ينفورماتسيا اشكەرەلەۋ: mzjubao@cnr.cn

ادەبيەت ارناسى

قونجىق پەن قويان 5

来源:جۇڭگو قازاق راديو تورابى     |责编:古丽美热|     发布日期: 2020-01-03 14:59


         ايدوس امانتاي

  بالاپان راباتوۆ اۋدارماسى 
   
                                                             جار 


 ” بىلەسىڭ بە، سەنى ۇناتقان سوڭ تاعى ءبىر قىزعا عاشىق بوپ قالدىم. “


 ”ە. “

 
”ءبىراق ول سوڭىندا ءوزجولىنا ءتۇستى. “


” نەلىكتەن؟“


” اۋەلى نەگە سۇيگەنىمدى سۇرامايسىڭ با. “


”نە ءۇشىن ءسۇيدىڭ؟“


”ويتكەنى ول قوياندى جاقسى كورەدى ەكەن. “


“قويان؟“


”ءيا، مەن سەنى الام دەپ ەدىم ،مەنى نەگە ۇناتىپ قالدىڭ دەپ سۇرادى. سوسىن مەن وعان قوياندى جاقسى كورگەنىڭ ءۇشىن“ دەدىم.


” ول نە دەدى؟“


”حا حا حا، جىندى ەكەنسىڭ“ دەدى


العاشقى سۇيگەن قىزىم” ۇھ...“ دەپ تاۋسىلا كۇرسىندى.


”ولاي بولسا مىنا قىزبەن نەگە نەكەلەندىڭ؟“


”ويتكەنى بۇل داقوياندى ۇناتادى دا. “


”وندا بۇل قالايشا ماقۇل بولدى؟“

 
”بار بولعانى مەن وعان قوياندى جاقسى كورگەندىگى ءۇشىن ۇناتىپ قالعانىمدى ايتقام جوق،“


”ءسول عانا ما؟“


” سودان كەيىن-اق ماعان سەنىم ارتا باستادى“


كەنەت كەلىنشەگىمنىڭ بەينەسى ەلەستەي قالدى. الپەتى اقشا قارداي، رياسىز ۇلكەن قوس جانارىندا ءسابييلىكتىڭ ۇشقىنى جارقىلداعان ول دا مەن سياقتى ءنادۇرىس. تەگىندە ونشالىق ءنادۇرىس بولماسا دا قۇلشىنىپ ءجۇرىپ ءنادۇرىسكە اينالعان ەدى. سالتاناتتى تويدا ونىڭ كيگەنى ەۋروپاشا نەكە كيىمى بولعانىمەن مەنىڭ قيالىمدا داستۇرلى قىزىل ءتۇستى توي كيىمى سەكىلدى. ول شىنىمەن باقىتتى ما؟ نەمەسە ونىڭ وڭىندە باقىتتى ادامنىڭ جىلتى بار ما؟ بۇرىنعىلار كۇيەۋگە شىققاندا كيەتىن ورتتەي قىزىل كيىممەن باقىتقا كەنەلگەن بەينەمەن ەمەس، باقىتتى كوكسەگەن بەينەمەن ءۇن-تۇنسىز قاراپ وتىرعان سىڭايلى.

 
ول الگىندەي باقىتتى كوكسەگەن الپەتپەن ماعان قاراعان سايىن مەنىڭ جۇرەگىمە الىپ قارا تاستىڭ سالماعىنداي قىسىم تۇسەرىن مۇلدە ويلامايتىن سەكىلدى. ءبىر ءتۇرلى اششى ارالاسقان تاتتىلىك جەتىسپەيدى. مەن ءنادۇرىسپىن. سولاي ما؟ سوعان قاراماستان ول الگىندەي وسكەلەڭ ءارى زىلدەي ارمان-تىلەكتى ماعان ارقالاتىپ قويدى. مۇنىسى اڭقاۋلىق عانا ەمەس، ايەلدەردە بولاتىن ءبىر ءتۇرلى ماجنۇندىك ەدى.


قاسىمداعى العاش ماحابباتتاسقان قىزىما ”ونىڭ ماعان دەگەن ماحابباتىنان راسىندا مەزى بولدىم“ دەدىم.

 


” نەگە؟“


”بىلمەدىم، فوتبول جارىسى قۇسايدى دا تۇرادى. “


” تاعىدا فوتبول! “


”ءيا، ويلاشى ءوزىڭ، ۇيلەنۋ بەينە فوتبول جارىسىنداعى 22 ادامنىڭ ءبارى بىرىگىپء بىر كومانداعا اينالىپ كەتكەنى سياقتى. مۇنداي جارىستا تۇك تە ماعانا بولمايدى. ۇيلەنۋ-بەينەت. “


” سوندادا ونى جۇرتقا تاستاماۋىڭ كەرەك قوي. “


”جوق، مەن ونى تۋباستان-اق سۇيگەن ەمەسپىن. “

 
”وندا نەگە سۇيەم دەپ ايتاسىڭ؟“ بەينە ءبىر سەستى اپەكەنىڭ كەيپىنە ەنگەن ول شۇيلىگە ءتيىستى: ”سويلە، كىم ساعان ءوزىڭ ۇناتپاعان قىزعا سۇيەم دەپ ايت دەدى؟“


اياق استىنان جىلاعىم كەلدى. بەتىمدى قوس الاقانىممەن باسا بەرىپ دىرىلدەگەن سۇرەڭسىز ۇنمەن “سەنسىڭ” دەدىم.


(جالعاسى بار)

中央广播电视总台 央广网 版权所有

قونجىق پەن قويان 5

”ءيا، مەن سەنى الام دەپ ەدىم ،مەنى نەگە ۇناتىپ قالدىڭ دەپ سۇرادى. سوسىن مەن وعان قوياندى جاقسى كورگەنىڭ ءۇشىن“ دەدىم.