ينفورماتسيا اشكەرەلەۋ: mzjubao@cnr.cn

ادەبيەت ارناسى

قىزىم سەنى نەگە «كەدەي جىگىتكە» تۇرمىستاندىرعىم كەلمەيدى؟

来源:جۇڭگو قازاق راديو تورابى     |责编:阿依娜古丽|     发布日期: 2019-11-08 10:07

 

 

حانزۋشادان اۋدارعان: بينۇر تويلان قىزى


 ەگەر قىزىڭىز كۇندەردىڭ كۇنىندە ءسىڭىرى شىققان كەدەي جىگىتكە تۇرمىسقا شىعامىن دەسە قايتەسىز؟ ءبىز وسى سۇراق جايلى كوپتەگەن اتا-انالارمەن سۇحپاتتا بولدىق. ولاردىڭ ايتار ويىن انانىڭ حاتى ارقىلى وزدەرىڭىزگە ۇسىنىپ وتىرمىز، ماعىناسى تەرەڭ، ورامدى ويلار...


قىزىم: حات ارقىلى وزىڭمەن سىرلاسقىم كەلدى.


مەن ساعان كىشكەنتايىڭىنان ارمانىڭ ءۇشىن ۇمتىلۋىڭدى سونداي-اق ەركىن بولۋ مەن ءوزىڭدى ءسۇيۋدى ۇيرەتتىم. ءبىراق، وتكەن اپتادا سەنىڭ سەرىگىم دەپ تاڭداعان جىگىتىڭدى كورگەننەن باستاپ، ساعان تاعى اقىل ايتۋىم كەرەكتىگىن اڭعاردىم، كوڭىلىڭە كەلسەدە...


ول جىگىت راسىندا سۇيكىمدى، وقۋ جاعدايى دا وزىڭمەن قارايلاس، ادەپتى دە اياۋلى بالا ەكەن.


سەن ونى بىزگە تانسىترعاندا شىنى كەرەك، سەنى وعان قيمادىم. سەبەبى ونىڭ «كەدەيلىگى» مەنى الاڭداتا باستادى.


اقىلعا «كەدەي»


اكەڭ ماعان مىنانى ساعان جەتكىزۋدى داتتەدى:


قىزىم–اۋ، اتالمىش «ەر ادام-ەسەيمەگەن بالا» دەگەن ساندىراققا سەنبە.


اكەڭنىڭ وسى ءتالىمىن ماڭگى جادىڭدا ساقتا. ەر ادام ٴۇيدىڭ تىرەگى. ول قانشا بالا مىنەزدى بولسادا، ءوزىن تەجەي ءبىلۋى كەرەك. سەبەبى، ول تۇرمىستىڭ اۋىر جۇگىن سەزىنۋى ءتيىس. ول تاڭ اتقاننان كەش باتقانعا دەيىن ويىننىڭ تۇبىن تۇسىرەتىن، قىزمەتتى كۇن وتكىزۋدىڭ ەرمەگى دەپ بىلەتىن، قىزمەتكە كوڭىلى تولماسا، ورتا جولدا تاستاي سالاتىن بالا مىنەزگە الدەقاشان حوش ايتقان.


مەن ونىمەن قىزمەت ٴجايلى كەڭەستىم. ول ءوزىنىڭ قىزمەتىنە كوڭىلى تولمايتىنىن، باستىعىنىڭ قىسىمىنا شىداماعانىن، قىزمەتتەستەرىنىڭ گۇبىر-سىبىرىنان مەزى بولعانىن، قىزمەت ورنىنىڭ الىستىعىن، ۇستەمە قىزمەتتىڭ شاش-ەتەكتەن كوپتىگىن ايتىپ زارلاندى.


مەن ودان نەگە قىزمەت اۋسىترماعانىن سۇراعانىمدا، ول ءوزىنىڭ ءالى دە ءبىر بەكىمگە كەلمەگەنىن ايتتى. مەن تاعى ودان ەگەر قىزمەت اۋستىرساڭ، نە ىستەمەكسىڭ دەسەم، ٴالى دە ويلانىپ بولماعانىن، مۇمكىن، الدىمەن بىرەر-اي دەمالىپ، ساياحاتتارمىن دەدى. ونىڭ اۋىزىنان بولاشاق جوسپار جونىندە ەشتەڭە ەستي المادىم.


 ول تەحنيك ەمەس، قايدا بارسا الدىنا اسى دايار تۇراتىن. ايتا بەرسەك كوركەمونەرشى دە ەمەس، سىرتقا شىعىپ ويىن قوياتىن. ول انتەك ويناپ كەلۋ ٷشىن عانا ساياحاتقا بارادى ەكەن...


 ول تىم كەلتە ويلايدى ەكەن.


 ونىڭ ەرتەڭگى جوسپارىندا سەن جوقسىڭ. ول سەن ٴجايلى ويلانىپ كورمەگەن اقىماق قىزىم-اۋ.


مەن سەنەن قالىڭ مال الماۋىما بولادى. وعان ٷي ال دەپ الەك تە سالمايمىن. سوندا ول ساعان نە بەرە الادى؟ قىزىم-اۋ، وتىنەرىم، سەن ەسەيمەگەن ەركەكپەن بىرگە ەسەيەمىن دەپ اۋرە بولما. ول ءوزى ەسەيىپ-ەرجەتۋى كەرەك. سەنىڭ سەرىك بولۋىڭمەن ەسەيگەن ەركەك، ماڭگى ەسەيمەيدى. ويتكەنى ول جاۋاپكەرلىكتىڭ نە ەكەنىن سەزىنە المايدى.


 كوز قاراسقا «كەدەي»


 سەن ونى ەلپەك، مەيىرىمدى، مىنەزى ورنىقتى، كوپ ىستەردە ماعان جول بەرەدى دەيسىڭ...


سەندە سولايسىڭ-عوي، سەن ءوزى وعان ىشكەرلەي ٴۇڭىلىپ كوردىڭ با؟ راسندا ول سەنىڭ ومىرلىك جارىڭ بولا الاما؟


 قىزىم-اۋ، اكەڭ ەكەۋىمىز ونى جاس، باسىنىڭ دىمى كەپپەگەن دەپ الىمسىنباي وتىرعانىمىز جوق، ونىڭ ساعان قۇراق ۇشىپ، بالداي ءتاتتى سوزدەرىمەن الداۋسىراتۋى تاتۋ-تاتتىلىك ەمەس، قايتا ەكى ادامنىڭ كوز قاراسى بىر جەردەن شىعا السا، ەڭ جاراسىمدى تۇرمىس بولماق.


 سەنىڭ ومىرلىك ىسىڭە قاتىستى حيكاياڭ بولعاسىن مەن ونىڭ تەگى جايلى سۇراپ، سىر تارتتىم دا جۇرەگىم شايلىقتى. پەندەنىڭ كوپ كوزقاراسىن ونىڭ سەمياسى بيلەيدى. بالاپان ۇيادان نەنى كورسە، ۇشقاندا سونى الادى ەمەس پە...


مەن ونىڭ اڭگىمەسىنەن تۇسىنگەنىم:


1. ونىڭ اتا-اناسى ۇلدى زور، قىزدى قور سانايتىن كورىنەدى. تويدان كەيىن سەنىڭ ۇل تۋىپ بەرۋىڭدى تىلەيتىن سەكىلدى.


2. ونىڭ اتا-اناسى سەنىڭ ساندەنىپ-جاسانعانىڭدى ۇناتپايتىن كورىنەدى ويتكەنى وعان دا اقشا جۇمسالادى.


3. ونىڭ ويىنشا ايەل ٴيدىڭ وتىمەن كىرىپ، كۇلىمەن شىعۋى ءتيىس ەكەن. ەگەر سەنىڭ مۇرساڭ تيمەي جاتسا قولعابىس ەتكىسى كەلەدى ەكەن.


سەن تەك ونىڭ وزىنە عانا ەمەس، اۋلەتىنە تۇرمىسقا باراتىندايسىڭ.


1. بالا سۇيۋ ۇرپاق جالعاپ، وركەن جايۋ عانا ەمەس، قايتا ەرلى-زايىپتىلار ماحابباتىنىڭ جەمسى، عۇمىرلارىڭىنڭ جالعاسى دەپ ويلاعايسىڭ.


2. سەنىڭ ساندەنۋىڭ ءوزىڭ ٷشىن، سونداي-اق وزگەلەرگە ٴوزىڭدى تاماشا سەزىندىرۋ ٷشىىن. وعان جۇمسالاتىن قاراجاتتى ءوزىڭ تاپتىڭ، ءارى ونى قالتاڭ كوتەرە الادى، شەشەڭ سەنىڭ ساندەنگەنىڭدى ءجون دەپ بىلەدى.


3. سەمياعا قارايلاسۋ. ول ٴار ەكى جاقتىڭ مىندەتى ٴٴارى جاۋاپكەرشىلگى، باس تارتۋعا بولمايتىن بورىشى. كىمنىڭ قولى بوس بولسا، سول ۇيگە قارايلاسۋى كەرەك. بوسانعانىڭ دا ساعان جانى اشىسا، ءسوزسىز كوپ جۇمسىتى ءوزى تىندىرۋى. استە سەنىڭ مۇرساڭ تيمەي كەتكەندە عانا قول ءۇشىن بەرۋمەن تىنسا بولماس..


ول اتا-اناسىنىڭ الاقانىنا سالعان تۇلىمدى ۇلى بولسا، سەن ءبىزدىڭ ماپەلەگەن بۇرىمدى قىزىمىزسىڭ.


سولاي-عوي. اقىماق قىزىم-اۋ، سەن ماحابباتتىڭ بالىن عانا سەزىنىپ، تۇرمىستىڭ اشتى ءدامىن بىلمەي تۇرسىڭ-عوي. ماحابباتقا تەك ءبىر-ءبىرىڭدى سۇيۋ جەتكىلىكتى. ال، ۇيلەنۋ كوزقارستارىڭنىڭ توعىسۋىن قاجەت ەتەدى.
بولاشاعى «كەدەي»


كىشكەنتايىڭىنان اكەڭ ەكەۋىمىز ساعان تاكاپپار بولما، سىكەر بول، كەراناۋ بولما، ۇستامدى بول دەپ ۇيرەتىپ كەلەمىز.


ءبىراق، وسى جولى اكەڭ ەكەۋىمىز ول بالانى راسىندا المسىنبادىق.


ءۇيى كەدەي بولسا مەيلى، قايراتىنا سەنگەن جان ۇيىنە ارقالانبايدى.


قىزمەتى ويداعداي بولماسا دا مەيلى، بالا بۇركىت ۇشا سالا قاسقىر المايدى، بارى دە ۋاقتىتىڭ ەنشىسىندە..

 
ءبىز ونىڭ ءبىلىمنىڭ تايازدىعىنان ەمەس، اقىلىنىڭ تايازدىعىنان قورىقتىق.


تۇرمسىتا قاۋجال ەتەر استىڭ جوقتىعى ەمەس، ەرتەڭگە اپارار ءۇمتتىڭ جوقتىعى قورقىنشتى.


بالا كەزىڭ ەسىڭدەمە؟ ول كەزدە سەنىڭ اكەڭ دە كەدەي بولاتىن، جازدا قاربىز، قىستا ماقتالى شاپان الۋىمىز مۇڭ بولاتىن.


ءبىراق، اكەڭ جانىن سالىپ قۇلشىندى. ۇنەمى زاۆودتاعى ۇستازدارىن ۇلگى ەتىپ، ارقانداي قيمىلعا بەلسەنە قاتىناستى. ەڭبەكاقىسىن الا سالا ءوزى جۇمساۋعا قيماي، مەنىڭ الاقانىما سالاتىن، ونداعى ويى انالى-بالا ەكەۋىمىزدى قىينالىپ قالماسىن دەگەنى.


ول شاقتار جاپالى بولسادا ٴلاززاتتى ەدى، ويتكەنى ءبىز بولاشاقتان ۇشقىن كوردىك، كوكىرەگىمىزگە ءۇمىت ۇيالاتتىق.


مەن ونىڭ قۇلشىنسىن كوردىم. مەن دە اكەڭمەن تەڭ قۇلشىندىم. فابريكاداعى ۋاقىتىمدا مەن ۇنەمى ۇزدىك قىزمەتكەر بولىپ باعالاندىم. اكەڭ ەكەۋىمىز ءبىر-ءبىرىمىزدى شابىتتاندىرا بىلدىك، قولداي بىلدىك.


مەن ۇيگە كەلىپ تاماق جاساسام، ول ىدىس-اياق جۋدى. ءۇي جۇمىسىن ءوزى ىستەپ ماعان سەنىمەن بىرگە بولۋدى تاپسىراتىن.


قازىر اكەڭ تابىستى جان، ول ماعان ۇنەمى بۇرىن مەنىمەن بىرگە قينالدىڭ-اۋ دەپ وتىرادى، مەن سالىمدى جان ەكەنمىن، ارمانى، بولاشاعى بار، مەيىرىمدى جانعا جولىقتىم، ەر ادام جاس كەزىندە كەدەي بولسا وقاسى جوق، ٴبىراق سەمياسىنداعىلارعا ءۇمىت بەرە الاتىن قابىلەتى بولماسا وندا كەشىرۋگە بولمايدى.


شەشەڭ سەنىڭ ول بالامەن بىرگە مەزەتتىك قىينالعانىڭنان الاڭدامايدى، قايتا ومىرلىك قينالىپ قالادى-اۋ دەپ الاڭدايدى.


قانشا كەدەي بولسادا، قايراتقا «كەدەي» بولماۋى كەرەك.


جوعارىدا ماعىناسى تەرەڭ ءسوزدى كوپ جازدىم، كوبىن ساعان ايتقان مازمۇندارىمنان جيناقتادىم. اكە-شەشەڭ سەندەردىڭ بىرگە بولۋلارىڭا قوسىلمايدى ەمەس، قايتا ونى وزگەرسە دەيمىز، ونىڭ قالاي وزگەرەتىن اكەڭ ەكەۋىمىز سەزىپ وتىرمىز، قالاي دەسەڭ دە سەنەن بۇرىن كوپ جەيدە توزدىردىق-قوي...


ەگەر ول مىناداي 4 ٴىستى سىتەي السا وندا ءبىز رازىلىعىمىزدى بەردىك.

 
1. جاتىپ ىشەر جالقاۋ بولماسىن


قىزمەتكە جانىن سالىپ قۇلشىنسن، جىلپوستىق پەن وڭاي ولجاعا قىزىقپاسىن. قىزمەتكە كوڭلى كۇپتى بولسا ايتۋىنا بولادى، ءبىراق، ءوزىن تەجەي ءبىلسىن. ويىن ويناۋىنا بولادى،ءبىراق، وعان بولا قىزمەتىنەن ايىرىلىپ قالۋىنا بولمايدى.


2. بولاشاق جوسپارى بولسىن


ادامنىڭ ارمانى الستا بولماسا، ويىندا الاڭ دا بولمايدى. ول ەركەكپىن دەپ داۋىرىققانمەن، ەركەكتەي ەڭبەك ەتە الماسا ءبارى بەكەر.


3، بالاعا، جارىنا دەگەن كوز قاراسىن وزگەرتسىن


بالالى بولسا اتا-تەگىن كىم دەپ جازسادا مەيلى، تەك سەمياڭ تاتۋ بولسىن، ول ٴۇي شارۋاسىن ساعان بولا ىستەمەيدى، قايتا وسى ٴۇيى ٷشىن ىستەۋى، بوداۋ بەرۋى، نيەتىمەن،ءوز قالاۋىمەن ىستەۋى شارت، استە سەن ايتقاسىن عانا ورىننان تۇرىپ يىلمەسىن...


4. ونىڭ ويى ابدەن تولىسقاندا اقشا جيناڭدار


اكەڭ-ەكەۋىمىزدىڭ جيعان-تەرگەنىمىزدىڭ بارى سەنكى. ٴبىراق ءبىز ونى ساعان ەپكە-سەپ بولسىن دەپ ەمەس، قۇت ۇستىنە قۇت بولسىن دەپ بەرگىمىز كەلەدى.


ويتكەنى بۇل بالا تىم ەز، ءبىزدىڭ از عانا اماناتىمىز ونى قۇتقارا المايدى. ءبىزدىڭ تالابىمىز اۋىر ەمەس شىعار؟ سەندە اقىلىڭا سالىپ ويلانىپ كور قىزىم جاراي ما؟


شەشەڭ دە جەر ورتا جاسقا كەلەدى. ماحاببات، تۇرمىس دەگەندەردى جەرىنە جەتە تانيدى. ءوز باسىمنان دا ءوتتى، كورە ٴجۇرىپ كوسەم دە بولدىم.


ءبىز سەنى باس قۇراۋعا اسىقتىرمايمىز، قۇدا جاقتان ەشتەڭە دە دامەتپەيمىز، تەك سەنىڭ باقتتى، كوڭىلدى، ساۋ دەنەلى، امان بولعانىڭدى عانا تىلەيمىز.


سەنى جانىنداي كورەتىن اناڭ، اكەڭ!

中央广播电视总台 央广网 版权所有