ينفورماتسيا اشكەرەلەۋ: mzjubao@cnr.cn

ادەبيەت ارناسى

قاسيەتتەن قاسىرەت قاشادى

来源:جۇڭگو قازاق راديو تورابى     |责编:阿依娜古丽|     发布日期: 2019-10-22 14:57

 

ەركىن باقىتحان ۇلى


    جاڭا عاسىر، وسىزامان ادامدارىندا تومەندەگىدەي قاسيەت بولسا، قاسىرەت-سەنەن قاسقىر كورگەندەي قاشادى. قوعامدا جاساپ جاتقان ءار قانداي ءبىر ادامدا وزىنە ءتيىستى قاسيەت-قاسىرەت، باق-سور بولاتىندىعى داۋسىز. ماڭگىلىك قۋانىش، ماڭگىلىك قايعى ءبىر ادامنىڭ باسىندا تۇراقتاپ تۇرمايدى. سەبەبى، دۇنيە-دوڭگەلەك. جاراتۋشى ءار نارسەنىڭ جاقسى-جامان جاعىن تەڭ جارتاتقان. ءومىر ەسىگىن اشىپ، تىرلىك يەسى بولعان ەكەنسىز تالعام، تالەي وزىڭىزدە. ادامدىق قاسيەتىڭىزدى ساقتاپ قاسقايىپ جۇرەسىزبە، جوق الدە، قاسىرەتتى قۇشاقتاپ جىلاپ جۇرەسىزبە، ونىڭ ءبارى ءتالىم-تاربيەڭىزگە، اقىل-پاراساتىڭىزعا، ونەر-بىلىمىڭىزگە، تۇيسىك-تۇسىنىگىڭىزگە بايلانىستى. تۋادا باق پەن سور، قاسيەت پەن قاسىرەت ماڭدايىڭىزعا جازىلماعان.


    ەندەشە، قانداي قاسيەتتى بار ادامداردان قاسىرەت قاشادى قاراپ كورىڭىز.


    ءبىرىنشى، ماڭايى مويىنداتىن ونەر-ءبىلىمى، كاسىپتىك قابىلەتى، كىسىلىك ار-ۇجدانى، تاسقىنداعان رۋحى، تاڭعاجايىپ تالانتى بار وتانعا، ۇلتقا، وتباسىنا وپالى ادامداردان قاڭعىعان قاسىرەت پەن قايعى قاشادى.


    ەكىنشى، سۇلۋ سىمباتىڭ مەن كەلىسكەن كەلبەتىڭە ساي، جىبەك مىنەزىڭ، جايساڭ جومارتتىعىڭ، كىرشىكسىز كوڭىلىڭ، ونەگەلى ءومىرىڭ، مىقتى دەنساۋلىعىڭ بار بولسا، قاسىرەت پەن قايعى قاراسىن كورسەتپەي قاشادى.


    ءۇشىنشى، پەيىلى كەڭ، كوڭىلى دارقان، ادامگەرشىلىگى اسقاق، بەرەكە-بىرلىكتىڭ ۇيتقىسى، اعايىن-تۋىستىڭ، ەل-جۇرتتىڭ جاناشىر جاقىنى، اقىل-پاراساتتىڭ الىبى اكە-شەشەڭ، اتا-ەنەڭ، تۋىس-تۋعانىڭ بار بولسا، قاسىرەت-قايعى كولەڭكەسىن كورسەتپەي قاشادى.


    ءتورتىنشى، ىشىندە قىزعانىشتىڭ-قىزىل قۇرتتى، جىمسىمالىقتىڭ-ۋلى جىلانى، كۇندەستىكتىڭ-كروكوديلى، جانسىزدىقتىڭ-جولبارىسى، قاستاندىقتىڭ-قابىلانى جوق. تۇلكى-نيەت، قۇماي-قۇلقىنى جوق، ءوزى-سۇڭعىلا، ءسوزى-ۇستارا، سەنىمى-سەرىك، مايدانى-بەرىك، ەلدەن-زەرەك، قوعامعا-كەرەك اعايىن-دوسىڭ، ساباقتاسىڭ بار بولسا، قايعى-قاسىرەت تىم-تىراقاي قاشادى.


    بەسىنشى، اق جۇرەك اعاڭ، اياۋلى اپەكەڭ، ءتۇسى جىلى جەڭگەڭ، قايىرىمدى قارىنداسىڭ، باۋىرمال باۋىرىڭ، مەيىرىمدى ايەلىڭ، وپالى ۇرپاعىڭ بار بولسا، قايعى مەن قاسىرەتتىڭ سەندە نەسى بار.


    جيناقتاپ ايتقاندا، قاسيەت پەن قاسىرەت بارلىق پەندەنىڭ باسىنا كەلەدى. بالتانىڭ سابىنداي قىسقا ومىردە قاسىرەت قۇشاقتاۋدىڭ قاجەتى قانشا؟ تەك جۇرسەڭ، توق جۇرەسىڭ. وسى ءبىر اۋىز ءسوزدى تۇسىنسەڭ،ءبىر ومىرىڭە جەتەدى. ادامدىق قاسيەتىڭدى ساقتاپ، تەك، تىك ءجۇر... باقىت قۇسى باسىڭا كەلىپ قونادى. بايلىق-ەسىگىن ايقارا اشادى. قۋانىش-كۇندە قۇشاعىن جايادى. ىرىس-ىرگەڭنەن قارايدى. تابىس-تابالدىرىعىڭنان اتتايدى. جالپى دا، جالقى دا، جاقىنىڭ دا سەنى جاقتايدى. ادامدىق قاسيەتىڭدى كەتىرمە، كولدەنەڭ قاسىرەت كولەڭكەڭدى كورسە قاشاتىن بولادى. ءتىلسىم تىماۋ توبەڭدى كورسە قاشادى. قاسيەتتى بار ادامنان قاسىرەت ەمەس، قاسقىردا قاشادى دوسىم.


    باركول اۋدانى سارشوقى اۋىلى موشكە قۇدىق مەكتەبى

中央广播电视总台 央广网 版权所有