ينفورماتسيا اشكەرەلەۋ: mzjubao@cnr.cn

ادەبيەت ارناسى

دوس جىلاتىپ ايتادى، دۇشپان كۇلدىرىپ ايتادى

来源:جۇڭگو قازاق راديو تورابى     |责编:达吾力别克 |     发布日期: 2019-09-27 16:27

 

 

 

 

ديكتور: ارداق ابيدەن قىزى

 

 

اۋدارعان: اناربەك ءابىلماجىن ۇلى

 

 

ءتىل ـــ ادامدار مەن ادامدار اراسىنداعى ويدى جەتكىزەتىن التىن كوپىر. سوندىقتان ءبىز باسقالارمەن ءتىل ارقىلى قاتىناس جاسايمىز، وي بولىسەمىز، كوڭىل توعىستىرامىز. ءوزىڭنىڭ ارمان-تىلەگىڭدى، مۇرات-ماقساتىڭدى، سۇيىنىشىڭ مەن كۇيىنىشىڭدى، قۋانىشىڭ مەن جۇبانىشىڭدى، نالا-مۇڭىڭدى، ىزا مەن كەگىڭدى، كوڭىل تەبىرەنىسىنەن تۋعان وي تولعامدارىڭدى، قىل قىسقاسى كوڭىلىڭدەگى ازىراق الدانىشىڭ مەن قورقىنىشىڭدى دا باسقالارعا ءتىل ارقىلى جەتكىزەسىڭ، سول سياقتى باسقالاردىڭ كوڭىلىنىڭ ار جاعىندا جىلت ەتكەن قانداي ءبىر وي ۇشىقىنىن دا ونىڭ سوزىنەن باعامداپ بىلەسىڭ. 

 

 

 

باسقالاردىڭ سوزىنە استە بەي-جاي قاراما، استارىنا ءۇڭىل، ءمانىن ۇق، سالماعىن سالماقتا، مۇمكىن بولسا وي ەلەگىڭنەن نەشە دۇركىن وتكىز، ەستىمەسكە سالۋىڭا تىپتىدە بولمايدى، سەبەبى ءتىل ــ كوڭىلدىڭ ايناسى، باسقالار ساعان نە ايتتى، قالاي ايتتى مىنە بۇل سەنىڭ ونىڭ كوڭىلىندەگى ورنىڭنىڭ بەلگىسى اعايىن. 

 

يا، ءسوز قادىرىن ءبىلۋ ادامنىڭ قادىرىن بىلۋمەن بىردەي، باسقالاردىڭ قادىرىن بىلسەڭ، ول دا سەنىڭ قادىرىڭدى بىلمەيدى دەپ ايتا الاسىڭ با، سوندىقتان ارامىزدا قادىر بولسىن دەسەڭ وزىڭە مىناداي ءسوز ايتقان ادامدى قادىرلەي ءبىل.

 

 وزىڭە شىن سويلەيتىن ادامدى قادىرلە

 

تولوكيگو بىلاي دەيدى «ءالسىز ادام قاشاندا شىندىقتىڭ اشىلىپ قالۋىنان قورقادى، ءارى شىن سويلەيتىن ادامدى جەك كورەدى».

 

وزىڭە باتىلدىقپەن سىن بەرە الاتىن ادامدى قادىرلە

 

«جاقسى ءدارى اشتى بولار، جاقسى ءسوز قاتتى بولار» دەگەن ءتامسىل بار. شىن جۇرەكتەن شىقپاعان، ءتىلدىڭ ۇشىنان شىققان قۇر ماراپات ماقتاۋ قۇلاققا جىلى تيگەنىمەن، كەمشىلىك پەن قاتەلىگىڭ ونىڭ تاساسىندا قالادى، سەن ءوشىن زايانى بولماسا پايداسى شامالى. ونداي ادام ساعان تاسادا تۇرىپ تاس اتۋعا دا بارادى. سىن تۇزەلمەي ءمىن تۇزەلمەيدى، تەز باسىندا قيسىق اعاش جاتپايدى دەمەكشى، اق نيەتپەن ايتىلعان سىن اقىلمەن تەڭ، بولاشاعىڭا دۇرىس باعىدار سىلتەپ، سارا جولعا باستايدى، بىلە بىلسەڭ باعا جەتپەس بايلعىڭ. 

 

ساعىڭدى سىندىرمايتىن ادامدى قادىرلە

 

وزىڭمەن سويلەسكەندە وڭ مەن سولدى پارىقتاپ، بەتىڭدى جەرگە قاراتپاي سويلەيتىن، جاقسىعا ءسوزدىڭ باسىن ايتساڭ اقىرىن ءوزى تۇسىنەدى دەگەندەي، دوسقا كۇلكى، دۇشپانعا تابا قىلمايىن دەپ ايتار ويىن بۇلىك ەتكىزىپ قانا، قالعانىن ءوزىڭنىڭ وي ەلەگىڭنەن وتكىزۋگە، زەردەلەپ تۇسىنۋىڭە قالدىراتىن ادام سەنىڭ ناعىز جانكۇيەر جاقىن ادامىڭ. 

 

ادام مەن ادام اراسىنداعى سيلاستىقتى تۋ ەتىپ ۇستاعان، ساعىڭدى سىندىرمايتىن ادامدى قادىرلە.

 

دوس جىلاتىپ ايتادى، دۇسپان كۇلدىرىپ ايتادى، ومىردە ءمىنسىز ادام جوق، ءبىراق ءوز ءمىنىڭدى ءوزىڭ كورە المايسىڭ، اق نيەتپەن ايتىلعان سىن بولسا، دۇرىس قابىلداۋ زەيىندىلىكتىڭ بەلگىسى، ءمىن تۇزەلسە تىرلىك اتتى كەمەڭنىڭ جەلكەنى دۇرىس جايىلعانى. سىلدىر ءسوز، قۇر ماقتاۋعا كۇپىيىپ، شەكپەنىڭنىڭ قولتىعى جىرتىلىپ جۇرسە، الدىعا باسقان قادامىڭنىڭ كەرى كەتكەنى دەپ ءبىل.  (تىڭدارماندارعا ەسكەرتۋ ءماتىن ىقشامالىپ بەرىلدى، تولىعىن دبىستىق نۇسقادان تىڭداڭىزدار ) 

 

 

ەكىلىكتى باسىپ قوسىلىڭىز

中央广播电视总台 央广网 版权所有