100 ادامعا جەتەدى، ءسويتىپ حالىق بۇقاراسى ۇيدەن اتتاپ شىقپاي-اق كاسىپتەنە باستادى،-دەدى.


بايسۇلتان نۇپتەبەك ۇلى (شينجياڭ حالىق راديو ستانسياسىنىڭ ءتىلشىسى)