ينفورماتسيا اشكەرەلەۋ: mzjubao@cnr.cn

ادەبيەت ارناسى

قونجىق پەن قويان 9

来源:جۇڭگو قازاق راديو تورابى     |责编:古丽美热|     发布日期: 2020-01-12 19:12


ايدوس امانتاي 

بالاپان راباتوۆ اۋدارماسى



                                                                                      اشىلعان سىر

قونجىق ارتىنا بۇرىلدى دا ساتۋشىنىڭ قاسىنا بارىپ «سالەمەتسىز بە، ءبىر ءدامدى بالىق، ەكى كوكوكولا بەرىڭىز»-دەدى بايىپپەن.

وسى ساتتە قونجىقتىڭ بەت-اۋزى قيسايىپ، قۇياڭدانىپ كەتتى. سوسىن كاستيوم-پرولكا كيگەن كەلبەتتى جىگىتكە اينالدى. مەن جاعامدى ۇستادىم. قولىندا ءدامدى بالىق پەن كوكوكولاسى بار قونجىق جانىما تاياپ كەلدى دە ”بىرگە وتىرىپ بىراز اڭگىمە شەرتپەيمىز بە؟ “ دەدى. مەن وتىرا قالدىم.

قونجىق ماعان بۇرىندارى ءبىر قىزعا عاشىق بولعانىن، بىراق ايرىلىپ قالعانىن ايتتى. مەن وعان ءالى دە قايتا قاۋىشۋدىڭ وراتى بارلىعىن ايتتىم. ول جوقتىعىن ايتتى.”نەگە؟“ دەدىم.

ول”قونجىقتى ولتىرمەدىم“ دەدى. ءوز قونجىعىن ولتىرە الماي، ەسەسىنە ءوزىن ولەردەي سۇيگەن قىزدىڭ جۇرەگىنە جارا سالعانىن جاسىرمادى. مەن وعان بارلىق ءىستىڭ دە ورنى تولاتىنىن ايتتىم.

”اناۋ جىلاپ وتىرعان ەكى ايەلدىڭ مەنى كورمەيتىنى سەكىلدى“دەدى قونجىق.

”كورمەيدى؟“

”ءيا، كورمەيدى.“

”اسىلىندە ولار كورەدى، قازىر تەك ەڭىرەپ وتىرعاندىقتان كورمەي قالدى. “ دەدىم.

قونجىق كۇلدى.

”كۇلمە “ دەدىم مەن وعان.

جىندىسىڭ با؟ ءوز ايەلىڭدى توي ۇستىندە قالدىرىپ كەتكەنىڭە ءماز بوپ جۇرسىڭ بە؟ العاشقى ماحابباتىڭا وكپەلىسىڭ بە؟

مەن ”سولاي“ دەدىم، ول ”ولاي ەمەس“ دەدى.

”مىنانىڭ ءبارى مەنىڭ قىلعانىم، مەن ءنادۇرىسپىن“ دەدىم. ”انداعى ءسوز مەنىڭ ءسوزىم. ءدال قازىر بوي كورسەتكەن مەنمىن، سەن ەمەسسىڭ“دەدى ول.

”مەن ولاردى شىن جۇرەكتەن سۇيەمىن.“

مەن ۇندەمەدىم.

”بۇرىن سەنەن قانشا قىز باس تارتىپ ەدى؟“ ”ەكەۋ“ دەدىم مەن.

”تىلەگىڭدى نەگە قابىلدامادى؟“

”ويتكەنى ولار مەنى جاقسى دەپ تانىمادى.“

”سەن اۋەلى ءوزىڭدى ءوزىڭ تانيسىڭ با؟ “

”تانيمىن. “

”شىنىندا سونداي سەنىمدىسىڭ بە؟“

”ءوزىمنىڭ كىم ەكەنىمدى ءوزىم بىلمەيتىن نە جەتىپتى؟“

”ە، دەمەك،ولار شىنىمەن سەنىڭ بەتىڭدى قايتارعان بولدى عوي؟“

”مەنى ەمەي،باسقا بىرەۋدى تويتارىپ پا سوندا؟“

ول كاستيومىنىڭ قالتاسىنان اينا الىپ شىقتى، مەن ايناعا قارادىم، اينادان ايۋدى كوردىم...

اينانى قالتاسىنا جىلدام سالا قويعان ول”ولار سەنەن بەزىنگەن جوق، سەنى سۇيەدى، ولار بار بولعانى ايۋدان باس تارتتى...“ دەدى.

مەن اڭىرعان قالپى سىلەيىپ تۇرىپ قالدىم. ول اقىرىن شىعىپ كەتتى. تەرى سومكانى عانا قالدىرىپ عايىپ بولدى.
قىز بەن كەلىنشەكتىڭ قۇشاقتاسىپ جىلاعانىن كورىپ تۇرمىن. بۇگىن ءتۇن جاس كەلىنشەگىمنىڭ جاس وتاۋداعى شىرىن ءتۇنى ەدى، ءبىراق مەن ونى ماكدولانتتىڭ ىشىندە بوزداتىپ قويدىم. قونجىق قالدىرعان سومكادا ءبىر اينا مەن كىشكەنە پىشاق بار ەكەن.

مەن كۇلدىم.

قىز دوسىم ىقشام قارا ءتۇستى كيىم كيگەن. ءاپ-ادەمى بوپ جاسانىپ الىپتى. تەك نەگە جاسانعانىن، نە ءۇشىن سۇلۋلانىپ العانىن ءوزى دە بىلمەيدى. بۇل قىزدىڭ مەنىمەن بىرگە ساياحاتتاپ، ويىن كورىپ، اسەنونەر سارايىن ارالاماي، ەرگە شىعىپ بالالى بولۋدى اڭساعانى نەلىكتەن؟

كوپ جىلدان كەيىن ونىڭ شاشىنان سيپاپ تۇرىپ:”ءتۇسىندىم، ءومىر دەگەن وسى، كەيدە مويىنداماسقا ءاددىمىز جوق، سولاي ما؟“ دەگىم كەلدى.

ولار ەڭىرەپ وتىر. كەنەت، وتە ءبىر كۇلكىلى ماسەلە ويىما ورالدى. مۇبادا مەن ەكۋىنىڭ بىرەۋىن تاڭداپ، ۇيلەنەتىن بولسام، قايسىسىن تاڭدار ەدىم؟ ايەلىمنىڭ اقشا قارداي الپەتىنە، قىز دوسىمنىڭ ادەمى، ىقشام كيىمىنە قاراپ كۇلىپ قويدىم. بۇل ايۋدىڭ لوگيكاسى، مەنىڭ تابيعاتىمدا جوق نارسە.

ماسەلە سەنىڭ نەنى سۇيگەنىڭدە ەمەس، نەنى تاڭداعانىڭا بايلانىستى.

قولىمدا قونجىق بەرگەن پىشاق، سالماقتاپ كورسەم مۇنشاما جەڭىل بولار ما.

اينادان ءوزىمنىڭ ايۋ الپەتىمدى كورىپ ونىمەن باقىلداستىم: ”قونجىق، قونجىق، سەن بولعانىما وتە باقىتتىمىن.“ اينانىڭ الدىندا قاسىن بوياعان ايەلدەي مۇقياتپىن. ” ءبىراق مەن سەنى ءسوزسىز ءولتىرۋىم كەرەك. “
كوكىرەگىمە قادالعان پىشاققا، مەنىءومىر بويى قۇلاي سۇيگەن ايەلدىڭ لاعىناتى سەرىك بولدى، توڭىرەك تولى اسىعىس تاماق جەگەن بەيتانىس ادامدار. اپسەتتە ءومىردىڭ سۇمدىق سۇرەڭسىز ەكەندىگىن سەزىندىم. سوندا دا كۇلىپ قويدىم. ويتكەنى ادەمى ساتتەر ەدى.

ولار تاۋسىلا قارعىس جاۋدىرۋدا. مىناۋ ەركەكتىڭ وزدەرىن سونشاما سۇيەتىنىن بىلمەيدى. وزىنە ءوزى پىشاق سالعانىنان دا حابارسىز. وزىمەن جان-ءتانى تۋىس، ەتەنە ايۋدى ءولتىرىپ تىنعانىندا سەزبەيدى. مەن كۇلدىم، ءومىردىڭ كوركەم ەكەنىن اڭعاردىم. ويتكەنى، ولار مەنىڭ سونشاما سۇيەتىنىمدى بىلگەن جوق.

وسى ءبىر ۇرلىقتان تاپقانداي بولىمسىز قۋانىشقا بولا ەڭ شىنايى باقىتقا كەنەلىپ جۇرە بەرمەكپىن.

وسى كەزدە قايتادان كورنەۋگە شىقتىم. ولار جىلاۋىن لىپ تيدى. از-كەمنەن كەيىن ايەلىم تاعى دا ەڭىرەپ قويا بەردى. العاشقى ماحابباتىم ەداۋىر ۋاقىت قاسى-كوزىن جوندەدى دە اقىرىن جولىنا ءتۇستى.

وسى ساتتە كەلىنشەگىم ونى كورۋدەن قالعان ەدى، ونىڭ جانارىندا مەن عانامىن. سونىمەن...ءبىراز ۋاقىت سىرعىدى.


ايەلىم قۇشاعىما قۇلادى. كىپ-كىشكەنە بۇرىسكەن ءبىتىمى بەينە موماقان مىسىق سەكىلدى. ماكدالونتتا ەشكىم دە ءبارى ءبىر كورە المايدى. ءبىراق مەن وسىنداي تاسىلمەن عايىپ بولعاندى قالايمىن.

مىناۋ مىسىقتاي ايەل جاڭا عانا قارعانىپ وتىر ەدى دەگەنگە سەنۋ قيىن. مۇنداي شۇعىل وزگەرىس ادامدى ازدا بولسا سەنىمنەن ايىرادى. ىسحۇزىندە وسىناۋ قۇبىلمالى جاي وزىمەن ەكى ەلى قالماي ىلەسىپ وتىرعانىن قازىر عانا اڭداپ وتىرمىن.

ەركەككە ۇقساعان كەزىمدە سەنىم كورنەۋگە شىقتى. ال،حايۋانعا اينالعاندا سەنىم اتاۋلى تاساعا تىعىلدى.

ول مەنەن اڭگىمە ايتۋدى ءوتىندى.

اڭگىمە؟ اڭگىمە ايتايىن با؟

دەرەۋ، قازىر، تاباندا!

قۇپ!

بۇرىندارى ءبىر ايۋ...

ايۋ؟


ءسوزىمدى بولمەشى جاراي ما؟

ءيا، بولمەيىن، ايت.

بۇرىن ءبىر ايۋ سەنى سۇيۋشى ەدى، ءبىراق كەيىن ءوزىن ءوزى ءولتىردى.

ول شارالى كوزدەرىن قاداپ: نەلىكتەن ءوزىن ءوزى ولتىرەدى؟ دەدى.

مەن ونىڭ شاشىنان سيپاپ وتىرىپ: ويتكەنى ول سەنى سۇيەدى.- دەدىم.

ايەلىمنىڭ بۇل اڭگىمەنى تۇسىنبەگەنى داۋسىز. الايدا سۇيەتىنىن ايتتى.

.......
(جالعاسى بار)

中央广播电视总台 央广网 版权所有

قونجىق پەن قويان 9

ماسەلە سەنىڭ نەنى سۇيگەنىڭدە ەمەس، نەنى تاڭداعانىڭا بايلانىستى.