ينفورماتسيا اشكەرەلەۋ: mzjubao@cnr.cn

ادەبيەت ارناسى

قونجىق پەن قويان 7

来源:جۇڭگو قازاق راديو تورابى     |责编:古丽美热|     发布日期: 2020-01-09 17:48

  ايدوس امانتاي 

بالاپان راباتوۆ  اۋدارماسى


                                                                                       قونجىق


قيالىمدى جيناپ، العاشقى ماحابباتىما قارادىم، ونىڭ الپەتىنەن جابىرقاۋ مەن شارشاۋ، وعان قوسا ەشتەڭەنى ەلەمەۋشىلىك مەنمۇندالايدى.

”ٴومىرىڭ كۇن وتكەن سايىن كوڭىلدى بولادى.“


”نادۇرىس تە وتىرىك ايتىپ الدارقاتۋدى بىلەدى ەكەن ءا“


”مەن...مەنىڭ بىلۋىمشە ءسوزدىڭ ءجونى وسىلاي عوي.“

 
”راحمەت، قازىر دە حال-جايىم جاقسى.“ زورلانا كۇلىمسىرەدى. كۇلكىسى وتە ادەمى ەدى، كوركىنە كورىك قوسىپ جۇرەگىمدى جارالايتىن كۇلكى ەدى.

نە دەرىمدى بىلمەي تۇرعان ساتتە... و عاجاپ! سىزدەرگە وتىرىك ماعان شىن، سۇيكىمدى ءبىر قوڭىر قونجىق تەڭسەلە باسىپ ٴدامحاناعا كىردى دە كىشكەنە بوكسەسىن تولعاپ پوكايعا تايادى. مەن قىزدىڭ قولىنان شاپ بەرىپ ۇستادىم، سەلت ەتە تۇسكەن ول تاعى دا كوڭىلىمدى اۋلاعالى تۇر-اۋ دەپ ويلاسا كەرەك. ءبىراق مەن وعان بار ىقىلاسىممەن ەمىنە قاراپ ”ايۋدى كوردىڭ بە؟“ دەدىم. ول”جو، جوعا “دەدى تۇتىعا سويلەپ.

 
قونجىق شاعىن دەنەسىن تولعاپ، باسىن شايقاپ-شايقاپ قويادى. ءبىرازدان سوڭ گەمناستيكا ويناي باستادى. سەكىرگەن سايىن قامپيعان قارنى ءدىر-ءدىر ەتەدى.


قارقىلداپ كۇلىپ جىبەردىم.


ول مەنىڭ نەگە كۇلگەنىمدى سۇرادى. مەن وعان ”ايۋ وتە سەمىز ەكەن، سەكىرگەندە قارنى ءدىر-ءدىر ەتەدى“ دەدىم.


” تىم داراقى جان ەكەنسىڭ“دەدى ول ” مەيلى قونجىق بولسىن، قارنى دىرىلدەپ تۇرسىن دەلىك، ونىڭ نەسى كۇلكىلى. ەركەك باسىڭمەن سونداي بولىمسىز ىسكە دە كۇلگەن بار ما؟“

 
ونىڭ ٴسوزى ودان ارى كۇلكى شاقىردى. مەنىڭ ءنادۇرىس ەكەنىمدى، ونىڭ ۇستىنە ءوزىمدى تيتتەي دە سۇيمەيتىنىمدى ابدەن بىلەدى، باياعىدا بەتىمدى قايتارعان قىز ەندى كەلىپ ءنادۇرىس بىرەۋگە ”ەركەك باسىڭمەن...“ دەپ قاباعىن تۇيەدى.


سول ساتتە ساتۋشىنىڭ الدىنا بارعان قونجىق: ”حا حا، مەن اسا الۋەتتى قونجىقپىن، مەنىڭ قارنىم وتە ۇلكەن، ماعان ءدامدى بالىقتان ءجۇزدى بەرىڭىز.“ دەدى. ساتۋشى ۇندەمەدى، قونجىقتى كورمەي تۇرعان سياقتى.

”ەستىدىڭ بە؟ مەن قونجىقپىن. قارنىم اشتى، ءدامدى بالىق! تەز! ەح...“ ساتۋشى تاعى دا ءۇنسىز.


”قونجىق!“ دەپ ايعاي سالدىم. قونجىق موينىن بۇرىپ جاسقانا جىمىيدى. ”ساتۋشى ءنادۇرىس ەكەن، حامبۇرگىردەن بەرمەي جاتىر“ دەدى. مەن ونىڭ يىعىنان قاعىپ-قاعىپ قويدىم. قونجىق اي-شايعا قاراماي-اق بەتىمنەن جالاپ الدى. بەتىڭدى ايۋ جالاسا ءبىر ءتۇرلى تاماشا تۇيسىككە كەنەلەسىڭ.


-كوردىڭ بە؟ سۇيىكتىم، بۇرىندارى بار ىنتاسىمەن سەنىڭ سوڭىڭنان سالپاقتاعان بوزبالانى، ءدال قازىر ايۋ جالاپ جاتىر.“ دەپ ايقاي سالدىم. دەسەدە قازىرگى كۇيىمنەن ءوزىم دە الاڭداي باستادىم. ءمۇبادا كوپشىلىك ايۋدى كورگەن بولسا وندا مەن ايۋ جالاعان نەمەسە ايۋمەن تىلدەسكەن عاجايىپ ادام بولامىن دا، ەگەر ايۋدى ەشكىم دە كورمەگەن بولسا ناعىز ءنادۇرىس اتانامىن.

ءبىراق، بارلىعى دا كۇتپەگەن جاعداي ەدى، العاشقى ماحابباتىمنان ەش قانداي اڭىس جوق. ٴدامحانادا وتىرعان ادامداردا تۇك كورمەگەن ءتارىزدى. قۋانىشتىڭ تۋى جىعىلىپ، اياق استىنان ءبىر ءتۇرلى قۇلازىپ، جابىرلەنىپ قالدىم. مەنىڭ قينالعانىم سول باياعى قۇلازىعان سەزىممەن بايلانىستى ەدى.


قونجىق ”قايدان كەلدىڭ“ دەپ سۇرادى. ”ءوزىمنىڭ نەكە تويىمنان“ دەدىم. ” قىزىق پا؟“ دەدى. ”قايدان قىزىق بولسىن؟ ءوز تويىمنان ءوزىم قاشىپ شىقتىم. تويدا تەك عانا كوكوكولا ىشكەن بولدىم. وسى ارا جاقسى ەكەن“
قونجىق: ٴدامحانادا، ءدال قازىر نە ىستەپ وتىرسىڭ؟ دەپ سۇرادى.” كوكوكولا ءىشىپ وتىرمىن.“ دەپ جاۋاپ بەردىم.

قونجىقتىڭ كۇلكىدەن قارنى دىرىلدەپ كەتتى، سوسىن ءبارى دە تۇسىنىكتى بولعانىن ايتتى. وكىنشكە وراي وسىنىڭ استارىنداعى جۇيە-جۇلگەنى ءوزىم دە بىلمەيمىن.

تاقىرىپتان تايساقتاۋ ءۇشىن قونجىققا: ”بۇرىن ءبىر دوسىم بولعان، قار جاۋعان كۇنى قولىمەن قاردىڭ بەتىنە مەنىڭ اتىمدى جازۋشى ەدى.“ دەدىم. بۇل راسىندا كوز الداعىمەن تۇكتە قاتىسى جوق، بەرەكەسى قاشقان ءسوز بولاتىن. ءبىراق، قونجىق مۇقيات تىڭدادى. سوسىن ”تاعىداشى؟“ دەدى ءوتىنىپ.


”بۇرىن ورتا مەكتەپتە وقىپ جۇرگەندە ارتىمدا ءبىر قىز وتىراتىن. ساباقتان تۇسكەن سوڭ ءبارىمىز«ءاني-ءماني» وينايتىنبىز. كىم ۇتىلىپ قالسا سونىڭ الاقانىنا تاسباقانىڭ سۋرەتىن سىزاتىنبىز.“


قونجىق كۇلىمسىرەپ باسىن يزەدى.


”قونجىق سەن وتە جاقسى ەكەنسىڭ، باسقالار مۇنداي اڭگىمەنى سەن قۇساپ مۇقيات تىڭدامايدى“


”ويتكەنى مەن ايۋمىن عوي“دەدى قونجىق. مەن وعان ”ايۋ بولعان قانداي جاقسى.“ دەدىم.


قونجىقتىڭ ءدامدى بالىقتان جەگىسى بار ەدى. الايدا اينالاداعىلار قىل اياعى مەنى دە كورە الماي قالعان بولاتىن. سوندىقتان وعان يىعىمدى شوشايتقاننان باسقا امالىم بولمادى.

 
قىزدىڭ كوڭىلىن اۋلاعىم كەلدى مە، كەنەتتەن قونجىق تۋرالى ولەڭدى اندەتىپ قويا بەردىم: ”قونجىق، قونجىق شىر ايلان؛ قونجىق، قونجىق ءبي بيلە؛ قونجىق، قونجىق جەر سيپا.“

جانارىنا جاس ۇيىرگەن قونجىق قولىمنان ۇستاپ: ”ناعىز جاقسى ادام ەكەنسىڭ.“ دەدى


مەن كۇلىپ تۇرىپ قولىمدى تارتىپ اكەتتىم. ءبىر قاۋىم ۋاقىتتان كەيىن: ”جوق، مەن جاقسى ەمەسپىن، ءنادۇرىسپىن“ دەدىم.



(جالعاسى بار)

中央广播电视总台 央广网 版权所有

قونجىق پەن قويان 7

كۇلكىسى وتە ادەمى ەدى، كوركىنە كورىك قوسىپ جۇرەگىمدى جارالايتىن كۇلكى ەدى.