ينفورماتسيا اشكەرەلەۋ: mzjubao@cnr.cn

ادەبيەت ارناسى

ءومىر ارداقتى

来源:جۇڭگو قازاق راديو تورابى     |责编:阿依娜古丽|     发布日期: 2019-11-08 09:37

اۆتورى: چەحوۆ


    ءومىر كوڭىلسىز ايتىلاتىن قالجىڭنان تىس، دەسەدە ارداقتى ءارى ماسىل. بۇل ءتۇيىندى ورىنداۋ ءۇشىن 200 مىڭ رۋبليعا يە بولىپ، «اق بۇركىت» وردەنىن يەلەپ، سۇلۋ جار ءسۇيۋ، ات شىعارۋ، ايتىپ تۇگەمەس ارمان، باقىت بايانسىز، جايشىلىقتاعى داعدى عانا.

ماڭگىلىك باقىتتى بولۋعا قاجەتتى: بىرىنشىدەن، قازىرگى جاعدايدى قاناعاتتاندىرۋعا شەبەر بولۋ.

 
    ەكىنشىدەن، نەندەي ءىس بولسادا ماقتانىش سەزىنۋ. «ءىس جۇزىندە جاعداي ويلاعانان بەتەر بولۋ مۇمكىن» تاباندىلىق بولسا بارلىعى دا وڭىنا باسادى.

 
    سىرڭكە قالتاڭنان تۇتانسا، قۋان، جاراتقانعا العىس ايت. باعىڭا جاراي قالتاڭ وق ءدارى قويماسى ەمەس قوي.


    قاراقاسقا كەدەي تۋىسىڭ ساياجايعا ىزدەپ كەلسە، وعان بولا ءوڭ-ءتۇسىڭدى بۇزبا، قۋشاق جايا قارسى ال «ويتكەنى باقىتىڭا جاراي ساقشى بولماعاندىعى!».


    ساۋساعىڭا ءبىر تال تىكەن كىرسە، شاتتانا ءبىل. «قامىقپا، تىكەن كوزىڭە كىرمەگەنگە شۇكىرلىك ەت!».


    ەگەر اياۋلىڭ نە بالدىزىڭ پيانينو تارتسا، اشۋلانبا، ويتكەنى قاسقىردىڭ ۇلۋى نە مىسىقتىڭ مياۋلاعان ساۋىق كەشى بولماي. جاندى مۋزيكا تىڭداعانىڭدى باقىت دەپ سەزىن.


    كوڭىلدى بول، الىس ساپارداعى ات اربانىڭ تۇپكى اتى، شاپقىنىشىنىڭ باكتەرياسى، تريحينا قۇرتى، دوڭىز، ەسەك، سىگاندىقتار جەتەكتەگەن ايۋ، قاندالا بولماعانىنا ماقتان. سوت الدىنداعى ايىپكەر، قارىز بەرۋشى جان القىمعا الماسا، نەگىزگى قالامگەر قالام اقىنى ءسوز ەتپەسە، جايدارلانبايتىن نە تۇر.


    ەگەر شەت-شەكارادا تۇرماساڭ، ايتەۋ ٴبىر تاعدىرىڭ ماڭدايىڭا قيىر قونىپ شەت جايلاۋعا جازباعانىنىڭ ءوزى راحات.


    ءبىر تال ءتىسىڭ قاقساعانىنا كوڭىلدەن، وتىز ءتىسىڭ قاقساماعانىنا ءتاۋبا قىل.


    ازامات گازەتىنىن وقىمعانعا، قوقىر-قوقسىق توگەتىن كولىككە وتىرماعاندىعىڭا، قايتالاي نەكەلەنبەگەنىڭە مالاقايىڭدى اسپانعا اتىپ قۋانىشقا بولەن.


    مۇبادا ساقشى مەكەمەسىنە بارساڭ دا، قۋانا قارسى ال، ويتكەنى تۇرمەنىڭ توزاعىنا تۇسپەگەنىڭ تالەيىڭنىڭ جاڭعانى.


    قاتقان قايىڭ توقپاعىممەن سالىپ كەتسە، مىڭىق ەتپە، تالەيىڭ جانعانى، وزگەلەر تىكەندى تاياقپەن ساباماعانى سالىمىڭنىڭ بارلىعى.


    جارىڭ كوزىڭە ءشوپ سالسا اپتىقپا، ويتكەنى ول مەملەكەتكە ەمەس،ءبىر ءتاۋىرى ساعان عانا وپاسىزدىق جاسادى.


    بايانداعانىمداي ...جان دوسىم ايتقانىم بويىنشا ىستە، تەلەگەي-تەڭىز شاتتىققا شوماسىڭ.


    وقىرمان ورەسى جۋرنال باسپاسى «سۇلۋلار جيناعىنان» اۋدارعان: ساعىنبەك شامە ۇلى

 

中央广播电视总台 央广网 版权所有